Bengaluru: ಇದ್ದಕ್ಕಿದ್ದಂತೆ ಏರಿಕೆಯಾಯ್ತು ಈ ಏರಿಯಾದ ಭೂಮಿ ಬೆಲೆ, ಇದಕ್ಕೆಲ್ಲಾ ಕಾರಣ ಅವ್ರೇ!

ಬೆಂಗಳೂರಲ್ಲಿ ಭೂಮಿ ಖರೀದಿಸೋದು ಅಂದ್ರೆ ಸುಮ್ನೆ ಅಲ್ಲ. ದಿನೇ ದಿನೇ ಹೆಚ್ಚುತ್ತಿರುವ ಭೂಮಿಯ ಬೆಲೆಯಿಂದ ಚಿಕ್ಕ ಸೈಟ್ ಖರೀದಿ ಸಹ ಹಗಲು ಕನಸಾಗಿದೆ. (ಸಾಂದರ್ಭಿಕ ಚಿತ್ರ)

ಅದರಲ್ಲೂ ಬೆಂಗಳೂರಿನಲ್ಲಿ ಹೊಸ ಮೆಟ್ರೋ ಮಾರ್ಗ ಆರಂಭವಾದಂತೆ ಆ ಭಾಗದ ಭೂಮಿ ಬೆಲೆ ದಿಢೀರ್ ಎಂದು ಏರಿಕೆಯಾಗುತ್ತದೆ. (ಸಾಂದರ್ಭಿಕ ಚಿತ್ರ)

ಮಾರ್ಚ್ 25ರಂದು ಪ್ರಧಾನಿ ನರೇಂದ್ರ ಮೋದಿ ಕೆಆರ್ ಪುರ-ವೈಟ್​ಫೀಲ್ಡ್ ಮೆಟ್ರೋ ಮಾರ್ಗವನ್ನು ಲೋಕಾರ್ಪಣೆ ಮಾಡಿದ್ದರು. 13.71 ಕಿಲೋ ಮೀಟರ್ ದೂರದಲ್ಲಿ ಮೆಟ್ರೋ ಸೇವೆ ಆರಂಭವಾಗಿತ್ತು. (ಸಾಂದರ್ಭಿಕ ಚಿತ್ರ)

ಇದರಿಂದ ಬೆಂಗಳೂರಿನ ಟ್ರಾಫಿಕ್ ಸಮಸ್ಯೆಗೆ ಪರಿಹಾರ ಕೊಂಚ ಮಟ್ಟಿಗೆ ದೊರೆತಿದೆ ಎಂದೇ ಹೇಳಬಹುದು. ಆದರೆ ಈ ಮೆಟ್ರೋ ಮಾರ್ಗದಿಂದ ಭೂಮಿ ಬೆಲೆ ಹಿಗ್ಗಾಮುಗ್ಗಾ ಏರಿಕೆಯಾಗಿದೆ.

ಈ ಹಿಂದೆ ಹೊಸ ಮೆಟ್ರೋ ಮಾರ್ಗದ ಸುತ್ತಮುತ್ತ ಭೂಮಿಯ ದರ ಚದರ ಅಡಿಗೆ  2 ಸಾವಿರ ರೂಪಾಯಿ ಇತ್ತು. ಮೆಟ್ರೋ ಮಾರ್ಗದ ಪ್ರಸ್ತಾಪ ಆದಾಗ ಈ ಬೆಲೆ 4 ಸಾವಿರದವರೆಗೂ ಹೆಚ್ಚಳವಾಗಿತ್ತು. (ಸಾಂದರ್ಭಿಕ ಚಿತ್ರ)

ಇದೀಗ ಮೆಟ್ರೋ ಮಾರ್ಗ ಆರಂಭವಾದ ತಕ್ಷಣ ಸುತ್ತಮುತ್ತಲಿನ ಭೂಮಿಯ ದರ ಶೇಕಡಾ 5ರಷ್ಟು ಏರಿಕೆಯಾಗಿದೆ ಎಂದು ವರದಿಯಾಗಿದೆ. (ಸಾಂದರ್ಭಿಕ ಚಿತ್ರ)

ಒಟ್ಟಾರೆ ಬೆಂಗಳೂರಿನಲ್ಲಿ ರಿಯಲ್ ಎಸ್ಟೇಟ್ ದರವನ್ನು ನೋಡಿದ್ರೆ ಜನಸಾಮಾನ್ಯರ ಭೂಮಿ ಕೊಳ್ಳುವ ಕನಸು ಕನಸಾಗಿಯೇ ಉಳಿಯುವ ಸಾಧ್ಯತೆ ಅನಿಸುವಂತಿದೆ. (ಸಾಂದರ್ಭಿಕ ಚಿತ್ರ)