Bengaluru Trains: ಬೆಂಗಳೂರಿನಿಂದ ದೇಶದ ಪ್ರಮುಖ ನಗರಕ್ಕೆ ರೈಲು ಸೇವೆ ವಿಸ್ತರಣೆ

ರೈಲು ಪ್ರಯಾಣಿಕರಿಗೆ ಮಹತ್ವದ ಸುದ್ದಿಯೊಂದು ಹೊರಬಿದ್ದಿದೆ. ಪೂರ್ವ ಕರಾವಳಿ ರೈಲ್ವೆ ಪ್ರಮುಖ ರೈಲೊಂದರ ಕುರಿತು ಪ್ರಮುಖ ಮಾಹಿತಿಯನ್ನು ಪ್ರಕಟಿಸಿದೆ. (ಸಾಂದರ್ಭಿಕ ಚಿತ್ರ)

ಬೆಂಗಳೂರಿನಿಂದ ದೇಶದ ಇನ್ನೊಂದು ಪ್ರಮುಖ ನಗರಕ್ಕೆ ಸೇವೆ ನೀಡುವ ರೈಲು ಸೇವೆಯನ್ನು ಇನ್ನಷ್ಟು ದಿನ ವಿಸ್ತರಿಸಿ ಆದೇಶ ಪ್ರಕಟಿಸಿದೆ. ಈ ಮೂಲಕ ಬೆಂಗಳೂರಿನ ರೈಲು ಪ್ರಯಾಣಿಕರಿಗೆ ಇನ್ನಷ್ಟು ದಿನ ಸೇವೆ ದೊರೆಯಲಿದೆ. (ಸಾಂದರ್ಭಿಕ ಚಿತ್ರ)

ವಿಶಾಖಪಟ್ಟಣದಿಂದ ಬೆಂಗಳೂರು ಕಂಟೋನ್ಮೆಂಟ್ ರೈಲು ನಿಲ್ದಾಣಕ್ಕೆ ಸಂಪರ್ಕ ಒದಗಿಸುವ ರೈಲು ಸಂಖ್ಯೆ 08543/08544ಯ ಹೊಸ ವೇಳಾಪಟ್ಟಿ ಬಿಡುಗಡೆ ಮಾಡಲಾಗಿದೆ. ಅಲ್ಲದೇ, ರೈಲು ನಿಲ್ಲುವ ನಿಲ್ದಾಣಗಳ ಪರಿಷ್ಕೃತ ಪಟ್ಟಿಯನ್ನು ಸಹ ಬಿಡುಗಡೆ ಮಾಡಲಾಗಿದೆ. (ಸಾಂದರ್ಭಿಕ ಚಿತ್ರ)

ರೈಲು ಸಂಖ್ಯೆ 08543 ವಿಶಾಖಪಟ್ಟಣ-ಬೆಂಗಳೂರು ಕಂಟೋನ್ಮೆಂಟ್ ವೀಕ್ಲಿ ಎಕ್ಸ್​ಪ್ರೆಸ್ ವಿಶೇಷ ರೈಲು ಪ್ರತಿ ಭಾನುವಾರ ಮೇ 28 ರವರೆಗೆ ನಾಲ್ಕು ಟ್ರಿಪ್ ಸೇವೆ ನೀಡಲಿದೆ. (ಸಾಂದರ್ಭಿಕ ಚಿತ್ರ)

ಇದರ ಜೊತೆಗೆ ರೈಲು ಸಂಖ್ಯೆ 08544 ಬೆಂಗಳೂರು ಕಂಟೋನ್ಮೆಂಟ್-ವಿಶಾಖಪಟ್ಟಣ ವೀಕ್ಲಿ ಎಕ್ಸ್​ಪ್ರೆಸ್ ವಿಶೇಷ ರೈಲು ಪ್ರತಿ ಸೋಮವಾರ ಮೇ 29 ರವರೆಗೆ ನಾಲ್ಕು ಟ್ರಿಪ್ ಸೇವೆ ಒದಗಿಸಲಿದೆ ಎಂದು ಪೂರ್ವ ಕರಾವಳಿ ರೈಲ್ವೆ ಮಾಹಿತಿ ನೀಡಿದೆ. (ಸಾಂದರ್ಭಿಕ ಚಿತ್ರ)

ಸಿದ್ಧಾರೂಢ ರೈಲ್ವೆ ಠಾಣೆ ಹುಬ್ಬಳ್ಳಿಯಿಂದ ತಂಜಾವೂರಿಗೆ ತೆರಳುವ ಸಾಪ್ತಾಹಿಕ ವಿಶೇಷ ರೈಲು ಮೇ 1 ರಿಂದ 29 ರವರೆಗೆ ಪ್ರತಿ ಸೋಮವಾರದಂತೆ 5 ಬಾರಿ ಓಡಾಟ ನಡೆಸಲಿದೆ. ಈ ವಿಶೇಷ ರೈಲಿನ ಓಡಾಟವು ಈ ಹಿಂದಿನ ಆದೇಶದನ್ವಯ ಏಪ್ರಿಲ್ 24ಕ್ಕೆ ಅಂತಿಮಗೊಂಡಿತ್ತು. (ಸಾಂದರ್ಭಿಕ ಚಿತ್ರ)

ಬೇಸಿಗೆ ರಜೆ ಈಗಾಗಲೇ ಶುರುವಾಗಿದೆ. ಹೀಗಾಗಿ ಪ್ರವಾಸಿಗರ ಓಡಾಟ ಅಧಿಕವಾಗಿದ್ದು, ಪ್ರಯಾಣಿಕರ ಅನುಕೂಲಕ್ಕೆ ತಕ್ಕಂತೆ ವಿಶೇಷ ರೈಲಿನ ಓಡಾಟ ಕಲ್ಪಿಸಲಾಗಿದೆ. ಇದೀಗ ಅಂತಹ ಕೆಲವು ರೈಲುಗಳ ಓಡಾಟ ಅಂತ್ಯಗೊಂಡಿದ್ದರೆ, ಕೆಲವೊಂದು ರೈಲುಗಳ ಓಡಾಟ ಮತ್ತೆ ಮುಂದುವರೆಸಲಾಗಿದೆ. (ಸಾಂದರ್ಭಿಕ ಚಿತ್ರ)