Mangoes To Home: ಇಂದಿನಿಂದ ಮನೆ ಬಾಗಿಲಿಗೆ ಮಾವು ತರಲಿದೆ ಅಂಚೆ ಇಲಾಖೆ, ಜಸ್ಟ್ ಇಷ್ಟು ಮಾಡಿ ಸಾಕು

ನಿಮಗೆ ಮಾವಿನ ತೋಟದಿಂದಲೇ ಮಾವಿನ ಹಣ್ಣನ್ನು ತರಿಸಿಕೊಂಡು ಸವಿಯುವ ಆಸೆಯಿದೆಯೇ? ಹಾಗಿದ್ದರೆ ನಿಮ್ಮ ಈ ಸಿಹಿಯಾದ ಆಸೆ ಈಡೇರಿಸಲು ಒಂದೊಳ್ಳೆ ಅವಕಾಶ ಶುರುವಾಗಿದೆ. ಅಂಚೆ ಇಲಾಖೆಯ ವತಿಯಿಂದ ಮನೆ ಮನೆಗೆ ಮಾವಿನ ಹಣ್ಣನ್ನು ತಲುಪಿಸುವ ಸೇವೆ ಇಂದಿನಿಂದ (ಮೇ 3) ಆರಂಭವಾಗುತ್ತಿದೆ ಎಂದು 'ವಿಜಯ ಕರ್ನಾಟಕ' ವರದಿ ಮಾಡಿದೆ. (ಸಾಂದರ್ಭಿಕ ಚಿತ್ರ)

ಹೌದು, ಮನೆ ಮನೆಗೆ ಪತ್ರಗಳನ್ನು ತಂಡುಕೊಡುತ್ತಿದ್ದ ಅಂಚೆ ಇಲಾಖೆ ಇದೀಗ ಮಾವಿನ ಹಣ್ಣುಗಳನ್ನು ಸಹ ತಲುಪಿಸಲಿದೆ.

ಅರೇ! ಮಾರುಕಟ್ಟೆಯಲ್ಲೇ ಮಾವಿನ ಹಣ್ಣನ್ನು ಖರೀದಿ ಮಾಡಬಹುದಲ್ವಾ? ಎಂದು ನಿಮಗೆ ಅನಿಸಬಹುದು. ಆದರೆ ಅಂಚೆ ಇಲಾಖೆ ನೇರವಾಗಿ ಕೃಷಿಕರ ಮಾವಿನ ತೋಟಗಳಿಂದಲೇ ಮಾವಿನ ಹಣ್ಣನ್ನು ಆರ್ಡರ್ ಮಾಡಿದವರ ಮನೆ ಬಾಗಿಲಿಗೆ ತಂದುಕೊಡಲಿದೆ. (ಸಾಂದರ್ಭಿಕ ಚಿತ್ರ)

ನೀವು ಆರ್ಡರ್ ಮಾಡಿದ ಒಂದೆರಡು ದಿನಗಳಲ್ಲೇ ಸಿಹಿ ಸಿಹಿಯಾದ ಮಾವಿನ ಹಣ್ಣು ನಿಮ್ಮ ಮನೆ ಬಾಗಿಲನ್ನು ತಲುಪಲಿದೆ. ಆದರೆ ಕನಿಷ್ಠ 3 ಕೆಜಿ ಮಾವಿನ ಹಣ್ಣನ್ನಾದ್ರೂ ನೀವು ಬುಕ್ ಮಾಡಲೇಬೇಕಿದೆ.(ಸಾಂದರ್ಭಿಕ ಚಿತ್ರ)

ಕರ್ನಾಟಕ ರಾಜ್ಯ ಮಾವು ಅಭಿವೃದ್ಧಿ ಮತ್ತು ಮಾರುಕಟ್ಟೆ ನಿಗಮವು ಅಂಚೆ ಇಲಾಖೆಯ ಜೊತೆಗೂಡಿ ಈ ಸೇವೆ ಆರಂಭಿಸುತ್ತಿದೆ. ಈ ಸೇವೆಯಿಂದ ಮಾವು ಪ್ರಿಯರಿಗೆ ಒಂದೇ ಅಲ್ಲದೇ ಮಾವು ಬೆಳೆಗಾರರಿಗೆ ಸಹ ಪ್ರಯೋಜನವಾಗಲಿದೆ. (ಸಾಂದರ್ಭಿಕ ಚಿತ್ರ)

ಅಂಚೆ ಇಲಾಖೆಯ ಮೂಲಕ ಮಾವಿನ ಹಣ್ಣುಗಳನ್ನು ನಿಮ್ಮ ಮನೆ ಬಾಗಿಲಿಗೆ ತರಿಸಿಕೊಳ್ಳಲು ನೀವು 7411168063 ಈ ಸಹಾಯವಾಣಿಯನ್ನು ಸಂಪರ್ಕಿಸಬಹುದಾಗಿದೆ. ಅಥವಾ www.karsirimangoes.karnataka. gov.in ಈ ಜಾಲತಾಣದ ಮೂಲಕವೂ ಮಾವಿನ ಹಣ್ಣುಗಳನ್ನು ಬುಕ್ ಮಾಡಬಹುದಾಗಿದೆ. (ಸಾಂದರ್ಭಿಕ ಚಿತ್ರ)

ಒಟ್ಟಾರೆ ಪತ್ರಗಳನ್ನು ಮನೆ ಮನೆ ತಂದು ಕೊಡುತ್ತಿದ್ದ ಅಂಚೆ ಇಲಾಖೆ ಇದೀಗ ಮಾವಿನ ಹಣ್ಣುಗಳನ್ನು ಸಹ ತಲುಪಿಸಲಿರುವುದು ಮಾವು ಪ್ರಿಯರ ಖುಷಿಗೆ ಕಾರಣವಾಗಿದೆ. (ಸಾಂದರ್ಭಿಕ ಚಿತ್ರ)