Bengaluru News: ಖ್ಯಾತ ಹೋಟೆಲ್​ನಲ್ಲಿ ಭರ್ಜರಿ ರಿಯಾಯಿತಿ, ಆದ್ರೆ ನೀವು ಹೀಗೆ ಮಾಡಿರಲೇಬೇಕು!

ವಿಧಾನಸಭಾ ಚುನಾವಣೆಯಲ್ಲಿ ಮತದಾನದ ಜಾಗೃತಿ ಮೂಡಿಸಲು ಹಲವು ಕಾಶರ್ಯಕ್ರಮಗಳನ್ನು ಹಮ್ಮಿಕೊಳ್ಳಲಾಗುತ್ತಿದೆ. ಇದೀಗ ಮತದಾನ ಮಾಡಿದವರಿಗೆ ಎಂದೆ ಭರ್ಜರಿ ಆಫರ್ ಒಂದನ್ನು ಘೋಷಣೆ ಮಾಡಲಾಗಿದೆ.

ಕರ್ನಾಟಕ ರಾಜ್ಯ ಪ್ರವಾಸೋದ್ಯಮ ಅಭಿವೃದ್ಧಿ ನಿಗಮವು ಮೇ 10 ರಂದು ನಡೆಯಲಿರುವ ರಾಜ್ಯ ವಿಧಾನಸಭಾ ಚುನಾವಣೆಯಲ್ಲಿ ರಾಜ್ಯದ ಮತದಾರರನ್ನು ಪ್ರೋತ್ಸಾಹಿಸುವ ಸಲುವಾಗಿ ಈ ಆಫರ್ ಘೋಷಿಸಿದೆ.

ಮತ ಚಲಾಯಿಸುವ ಸಾರ್ವಜನಿಕರು ಹಾಗೂ ಪ್ರವಾಸಿಗರಿಗೆ ನಿಗಮದ “ಮಯೂರ ಹೋಟೆಲ್” ವಾಸ್ತವ್ಯದ ಮೇಲೆ ಶೇಕಡ 50 ರಷ್ಟು ವಿಶೇಷ ರಿಯಾಯಿತಿ ನೀಡುವುದಾಗಿ ಘೋಷಣೆ ಮಾಡಿದೆ.

ವಿಶೇಷ ರಿಯಾಯಿತಿಯನ್ನು ಪಡೆಯಲಿಚ್ಚಿಸುವ ಸಾರ್ವಜನಿಕರು ಕಡ್ಡಾಯವಾಗಿ ಮತದಾನ ಮಾಡಿ ಈ ಸೌಲಭ್ಯದ ಸದುಪಯೋಗ ಪಡೆದುಕೊಳ್ಳಬಹುದಾಗಿದೆ.

ಹೆಚ್ಚಿನ ಮಾಹಿತಿ ಹಾಗೂ ಬುಕ್ಕಿಂಗ್​ಗಾಗಿ ದೂರವಾಣಿ ಸಂಖ್ಯೆ: 8970888880, 8970650070, 080-43344334/35 ನ್ನು ಸಂಪರ್ಕಿಸಬಹುದಾಗಿದೆ.

ಜೊತೆಗೆ ನಿಗಮದ ಜಾಲತಾಣ  www.kstdc.co ಮೂಲಕ ಬುಕ್ಕಿಂಗ್ ಕೈಗೊಳ್ಳುವ ಪ್ರವಾಸಿಗರು ವೋಚರ್ ಕೋಡ್ VOTE2023 ಅನ್ನು ಬಳಸುವುದು ಎಂದು ನಿಗಮದ ವ್ಯವಸ್ಥಾಪಕ ನಿರ್ದೇಶಕರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

ಇತ್ತ ವಂಡರ್​ಲಾ ಸಹ ಮತದಾನ ಮಾಡಿದ ಸಾರ್ವಜನಿಕರಿಗೆ ಟಿಕೆಟ್ ದರದ ಮೇಲೆ ಆಫರ್ ಘೋಷಣೆ ಮಾಡಿದೆ. ಹಿಗೆ ಹಲವು ವಿಧಾನಗಳ ಮೂಲಕ ಮತದಾನ ಹೆಚ್ಚಿಸಲು ಪ್ರಯತ್ನ ಮಾಡಲಾಗುತ್ತಿದೆ.