Bus Ticket Rates: ಗಾಬರಿಯಾಗ್ಬೇಡಿ, ಬೆಂಗಳೂರಿನಿಂದ ಈ ಊರುಗಳಿಗೆ ಹೋಗೋಕೆ ಇಷ್ಟೆಲ್ಲ ಹಣ ಕೊಡ್ಬೇಕು!

ವರ್ಷಾಂತ್ಯ, ಜೊತೆಗೆ ಕ್ರಿಸ್​ಮಸ್. ಒಟ್ಟೊಟ್ಟಿಗೆ ಬಂದಿರೋ ಈ ಎರಡೂ ವಿಶೇಷಗಳಿಗೆ ಸಾಲುಸಾಲು ರಜೆ ಹಾಕಿ ಪ್ರವಾಸಕ್ಕೆ ತೆರಳುವವರ ಸಂಖ್ಯೆ ಹೆಚ್ಚಾಗಿದೆ. ಅಲ್ಲದೇ ಬೆಂಗಳೂರಿನಿಂದ ಸ್ವಂತ ಊರಿಗೆ ಒಮ್ಮೆ ವಿಸಿಟ್ ಹಾಕುವವರು ಸಹ ಹೆಚ್ಚಿನ ಸಂಖ್ಯೆಯಲ್ಲಿದ್ದಾರೆ. (ಸಾಂದರ್ಭಿಕ ಚಿತ್ರ)

ಇದನ್ನೇ ಬಂಡವಾಳ ಮಾಡಿಕೊಂಡ ಖಾಸಗಿ ಬಸ್ ಸಂಸ್ಥೆಗಳು ಪ್ರಯಾಣಿಕರ ಜೇಬಿಗೆ ಕತ್ತರಿ ಹಾಕುತ್ತಿವೆ. ಟಿಕೆಟ್ ದರವನ್ನು ಊಹಿಸಲೂ ಸಾಧ್ಯವಿಲ್ಲದ ಮಟ್ಟಿಗೆ ಏರಿಸಿವೆ. (ಸಾಂದರ್ಭಿಕ ಚಿತ್ರ)

ಹೌದು, ನೀವು ಬೆಂಗಳೂರಿನಿಂದ ಈ ಊರುಗಳಿಗೆ ಪ್ರಯಾಣ ಬೆಳೆಸಲು ಯೋಚನೆ ಮಾಡುತ್ತಿದ್ದರೆ ನಿಮ್ಮ ಜೇಬನ್ನು ಒಮ್ಮೆ ಮುಟ್ಟಿ ನೋಡಿಕೊಳ್ಳಿ! ಖಾಸಗಿ ಬಸ್ ಸಂಸ್ಥೆಗಳ ಟಿಕೆಟ್ ದರ ಅಷ್ಟರಮಟ್ಟಿಗೆ ಮುಗಿಲುಮುಟ್ಟಿದೆ. (ಸಾಂದರ್ಭಿಕ ಚಿತ್ರ)

ಸಾಮಾನ್ಯ ದಿನಗಳಲ್ಲಿ ಖಾಸಗಿ ಬಸ್ ದರಕ್ಕೆ ಹೋಲಿಸಿದರೆ ಕ್ರಿಸ್​ಮಸ್ ಮತ್ತು ವರ್ಷಾಂತ್ಯದ ಸಂದರ್ಭದಲ್ಲಿ ಬಸ್ ಪ್ರಯಾಣ ದರ ಮೂರರಿಂದ ನಾಲ್ಕು ಪಟ್ಟು ಏರಿಕೆಯಾಗಿದೆ. (ಸಾಂದರ್ಭಿಕ ಚಿತ್ರ)

ಬೆಂಗಳೂರಿನಿಂದ ಹುಬ್ಬಳ್ಳಿಗೆ ಡಿಸೆಂಬರ್ 23ರಂದು ಖಾಸಗಿ ಬಸ್ ಪ್ರಯಾಣ ದರ 3 ಸಾವಿರದಿಂದ 5 ಸಾವಿರದವರೆಗೂ ಏರಿಕೆಯಾಗಿದೆ. ಅಲ್ಲದೇ ಇನ್ನಷ್ಟು ಏರಿಕೆಯಾಗುವ ಸಾಧ್ಯತೆಯನ್ನೂ ಅಲ್ಲಗಳೆಯುವಂತಿಲ್ಲ. (ಸಾಂದರ್ಭಿಕ ಚಿತ್ರ)

ಹೊಸ ವರ್ಷ ಮತ್ತು ಕ್ರಿಸ್​ಮಸ್​ ಸಂದರ್ಭದಲ್ಲಿ ಬೆಂಗಳೂರಿನಿಂದ ಮಂಗಳೂರಿಗೆ  1,100 ರೂಪಾಯಿ, ಮೈಸೂರಿಗೆ 1,999 ರೂಪಾಯಿ, ಮಡಿಕೇರಿಗೆ 1,130 ರೂಪಾಯಿ ಟಿಕೆಟ್ ದರವಿದೆ. (ಸಾಂದರ್ಭಿಕ ಚಿತ್ರ)

ಒಟ್ಟಾರೆ ಖಾಸಗಿ ಬಸ್​ಗಳಿಗೆ ಲಗಾಮು ಹಾಕಬೇಕಿದ್ದ ಸರ್ಕಾರದ ವಿರುದ್ಧ ಪ್ರಯಾಣಿಕರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.  (ಸಾಂದರ್ಭಿಕ ಚಿತ್ರ)