Bengaluru Shani Temple: ಈ ಜಾಗ ತಿಂಡಿಗೊಂದೇ ಫೇಮಸ್ ಅಲ್ಲ, ಇಲ್ಲೇ ಇದ್ದಾನೆ ಪವರ್​ಫುಲ್ ಶನಿ

ಬೆಂಗಳೂರಿನ ವಿವಿ ಪುರ ಎಂದಾಕ್ಷಣ ನೆನಪು ಬರುವುದು ಫುಡ್ ಸ್ಟ್ರೀಟ್. ಆದರೆ ಇದೇ ವಿವಿ ಪುರದಲ್ಲಿ ಇರುವ ಪವರ್​ಫುಲ್ ಶನಿ ದೇಗುಲದ ಬಗ್ಗೆ ಹಲವರಿಗೆ ತಿಳಿದಿಲ್ಲ.

ಗಾಂಧಿ ಬಜಾರ್ ಬಳಿಯ ಸಜ್ಜನ್ ರಾವ್ ವೃತ್ತದ ಬಳಿ ಇರುವ ವಿಶ್ವೇಶ್ವರಪುರದ (ವಿ.ವಿ.ಪುರ) ಫುಡ್ ಸ್ಟ್ರೀಟ್ ಅನೇಕ ತಿಂಡಿ ಪ್ರಿಯರ ನೆಚ್ಚಿನ ತಾಣವಾಗಿದೆ. ಅದೇ ರೀತಿ ಪ್ರಸಿದ್ಧ ದೇವಸ್ಥಾನಗಳ ನೆಲೆಯೂ ಆಗಿದೆ.

ಬೆಂಗಳೂರು ಹಲವು ಪ್ರಸಿದ್ಧ ದೇವಸ್ಥಾನಗಳಿಗೆ ಫೇಮಸ್, ಈ ದೇವಸ್ಥಾನಗಳಿಗೆ ಪ್ರತಿದಿನ ಭಕ್ತರು ಆಗಮಿಸಿ ದರ್ಶನ ಪಡೆಯುತ್ತಲೇ ಇರುತ್ತಾರೆ. ರಾಜ್ಯ ರಾಜಧಾನಿಯ ದೇವಸ್ಥಾನಗಳ ಪೈಕಿ ವಿವಿ ಪುರದ ಶನಿ ಮಹಾತ್ಮನ ದೇಗುಲ ತುಂಬಾ ಪ್ರಮುಖ.

ಶನಿಯ ದರ್ಶನ ಪಡೆದು ಅವಕೃಪೆಯಿಂದ ಪಾರಾಗಲು ಭಕ್ತರ ದಂಡೇ ಈ ದೇಗುಲಕ್ಕೆ ಹರಿದುಬರುತ್ತದೆ. ಅದರಲ್ಲೂ ಶನಿವಾರ ಬಂತಂದರೆ ಈ ದೇಗುಲಕ್ಕೆ ಅಪಾರ ಸಂಖ್ಯೆಯ ಭಕ್ತರು ಆಗಮಿಸುತ್ತಾರೆ.

ಈ ಶನಿ ದೇಗುಲದ ಒಳಗೆ ವೀರಭದ್ರೇಶ್ವರ ದೇಗುಲ, ಸಾಯಿಬಾಬಾ ಮಂದಿರ ಸೇರಿದಂತೆ ಹಲವು ದೇಗುಲಗಳಿವೆ. ನೀವು ಒಮ್ಮೆ ದೇವಸ್ಥಾನದ ಒಳಗೆ ಹೊಕ್ಕರೆ ಹತ್ತಾರು ದೇವರ ದರ್ಶನವನ್ನು ಸುಲಭವಾಗಿ ಮಾಡಬಹುದಾಗಿದೆ.

ದೇವಸ್ಥಾನದ ಒಳಗೆ ನೀವು ಸಾಗುತ್ತಾ ಹೋದಂತೆ ಒಂದೊಂದೇ ದೇಗುಲಗಳ ದರ್ಶನವಾಗುತ್ತಾ ಹೋಗುತ್ತವೆ. ನೀವು ನಿಧಾನವಾಗಿ ಪ್ರತಿ ದೇಗುಲದ ದರ್ಶನ ಮಾಡುತ್ತಾ ಮುಂದೆ ಸಾಗಬಹುದು.

ಬೆಂಗಳೂರಿನ ಫುಡ್ ಸ್ಟ್ರೀಟ್ ಹತ್ತಿರ ನೀವು ಬಂದರೆ ಅಲ್ಲೇ ಈ ಶನಿ ದೇಗುಲದ ದರ್ಶನ ಮಾಡಬಹುದು. ಶನಿ ದೇಗುಲದ ಪಕ್ಕದಲ್ಲೇ ಇರುವ ಪಾರ್ಕ್​ನಲ್ಲೂ ನೀವು ಕುಟುಂಬ ಸಮೇತ ಸುಂದರ ಸಮಯ ಕಳೆಯಬಹುದು.

ವಿವಿ ಪುರ ಶನಿ ದೇಗುಲದ ಒಳಗೆ ನೆಲೆನಿಂತ ಗೋವರ್ಧನ ಗಿರಿಯ ಶ್ರೀಕೃಷ್ಣ ಹೀಗಿದ್ದಾನೆ ನೋಡಿ. ನೀವು ಈ ಒಂದೇ ದೇಗುಲದಲ್ಲಿ ಹಲವು ದೇವರ ಕೃಪೆಗೆ ಪಾತ್ರರಾಗಬಹುದು.