Bengaluru Load Shedding: ಹೆಚ್ಚಾಯ್ತು ವಿದ್ಯುತ್ ಬಳಕೆ, ಲೋಡ್ ಶೆಡ್ಡಿಂಗ್ ತಡೆಯಲು ಹೀಗೆ ಮಾಡಿ

ಕುಳಿತರೂ, ನಿಂತ್ರೂ ಜನ ಬಿಸಿಲಿನಿಂದ ಬಳಲಿದ್ದಾರೆ. ರಾತ್ರಿ ಮಲ್ಕೊಂಡ್ರೂ ತಡಯಲಾಗದ ಸೆಕೆ! ಈ ಬಾರಿ ಸೂರ್ಯನ ಸುಡು ಬಿಸಿಲಿನಿಂದ ಜನರು ಕಂಗಾಲಾಗಿದ್ದಾರೆ. ಬೆಂಗಳೂರಿನಲ್ಲಿ ಸೂರ್ಯನ ಎಫೆಕ್ಟ್​ನಿಂದ ಕರೆಂಟ್ ಬಳಕೆ ಭಾರೀ ಹೆಚ್ಚಾಗ್ತಿದೆ. (ಸಾಂದರ್ಭಿಕ ಚಿತ್ರ)

ಬೇಸಿಗೆ ಬಂತು ಅಂದ್ರೆ ಮಕ್ಕಳಿಗೆ ಖುಷಿ, ದೊಡ್ಡೋರಿಗೆ ಬಿಸಿ! ಅದ್ರಲ್ಲೂ ಈ ಬಾರಿ ಬೇಸಿಗೆಯಲ್ಲಿ ಸೂರ್ಯ ಸ್ವಲ್ಪ ಹೆಚ್ಚಾಗಿ ಸುಡ್ತಾ ಇದ್ದಾನೆ. ಬಿರು ಬಿಸಿಲಿನ ಹೊಡೆತದಿಂದ ಕೂಲ್ ಆಗಿರ್ಬೇಕು ಎಂದು ಜನರು ಫ್ಯಾನ್, ಏಸಿ, ಕೂಲರ್ ಬಳಕೆ ಹೆಚ್ಚಾಗಿ ಮಾಡ್ತಿದ್ದಾರೆ. (ಸಾಂದರ್ಭಿಕ ಚಿತ್ರ)

ಬಿಸಿಲಿನ ಹಬೆಯಿಂದ ಬೆಂದಿರುವ ಜನರು ಫ್ಯಾನ್, ಏರ್ ಕಂಡಿಷನ್, ಏರ್ ಕೂಲರ್ ಬಳಸುವುದು ಹೆಚ್ಚಾಗಿದೆ. ಹೀಗಾಗಿ ಕಳೆದ ವರ್ಷಕ್ಕೆ ಹೋಲಿಸಿದ್ರೆ, ವಿದ್ಯುತ್ ಬಳಕೆ ಹೆಚ್ಚಾಗಿದೆ ಎಂದು ಬೆಸ್ಕಾಂ ಮಾಹಿತಿ ನೀಡಿದೆ. (ಸಾಂದರ್ಭಿಕ ಚಿತ್ರ)

ಕಳೆದ ವರ್ಷ ಮಾರ್ಚ್ 2022ರಲ್ಲಿ 6913 ಮೆಗಾ ವ್ಯಾಟ್ ವಿದ್ಯುತ್ ಬಳಕೆಯಾಗಿತ್ತು. ಆದ್ರೆ ಈ ಬಾರಿ ಮಾರ್ಚ್ 2023ರಲ್ಲಿ 7740 ಮೆಗಾ ವ್ಯಾಟ್ ವಿದ್ಯುತ್ ಬಳಕೆ ಆಗಿದೆ. ಅಂದ್ರೆ ಮಾರ್ಚ್ 2022ಕ್ಕೆ ಹೋಲಿಸಿದ್ರೆ ಮಾರ್ಚ್ 2023 ರಲ್ಲಿ 829 ವ್ಯಾಟ್ ಏರಿಕೆಯಾಗಿದೆ. (ಸಾಂದರ್ಭಿಕ ಚಿತ್ರ)

ಈ ಕುರಿತು ಬೆಸ್ಕಾಂ ಗ್ರಾಹಕ ವಿಭಾಗದ ಜನರಲ್ ಮ್ಯಾನೇಜರ್ ನಾಗರಾಜ್ ಅವರು ನ್ಯೂಸ್ 18 ಕನ್ನಡಕ್ಕೆ ಅಧಿಕೃತ ಮಾಹಿತಿ ನೀಡಿದ್ದಾರೆ. ಈ ವರ್ಷ ವಿದ್ಯುತ್ ಬಳಕೆ ಹೆಚ್ಚಾಗ್ತಿದೆ ಎಂದು ದೃಢಪಡಿಸಿದ್ದಾರೆ. (ಸಾಂದರ್ಭಿಕ ಚಿತ್ರ)

ಬೇಸಿಗೆಯಲ್ಲಿ ಸೆಖೆ ಹೆಚ್ಚುತ್ತಿರುವ ಕಾರಣ ವಿದ್ಯುತ್ ಬಳಕೆ ಗಣನೀಯವಾಗಿ ಏರಿಕೆ ಕಂಡಿದೆ. ಬೆಸ್ಕಾಂ ವ್ಯಾಪ್ತಿಯಲ್ಲಿ 8 ಜಿಲ್ಲೆಗಳಿದ್ದು, ಗ್ರಾಹಕರಿಗೆ ತೊಂದರೆ ಆಗದಂತೆ ನೋಡಿಕೊಳ್ಳಲು ಬೆಸ್ಕಾಂ ರೆಡಿಯಾಗಿದೆ. (ಸಾಂದರ್ಭಿಕ ಚಿತ್ರ)

ಒಟ್ಟಾರೆ ವಿದ್ಯುತ್ ವ್ಯತ್ಯಯ ಉಂಟಾಗುವ ಮುನ್ನವೇ ವಿದ್ಯುತ್ ಉಳಿತಾಯದತ್ತಲೂ ಸಾರ್ವಜನಿಕರು ಗಮನಹರಿಸಬೇಕಿದೆ. (ಸಾಂದರ್ಭಿಕ ಚಿತ್ರ)