ಆತ್ಮಹತ್ಯೆಗೆ ಮುಂದಾದವನನ್ನು ತಬ್ಬಿಹಿಡಿದ ಸ್ನೇಹಿತ.. ಆದರೆ ಗುಂಡು ಹಾರಿಯೇ ಬಿಡ್ತು.. ಮುಂದೇನಾಯ್ತು?

ಬಿಬಿಎಂಪಿ ಮಾಜಿ ಕಾರ್ಪೊರೇಟರ್ ಕೆ.ಎಸ್.ಸಮೀವುಲ್ಲಾ ಅವರ ಪುತ್ರ ಸಲ್ಮಾನ್ ಕೆಎಸ್ (25) ಗುಂಡು ಹಾರಿಸಿಕೊಂಡು ಆತ್ಮಹತ್ಯೆಗೆ ಯತ್ನಿಸಿದ್ದಾನೆ. ಸ್ನೇಹಿತ ಬಂದು ತಬ್ಬಿಹಿಡಿದಾಗ ಗನ್ ನಿಂದ ಗಂಡು ಹಾರಿಯೇ ಬಿಟ್ಟಿದೆ. ಸ್ನೇಹಿತ ಫಿಝಲ್ ಅಹ್ಮದ್ (22) ಬಲಗೈಗೆ ಗುಂಡು ತಗುಲಿದೆ.

ರಾತ್ರಿ 9.30 ರ ಸುಮಾರಿಗೆ ಸಲ್ಮಾನ್ ಮತ್ತು ಅಹ್ಮದ್ ಬಿಟಿಎಂ ಲೇಔಟ್ ನಿವಾಸಕ್ಕೆ ಬಂದಾಗ ಈ ಘಟನೆ ನಡೆದಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. ಹಿರಿಯ ಸಹೋದರ ಸುನಾ ಮಿಯಾಂದಾದ್ ಸಲ್ಮಾನ್ ತಡವಾಗಿ ಮನೆಗೆ ಮರಳಿದ್ದಕ್ಕಾಗಿ ಸಲ್ಮಾನ್ ನನ್ನು ಗದರಿಸಿದ್ದರು. (ಪ್ರಾತಿನಿಧಿಕ ಚಿತ್ರ.)

ಬೈಯ್ದಿದ್ದಕ್ಕೆ ಕುಪಿತಗೊಂಡ ಸಲ್ಮಾನ್, ಲಿವಿಂಗ್ ರೂಮಿನಲ್ಲಿ ಇಟ್ಟಿದ್ದ ಸೋದರ ಮಿಯಾಂದಾದ್ ಅವರ ಲೈಸನ್ಸ್ ಪಡೆದ ಪಿಸ್ತೂಲ್ ತೆಗೆದುಕೊಂಡು ತನ್ನ ತಲೆಗೆ ಗುರಿಯಾಗಿಸಿ ಇಟ್ಟುಕೊಂಡಿದ್ದಾನೆ. ಅಣ್ಣ ಮಿಯಾಂದಾದ್ ಮತ್ತು ಸ್ನೇಹಿತ ಅಹ್ಮದ್ ಟ್ರಿಗರ್ ಅನ್ನು ಎಳೆಯುವುದನ್ನು ತಡೆಯಲು ಪ್ರಯತ್ನಿಸಿದರು. (ಸಾಂದರ್ಭಿಕ ಚಿತ್ರ)

ಆದರೆ ಸಲ್ಮಾನ್ 3 ಸುತ್ತು ಗುಂಡು ಹಾರಿಸಿಯೇ ಬಿಟ್ಟಿದ್ದಾನೆ. ಈ ವೇಳೆ ಒಂದು ಗುಂಡು ಅಹ್ಮದ್ ಕೈಗೆ ತಗುಲಿದೆ. ಅಹ್ಮದ್ ಅವರನ್ನು ಚಿಕಿತ್ಸೆಗಾಗಿ ಸಮೀಪದ ಆಸ್ಪತ್ರೆಗೆ ಸಾಗಿಸಲಾಯಿತು. (ಸಾಂದರ್ಭಿಕ ಚಿತ್ರ)

ಸುದ್ದಗುಂಟೆ ಪಾಳ್ಯ ಠಾಣೆ ಪೊಲೀಸರು ಯತ್ನ ಪ್ರಕರಣ ದಾಖಲಿಸಿಕೊಂಡಿದ್ದಾರೆ. ಸಲ್ಮಾನ್ ನನ್ನು ನ್ಯಾಯಾಂಗ ಬಂಧನದಕ್ಕೆ ಒಪ್ಪಿಸಲಾಗಿದೆ.