Rava Idli History: ರವೆ ಇಡ್ಲಿ ಕರ್ನಾಟಕದ ಈ ಊರಲ್ಲಿ ಹುಟ್ಟಿದ್ದೇ ರೋಚಕ ಕಥೆ!

ನೀವು ಜಗತ್ತಿನ ಯಾವುದೇ ಪ್ರದೇಶಕ್ಕೇ ಹೋಗಿ, ಬಹುತೇಕ ಸಿಕ್ಕೇ ಸಿಗುವ ಒಂದು ಭಾರತೀಯ ತಿಂಡಿ ಅಂದರೆ ಅದು ಇಡ್ಲಿ. ಅದರಲ್ಲೂ ರವೆ ಇಡ್ಲಿ ಅಂದ್ರೆ ಕೇಳೋದೇ ಬೇಡ. ಮಿದುವಾದ ಇಡ್ಲಿಯನ್ನು ತಿನ್ನುವ ಸುಖವೇ ಬೇರೆ.

ಹಾಗಾದ್ರೆ ಇಂತಹ ಅದ್ಭುತ ತಿಂಡಿ ರವೆ ಇಡ್ಲಿ ಹುಟ್ಟಿದ್ದು ಎಲ್ಲಿ? ಈ ರುಚಿ ರುಚಿಯಾದ ಇಡ್ಲಿಯನ್ನು ಕಂಡು ಹಿಡಿದವರಾದ್ರೂ ಯಾರು? ಈ ಪ್ರಶ್ನೆ ನಿಮ್ಮಲ್ಲೂ ಮೂಡಿರಬಹುದು. ಈ ಪ್ರಶ್ನೆಗೆ ಉತ್ತರ ನಾವು ಹೇಳ್ತೀವಿ ನೋಡಿ.

ದಕ್ಷಿಣ ಭಾರತೀಯರ ತಿಂಡಿ ಎಂದೇ ಪ್ರಸಿದ್ಧವಾದ ರವೆ ಇಡ್ಲಿ ಹುಟ್ಟಿದ್ದು ನಮ್ಮ ಕರ್ನಾಟಕದಲ್ಲೇ ಕಣ್ರೀ! ಹೌದು, ಈ ಮಾಹಿತಿ ತಿಳಿದರೆ ನೀವು ಅಚ್ಚರಿಯಾಗುವುದು ಪಕ್ಕಾ!

ರವೆ ಇಡ್ಲಿಯನ್ನು ಕಂಡುಹಿಡಿದದ್ದು ಬೆಂಗಳೂರಿನ ಜನಪ್ರಿಯ ರೆಸ್ಟೋರೆಂಟ್ ಮಾವಳ್ಳಿ ಟಿಫಿನ್ ರೂಮ್ಸ್ ಅಥವಾ MTR. 2ನೇ ಮಹಾಯುದ್ಧದ ಸಮಯದಲ್ಲಿ ರವೆ ಇಡ್ಲಿ ಎಂಬ ತಿಂಡಿ ಹುಟ್ಟಿದ್ದು ಎಂಬುದು ಇನ್ನೊಂದು ಕುತೂಹಲದ ಸಂಗತಿ.

2ನೇ ಮಹಾಯುದ್ಧ ನಡೆಯುತ್ತಿರುವ ಸಮಯ ಅದು. ಇಡ್ಲಿ ಮಾಡಲು ಬಳಸುವ ಪ್ರಮುಖ ವಸ್ತುವಾದ ಅಕ್ಕಿಯ ಕೊರತೆ ಉಂಟಾಗಿತ್ತು. ಹೀಗಾಗಿ 1924ರಲ್ಲಿ ಬೆಂಗಳೂರಿನ MTR ನಲ್ಲಿ ರವೆ ಬಳಸಿ ಇಡ್ಲಿ ಮಾಡುವ ಪ್ರಯೋಗ ಮಾಡಲಾಯ್ತು.

ಇಡ್ಲಿ ಮಾಡೋಕೆ ಅಕ್ಕಿ ಸಿಗ್ತಿಲ್ಲ ನಿಜ. ಆದರೆ ವ್ಯಾಪಾರ ಡೌನ್ ಆಗಬಾರದು, ಏನನ್ನಾದರೂ ಹೊಸದನ್ನು ಮಾಡಲೇಬೇಕು ಎಂಬ ಪ್ರಾಮಾಣಿಕ ಹಂಬಲವೇ ಹೀಗೆ ರವೆ ಇಡ್ಲಿ ಹುಟ್ಟಲು ಕಾರಣವಾಯಿತು.

ಸಮಸ್ಯೆಯೇ ಹೊಸ ಹುಟ್ಟಿಗೆ ಕಾರಣ ಎಂಬ ಮಾತಿದೆ. ಇಡ್ಲಿ ಮಾಡೋಕೆ ಅಕ್ಕಿ ಇಲ್ಲ ಎಂದು ಕೈಕಟ್ಟಿ ಕೂರದೇ ಹೊಸ ಪ್ರಯೋಗ ಮಾಡಿದ್ದು ರವೆ ಇಡ್ಲಿ ಜಗತ್ತನ್ನೇ ಆಳಲು ಕಾರಣವಾಯಿತು!

ನೋಡಿ, ನೀವು ಸಹ ಮನೆಯಲ್ಲಿ ಏನಾದರೂ ಅಡುಗೆ ವಸ್ತು ಖಾಲಿ ಆದ್ರೆ ಇರೋದ್ರಲ್ಲೇ ಏನಾದ್ರೂ ಹೊಸತನ್ನು ಟ್ರೈ ಮಾಡಿ. ಹೊಸ ತಿಂಡಿಯನ್ನೇ ನೀವು ಸಂಶೋಧನೆ ಮಾಡಬಹುದು!