Bengaluru: ಬೆಂಗಳೂರಲ್ಲಿದೆ ಪಾಕ್, ಚೀನಾದ 500 ಕೋಟಿ ಮೌಲ್ಯದ ಆಸ್ತಿ!

ನಮ್ಮ ಕರ್ನಾಟಕದಲ್ಲಿ ಅದರಲ್ಲೂ, ಬೆಂಗಳೂರಿನಲ್ಲಿ ಭಾರತದ ಶತ್ರು ದೇಶಕ್ಕೆ ಸೇರಿದ ಆಸ್ತಿಗಳಿವೆ ಎಂದರೆ ನೀವು ನಂಬುತ್ತೀರಾ? ಆದರೆ ನಂಬಲೇಬೇಕು, ಯಾಕಂದ್ರೆ ಕೇಂದ್ರ ಸರ್ಕಾರದ ಮಹತ್ವದ ನಿರ್ಧಾರದಲ್ಲಿ ಈ ವಿಚಾರ ಬಹಿರಂಗಗೊಂಡಿದೆ. (ಸಾಂದರ್ಭಿಕ ಚಿತ್ರ)

ಬೆಂಗಳೂರಿನಲ್ಲಿ ಇರುವ ಭಾರತದ ಶತ್ರು ದೇಶಗಳ 6 ಆಸ್ತಿಗಳನ್ನು ಕೇಂದ್ರ ಸರ್ಕಾರ ಈಗಾಗಲೇ ಗುರುತಿಸಿದೆ. ಅಲ್ಲದೇ ಬೆಂಗಳೂರು ನಗರ ಜಿಲ್ಲಾಡಳಿತದ ಮೂಲಕ ಶತ್ರು ದೇಶಗಳ ಆಸ್ತಿಗಳನ್ನು ಸರ್ಕಾರ ತನ್ನ ಸುಪರ್ದಿಗೆ ತೆಗೆದುಕೊಳ್ಳಲು ಮುಂದಾಗಿದೆ ಎಂದು ವರದಿಯಾಗಿದೆ. (ಸಾಂದರ್ಭಿಕ ಚಿತ್ರ)

ಶತ್ರು ದೇಶಗಳ ಆಸ್ತಿ ಎಂದರೆ ಶತ್ರು ದೇಶಗಳ ಪ್ರಜೆಗಳ ಆಸ್ತಿಯೂ ಹೌದು. ನಮ್ಮ ರಾಜ್ಯದಲ್ಲಿ ಶತ್ರು ದೇಶಗಳ ಒಟ್ಟು 24 ಆಸ್ತಿಗಳಿವೆ. ಅವುಗಳಲ್ಲಿ 12 ಆಸ್ತಿಗಳು ಬೆಂಗಳೂರು ಜಿಲ್ಲಾಡಳಿತದ ವ್ಯಾಪ್ತಿಯಲ್ಲೇ ಇವೆ. ಈ ಪೈಕಿ 6 ಆಸ್ತಿಗಳು ಶತ್ರು ದೇಶಗಳ ಪ್ರಜೆಗಳ ಹೆಸರಲ್ಲಿವೆ. (ಸಾಂದರ್ಭಿಕ ಚಿತ್ರ)

ಈ 6 ಆಸ್ತಿಗಳ ಪೈಕಿ 5 ಆಸ್ತಿಗಳು ಪಾಕಿಸ್ತಾನದ ಪ್ರಜೆಗಳ ಹೆಸರಲ್ಲಿವೆ. ಒಂದು ಆಸ್ತಿ ಚೀನಾ ದೇಶದ ಪ್ರಜೆಯ ಹೆಸರಲ್ಲಿದೆ. (ಸಾಂದರ್ಭಿಕ ಚಿತ್ರ)

ಈ 6 ಆಸ್ತಿಗಳನ್ನು ಮಾರಾಟ ಮಾಡಲು ಇದೀಗ ಕೇಂದ್ರ ಸರ್ಕಾರ ನಿರ್ಧಾರ ಮಾಡಿದೆ. ಇ-ಹರಾಜಿನ ಮೂಲಕ ಆಸ್ತಿ ಮಾರಾಟ ಮಾಡಿ ಮಾರುಕಟ್ಟೆ ಮೌಲ್ಯದ ಹಣವನ್ನು ಸರ್ಕಾರಿ ಬೊಕ್ಕಸಕ್ಕೆ ಸೇರಿಸಲು ನಿರ್ಣಯಿಸಲಾಗಿದೆ. (ಸಾಂದರ್ಭಿಕ ಚಿತ್ರ)

ಸದ್ಯ ಬೆಂಗಳೂರಿನಲ್ಲಿರುವ 6 ಶತ್ರು ದೇಶಗಳ ಆಸ್ತಿಗಳ ಮೌಲ್ಯ 500 ಕೋಟಿಗಿಂತ ಹೆಚ್ಚು ಎಂದು ಅಂದಾಜಿಸಲಾಗಿದೆ. ಹೀಗಾಗಿ ಕಡಿಮೆ ಎಂದರೂ ಈ 6 ಆಸ್ತಿಗಳ ಮಾರಾಟದಿಂದ ಕೇಂದ್ರ ಸರ್ಕಾರದ ಖಜಾನೆಗೆ 500 ಕೋಟಿ ರೂ.ವಂತೂ ದೊರೆಯಲಿದೆ. (ಸಾಂದರ್ಭಿಕ ಚಿತ್ರ)

ಅಲ್ಲದೇ, ಇಡೀ ದೇಶದಲ್ಲಿ 12 ಸಾವಿರಕ್ಕೂ ಹೆಚ್ಚು ಆಸ್ತಿಗಳು ಶತ್ರು ದೇಶದ್ದಾಗಿದೆ. ಈ ಎಲ್ಲವಕ್ಕೂ ಒಂದು ಗತಿ ಕಾಣಿಸಲು ಇದಿಗ ಕೇಂದ್ರ ಸರ್ಕಾರ ಮುಂದಾಗಿದೆ. (ಸಾಂದರ್ಭಿಕ ಚಿತ್ರ)