Bengaluru: ಬೆಂಗಳೂರಿನಲ್ಲಿ ಕಡಿಮೆ ಬೆಲೆಗೆ 2 BHK ಮನೆ ಖರೀದಿಸಲು ಸಿಹಿ ಸುದ್ದಿ

ಬೆಂಗಳೂರು ನಗರದಲ್ಲಿ ಸ್ವಂತ ಮನೆ ಮಾಡಬೇಕು, ನಮ್ಮದೇ ಆದ ಪುಟ್ಟ ಗೂಡು ಕಟ್ಟಬೇಕು ಎಂದು ಕನಸು ಕಂಡವರಿಗೆ ಯುಗಾದಿ ಹಬ್ಬದಂದು ಖುಷಿ ಸುದ್ದಿಯೊಂದು ಹೊರಬಿದ್ದಿದೆ.  (ಸಾಂದರ್ಭಿಕ ಚಿತ್ರ)

ಬೆಂಗಳೂರು ಅಭಿವೃದ್ಧಿ ಪ್ರಾಧಿಕಾರ ಅಥವಾ ಬಿಡಿಎ ಹಲವೆಡೆ ಫ್ಲಾಟ್​ಗಳನ್ನು, ಮನೆಗಳನ್ನು ಅಭಿವೃದ್ಧಿಪಡಿಸುತ್ತಲೇ ಇರುತ್ತದೆ. ಇದೇ ರೀತಿ ಇದೀಗ ಕೋನದಾಸಪುರದಲ್ಲಿ ಫ್ಲಾಟ್​ಗಳನ್ನು ಅಭಿವೃದ್ಧಿಪಡಿಸಿದ್ದು ನಾಗರಿಕರು ಈ ಯೋಜನೆಯ ಸದುಪಯೋಗ ಪಡೆಯಬಹುದಾಗಿದೆ. (ಸಾಂದರ್ಭಿಕ ಚಿತ್ರ)

ಬಿಡಿಎ ಬಳಿ ಸದ್ಯ ಲಭ್ಯವಿರುವ ಫ್ಲಾಟ್​ಗಳು ಬೆಂಗಳೂರು ನಗರ ಪೂರ್ವ ತಾಲೂಕಿನ ಬಿದರಹಳ್ಳಿ ಹೋಬಳಿಯಲ್ಲಿವೆ.ಇಲ್ಲಿನ ಕೋನದಾಸಪುರ ಗ್ರಾಮದಲ್ಲಿ 2 ಬಿಎಚ್​ಕೆಯ 672 ಫ್ಲಾಟ್​ಗಳನ್ನು ಅಭಿವೃದ್ಧಿಪಡಿಸಲಾಗಿದೆ. (ಸಾಂದರ್ಭಿಕ ಚಿತ್ರ)

ಈ ಎಲ್ಲಾ 2 ಬಿಎಚ್​ಕೆ ಮನೆಗಳ ದರ ಮತ್ತು ವಿವರಗಳನ್ನು ಬಿಡಿಎ ಬಿಡುಗಡೆ ಮಾಡಿದೆ. ಈ ಫ್ಲಾಟ್​ಗಳ ಮೂಲ ಬೆಲೆ 48 ಲಕ್ಷ ಎಂದು ನಿಗದಿಪಡಿಸಲಾಗಿದೆ. ಆಸಕ್ತರು ಈ ಫ್ಲಾಟ್​ಗಳಿಗಾಗಿ ಈಗಲೇ ಅರ್ಜಿ ಹಾಕಬಹುದಾಗಿದೆ. (ಸಾಂದರ್ಭಿಕ ಚಿತ್ರ)

ಬಿಡಿಎ ನಿರ್ಮಿಸಿದ ಈ ಫ್ಲಾಟ್​ಗಳನ್ನು ಮೊದಲು ಅರ್ಜಿ ಸಲ್ಲಿಸಿದವರಿಗೆ ನೀಡಲಾಗುತ್ತದೆ ಎಂಬ ಷರತ್ತು ವಿಧಿಸಲಾಗಿದೆ. ಅಲ್ಲದೇ, ಕೆಲವೊಂದು ರಿಯಾಯಿತಿಯನ್ನೂ ನೀಡಲಾಗುತ್ತದೆ. ವಿಶೇಷ ಚೇತನರಿಗೆ ಈ ರಿಯಾಯಿತಿ ನೀಡಲಾಗುತ್ತದೆ. ಹಂಚಿಕೆ ದರಗಳಲ್ಲಿ ಶೇ 5ರಷ್ಟು ಅಥವಾ ಒಂದು ಲಕ್ಷ ಇವುಗಳಲ್ಲಿ ಯಾರು ಕಡಿಮೆಯೋ ಅಷ್ಟು ರಿಯಾಯಿತಿ ನೀಡಲಾಗುತ್ತದೆ. (ಸಾಂದರ್ಭಿಕ ಚಿತ್ರ)

[caption id="attachment_971476" align="alignnone" width="1600"] ಅಂದಹಾಗೆ ಬಿಡಿಎ ಅಭಿವೃದ್ಧಿಪಡಿಸಿದ ಈ ಫ್ಲಾಟ್​ಗಳಿಗೆ ಅರ್ಜಿ ಸಲ್ಲಿಸಲು ಅರ್ಜಿ ಸಲ್ಲಿಸುವ ದಿನಾಂಕದಂದು 18 ವರ್ಷ ವಯಸ್ಸು ಪೂರ್ಣಗೊಂಡಿರಬೇಕು. ನೋಂದಣಿ ದಿನಾಂಕಕ್ಕೂ ಮೊದಲು ಕರ್ನಾಟಕದಲ್ಲಿ ಕನಿಷ್ಟ 2 ವರ್ಷಗಳ ಕಾಲ ವಾಸವಿರಬೇಕು ಎಂಬ ನಿಯಮ ರೂಪಿಸಲಾಗಿದೆ. (ಸಾಂದರ್ಭಿಕ ಚಿತ್ರ)

ಒಟ್ಟಾರೆ ಬಿಡಿಎ ಬೆಂಗಳೂರಿನಲ್ಲಿ ಮನೆ ಖರೀದಿಸಬೇಕು ಎಂದು ಹಂಬಲಿಸುತ್ತಿರುವವರಿಗೆ ಖುಷಿ ಸುದ್ದಿ ನೀಡಿದ್ದು, ಈ ಅವಕಾಶವನ್ನು ಅಗತ್ಯ ಇರುವವರು ಬಳಸಿಕೊಳ್ಳಬಹುದಾಗಿದೆ. (ಸಾಂದರ್ಭಿಕ ಚಿತ್ರ)