ಯುಗಾದಿ ಗಿಫ್ಟ್! ಚಿಕ್ಕಬಳ್ಳಾಪುರಕ್ಕೆ BMTC ಸೇವೆ ಆರಂಭ

ಚಿಕ್ಕಬಳ್ಳಾಪುರಕ್ಕೆ ಬಿಎಂಟಿಸಿ ಸಂಚಾರ ಆರಂಭವಾಗಿದೆ. ಇಂದು ಬೆಳಗ್ಗೆ (ಮಾರ್ಚ್ 21) 8.10 ಕ್ಕೆ ಚಿಕ್ಕಬಳ್ಳಾಪುರ ಬಸ್ ನಿಲ್ದಾಣದಿಂದ ಬೆಂಗಳೂರಿನ ಕೆಂಪೇಗೌಡ ಬಸ್ ನಿಲ್ದಾಣಕ್ಕೆ ಹೊರಡಲಿದೆ.  (ಸಾಂದರ್ಭಿಕ ಚಿತ್ರ)

  ಚಿಕ್ಕಬಳ್ಳಾಪುರಕ್ಕೆ BMTC ಬಸ್ ಸೇವೆ ಆರಂಭ 

ಕೆಂಪೇಗೌಡ ಬಸ್ ನಿಲ್ದಾಣದಿಂದ ಹೆಬ್ಬಾಳ, ಯಲಹಂಕ, ರಾಣಿಕ್ರಾಸ್/ದೇವನಹಳ್ಳಿ ಮಾರ್ಗವಾಗಿ ಚಿಕ್ಕಬಳ್ಳಾಪುರ ಬಸ್ ನಿಲ್ದಾಣಕ್ಕೆ ನೂತನವಾಗಿ ಹವಾನಿಯಂತ್ರಿತ ಸಾರಿಗೆಗಳನ್ನು ಪರಿಚಯಿಸಿದೆ. ಈ ಬಸ್ಗಳು ಈಗಾಗಲೇ ಕಾರ್ಯಾಚರಣೆ ಆರಂಭಿಸಿವೆ.  (ಸಾಂದರ್ಭಿಕ ಚಿತ್ರ)

ಬಿಎಂಟಿಸಿ ಚಿಕ್ಕಬಳ್ಳಾಪುರಕ್ಕೆ ಬಸ್ ಸೇವೆ ಆರಂಭಿಸಿರುವ ಮೂಲಕ ಸಿಹಿ ಸುದ್ದಿ ನೀಡಿದೆ. ಪ್ರಾಯೋಗಿಕವಾಗಿ ಕಾರ್ಯಾಚರಣೆ ನಡೆಸಲಿರುವ ಬಿಎಂಟಿಸಿ ಬಸ್​ಗಳು ಯಾವ ಸಮಯದಿಂದ ಯಾವ ನಿಲ್ದಾಣದಿಂದ ಹೊರಡಲಿವೆ ಎಂಬ ಎಲ್ಲ ವಿವರ ಇಲ್ಲಿದೆ ನೋಡಿ.  (ಸಾಂದರ್ಭಿಕ ಚಿತ್ರ)

ಕೆಂಪೇಗೌಡ ಬಸ್ ನಿಲ್ದಾಣದಿಂದ ಚಿಕ್ಕಬಳ್ಳಾಪುರ ಬಸ್ ನಿಲ್ದಾಣಕ್ಕೆ ಮಾರ್ಗ ಸಂಖ್ಯೆ ವಿ-298MN ಎಂದು ಹೆಸರಿಡಲಾಗಿದೆ.  (ಸಾಂದರ್ಭಿಕ ಚಿತ್ರ)

ಚಿಕ್ಕಬಳ್ಳಾಪುರ ಬಸ್ ನಿಲ್ದಾಣದಿಂದ ಬಸ್​ಗಳು ಹೊರಡಲಿರುವ ಸಮಯ ಹೀಗಿದೆ ನೋಡಿ. ಬೆಳಗ್ಗೆ 8.10, ಬೆಳಗ್ಗೆ 8.20, ಮಧ್ಯಾಹ್ನ 12.35, ಮಧ್ಯಾಹ್ನ 1.05, ಸಂಜೆ 7.15, ಸಂಜೆ 7.35ಕ್ಕೆ ಬಸ್​ಗಳು ಚಿಕ್ಕಬಳ್ಳಾಪುರದಿಂದ ಬೆಂಗಳೂರಿಗೆ ಹೊರಡಲಿವೆ.  (ಸಾಂದರ್ಭಿಕ ಚಿತ್ರ)

ಚಿಕ್ಕಬಳ್ಳಾಪುರಕ್ಕೆ ಬಿಎಂಟಿಸಿ ಬಸ್ ಸೇವೆ ಆರಂಭಿಸೋರುವುದನ್ನು ಯುಗಾದಿ ಗಿಫ್ಟ್ ಎಂದೇ ಹೇಳಲಾಗುತ್ತಿದೆ. ಇನ್ಮೇಲೆ ಚಿಕ್ಕಬಳ್ಳಾಪುರದಲ್ಲೂ BMTC ಬಸ್ ಸೇವೆ ದೊರೆಯಲಿದೆ. (ಸಾಂದರ್ಭಿಕ ಚಿತ್ರ)

ಚಿಕ್ಕಬಳ್ಳಾಪುರ ಜನತೆಗೆ ಗುಡ್ ನ್ಯೂಸ್​ 

ಬೆಂಗಳೂರಿನ ಕೆಂಪೇಗೌಡ ಬಸ್ ನಿಲ್ದಾಣದಿಂದ ಚಿಕ್ಕಬಳ್ಳಾಪುರಕ್ಕೆ ಬಸ್​ಗಳು ಹೊರಡಲಿರುವ ಸಮಯ ಹೀಗಿದೆ. ಬೆಳಗ್ಗೆ 10.25, ಬೆಳಿಗ್ಗೆ 11.00, ಸಂಜೆ 5.30, ಸಂಜೆ 5.45, ರಾತ್ರಿ 9.15, ರಾತ್ರಿ 9. 35 ಕ್ಕೆ ಬೆಂಗಳೂರಿನಿಂದ ಚಿಕ್ಕಬಳ್ಳಾಪುರಕ್ಕೆ ಬಸ್​ಗಳು ಪ್ರಯಾಣಿಸಲಿವೆ. (ಸಾಂದರ್ಭಿಕ ಚಿತ್ರ)