Bengaluru Crime: ಖಾರದಪುಡಿ ಎರಚಿ ₹4 ಲಕ್ಷ ದೋಚಿದ್ರು ಅಂತ ದೂರು ಕೊಟ್ಟವನೇ ಅರೆಸ್ಟ್..!

ಫೋಟೋದಲ್ಲಿ ಕಾಣುತ್ತಿರುವ ಈತನ ಹೆಸರು ಅರುಣ್. ಪೊಲೀಸ್ ಠಾಣೆಗೆ ದೂರು ನೀಡಿ, ಕೆಲವೇ ಹೊತ್ತಿನಲ್ಲಿ ಅದೇ ಪೊಲೀಸರಿಂದ ಬಂಧನಕ್ಕೊಳಗಾದ ಭೂಪ. ಅಂತದ್ದು ಏನು ಮಾಡಿದ ಅಂತಿರಾ..?

ಇಲ್ಲಿ ಹೀಗೆ.. ಕಣ್ಣಿಗೆ ಖಾರದಪುಡಿ ಎರಚಿದ್ದಾರೆ.. ಅಯ್ಯೋ ಉರಿ.. ನಾನು ಎಲ್ಲಿದ್ದೇನೆ.. ನನ್ನ ಬಳಿ ಇದ್ದ 4 ಲಕ್ಷ ರೂಪಾಯಿಯನ್ನು ಯಾರೋ ತೆಗೆದುಕೊಂಡು ಹೋಗಿದ್ದಾರೆ ಸಾರ್ ಎಂದು ಕಣ್ಣಿಗೆ ನೀರು ಹಾಕಿಕೊಂಡು ಕ್ಯಾಮಾರಾ ಮುಂದು ಫುಲ್ ಪರ್ಫಾಮೆನ್ಸ್ ಕೊಟ್ಟಿದ್ದಾನೆ..

ಇದೇ ನಾಟಕವನ್ನು ಮುಂದುವರೆಸಿಕೊಂಡು ಬ್ಯಾಟರಾಯನಪುರ ಠಾಣೆಗೂ ಬಂದಿದ್ದಾನೆ. ಈತನ ಎಲ್ಲಾ ಸ್ಕ್ರಿಪ್ಟ್ , ಆ್ಯಕ್ಟಿಂಗ್ ನೋಡಿದ ಪೊಲೀಸರು ಸೀದಾ ಬಂದು ಕೈಗೆ ಕೋಳ ಹಾಕಿದ್ದಾರೆ. ಅಲ್ಲಿಗೆ ಅರುಣನ ಖೇಲ್ ಖತಮ್, ನಾಟಕ್ ಬಂದ್ ಆಗಿದೆ.

ಮಾಲೀಕ ಅಟ್ಟಿಕಾ ಬಾಬು ಎಂಬುವನ ಬಳಿ ಕೆಲಸ ಮಾಡುತ್ತಿದ್ದ ಅರುಣ್, ಅವರ ಬಳಿ 1 ಲಕ್ಷ ಹಣ ಕೇಳಿದ್ದ. ಕೊಡದಿದ್ದಾಗ ಸಂಸ್ಥೆಯ ಹಣ 8 ಲಕ್ಷದಲ್ಲಿ 4 ಲಕ್ಷವನ್ನು ಮನೆಯಲ್ಲಿ ಇಟ್ಟುಕೊಂಡು, ಉಳಿದ 4 ಲಕ್ಷವನ್ನು ಬ್ರಾಂಚ್ಗೆ ಕೊಟ್ಟಿದ್ದಾನೆ. ತನ್ನ ಬಳಿಯೇ 4 ಲಕ್ಷ ಇಟ್ಟುಕೊಂಡು ದರೋಡೆಕೋರರು ದೋಚಿದ್ದಾರೆ ಎಂದು ಸುಳ್ಳು ಕಥೆ ಎಣೆದಿದ್ದಾನೆ.

ಅರುಣನ ಓವರ್ ಆ್ಯಕ್ಟಿಂಗ್ ಕಂಡು ಪೊಲೀಸರು ವಿಚಾರಣೆ ನಡೆಸಿದಾಗ ಸತ್ಯ ಬಾಯ್ಬಿಟ್ಟಿದ್ದಾನೆ. ತನ್ನದು ಕಟ್ಟುಕಥೆ, ಹಣ ಮನೆಯಲ್ಲೇ ಇದೆ ಎಂದು ತಪ್ಪೊಪ್ಪಿಕೊಂಡಿದ್ದಾನೆ.