Bengaluru Waterfalls: ಬೆಂಗಳೂರಿಗೆ ಹತ್ತಿರದಲ್ಲಿವೆ ಈ ಅದ್ಭುತ ಜಲಪಾತಗಳು, ನೀವೂ ಒಮ್ಮೆ ಹೋಗ್ಬನ್ನಿ

ಬಿರು ಬೇಸಿಗೆಯ ನಡುವೆ ಝಳ ಝಳ ಹರಿಯುವ ನೀರು ಕಂಡರೆ ಎಷ್ಟು ಖುಷಿಯಾಗುತ್ತಲ್ಲವೇ? ನೀರಲ್ಲಿ ಆಟವಾಡುವ ಮೋಜೇ ಬೇರೆ. ಅಲ್ಲೇ ಚಿಕ್ಕ ಜಲಪಾತವೂ ಇದ್ದರೆ ಹಾಲ್ನೊರೆಯಲ್ಲಿ ದೇಹಕ್ಕೂ ಮನಸಿಗೂ ಖುಷಿ ಸಿಗಲು ಒಂದೊಳ್ಳೆ ಅವಕಾಶ.

ರಾಜ್ಯ ರಾಜಧಾನಿ ಬೆಂಗಳೂರಿನಿಂದ ಸುಲಭವಾಗಿ ಹೋಗಿ ಬರಬಲ್ಲ ಹಲವು ಜಲಪಾತಗಳು ಅತಿ ಹತ್ತಿರದಲ್ಲಿವೆ. ಈ ಕುರಿತು ಇಲ್ಲಿದೆ ನೋಡಿ ಮಾಹಿತಿ. (ಸಾಂದರ್ಭಿಕ ಚಿತ್ರ)

ಕನಕಪುರ ರಸ್ತೆಯ ಸಮೀಪದಲ್ಲಿರುವ ತೊಟ್ಟಿಕಲ್ಲು ಜಲಪಾತವು ಬೆಂಗಳೂರಿನಿಂದ ಅತ್ಯಂತ ಹತ್ತಿರದ ಜಲಪಾತಗಳಲ್ಲಿ ಒಂದಾಗಿದೆ. ಹಸಿರು ಪರಿಸರದ ನಡುವೆ ಈ ಜಲಪಾತ ನಿಮ್ಮನ್ನು ಸ್ವಾಗತಿಸುತ್ತದೆ.

ಬೆಂಗಳೂರಿನಿಂದ ಸುಮಾರು 50 ಕಿಲೋ ಮೀಟರ್ ದೂರದಲ್ಲಿರುವ ಈ ಜಲಪಾತದ ಬಳಿಯೇ ಚಿಕ್ಕ ದೇವಸ್ಥಾನ ಸಹ ಇದೆ ಅನ್ನೋದು ವಿಶೇಷ.

ಆಳವಾದ ಹಸಿರು ಬೆಟ್ಟಗಳಿಂದ ಸುತ್ತುವರಿದಿರುವ ಮುತ್ಯಾಲ ಮಡುವು ಜಲಪಾತವು ದೂರದಿಂದ ಹಸಿರು ಕಣಿವೆಯಲ್ಲಿ ಮುತ್ತುಗಳ ಸರಮಾಲೆಯಂತೆ ಕಾಣುತ್ತದೆ. ಬೆಂಗಳೂರಿನಿಂದ ಹೊಸೂರು ರಸ್ತೆಯ ಮೂಲಕ ತೆರಳಿದರೆ ಆನೇಕಲ್ ಬಳಿ 40 ಕಿಲೋ ಮೀಟರ್ ದೂರದಲ್ಲಿ ಮುತ್ಯಾಲ ಮಡುವು ಜಲಪಾತವನ್ನು ನೀವು ವೀಕ್ಷಿಸಬಹುದು.

ಅರ್ಕಾವತಿ ನದಿ ಸೃಷ್ಟಿಸಿರುವ ಬೆಂಗಳೂರಿಗೆ ಹತ್ತಿರದಲ್ಲಿರುವ ಒಂದೊಳ್ಳೆ ಜಲಪಾತ ಚುಂಚಿ ಫಾಲ್ಸ್. ಈ ಜಲಪಾತದ ಹತ್ತಿರವೇ ಮೂರು ನದಿಗಳ ಸಂಗಮವಿದೆ. ಇದು ಜಲಪಾತಕ್ಕೆ ತೆರಳಿದವರಿಗೆ ಒಂದು ಬೋನಸ್ ಇದ್ದಹಾಗೆ.

ನೀವು ನಿಮ್ಮದೇ ಸ್ವಂತ ವಾಹದಲ್ಲಿ ಈ ಜಲಪಾತಕ್ಕೆ ಪ್ರಯಾಣಿಸುವುದು ಬೆಸ್ಟ್. ಕನಕಪುರ ರಸ್ತೆಯಲ್ಲಿ ಬೆಂಗಳೂರಿನಿಂದ ಸುಮಾರು 90 ಕಿಲೋ ಮೀಟರ್ ದೂರದಲ್ಲಿ ಈ ಜಲಪಾತ ನಿಮ್ಮನ್ನು ಕಾಯುತ್ತಿದೆ!

ಮೇಕೆದಾಟು! ಈ ಹೆಸರು ಸಾಕಷ್ಟು ಜನಪ್ರಿಯ. ಕಾವೇರಿ ನದಿಯಿಂದ ಮೇಕೆದಾಟುವಿನಲ್ಲಿ ಸೃಷ್ಟಿಯಾಗಿರುವ ಜಲಪಾತವೂ ಸಹ ಬೆಂಗಳೂರಿನಿಂದ ಸುಲಭವಾಗಿ ಹೋಗಿ ಬರಬಲ್ಲ ಜಲಪಾತಗಳಲ್ಲೊಂದು.

ಬೆಂಗಳೂರಿನಿಂದ ಸುಮಾರು 90 ಕಿಲೋ ಮೀಟರ್ ದೂರಲ್ಲಿರೋ ಈ ಜಲಪಾತಕ್ಕೆ ನೀವು ಒಮ್ಮೆ ಹೋಗಿ ಬರಬಹುದು ನೋಡಿ.