Bengaluru Rains: ಬೆಂಗಳೂರಿನ 226 ಪ್ರದೇಶಗಳಲ್ಲಿ ಪ್ರವಾಹ!

ಬೆಂಗಳೂರಿನ ನಾಗರಿಕರೇ, ಮಳೆಗಾಲ ಸಮೀಪಿಸುತ್ತಿದೆ. ರಾಜ್ಯ ರಾಜಧಾನಿಯಲ್ಲಿ ಸ್ವಲ್ಪವೇ ಸ್ವಲ್ಪ ಮಳೆ ಬಂದರೂ ಸಾಕು, ಪ್ರವಾಹ ಉಂಟಾಗುವ ಹಲವು ಪ್ರದೇಶಗಳಿವೆ. ಈ ಕುರಿತು ಮಹತ್ವದ ವರದಿಯೊಂದು ಬಿಡುಗಡೆಯಾಗಿದೆ. (ಸಾಂದರ್ಭಿಕ ಚಿತ್ರ)

ಕರ್ನಾಟಕ ರಾಜ್ಯ ನೈಸರ್ಗಿಕ ವಿಕೋಪ ಮೇಲ್ವಿಚಾರಣಾ ಕೇಂದ್ರ (KSNDMC) ಇತ್ತೀಚೆಗೆ ಬೃಹತ್ ಬೆಂಗಳೂರು ಮಹಾನಗರ ಪಾಲಿಕೆ (BBMP) ಗೆ ಪ್ರವಾಹ ಪೀಡೀತ ಸ್ಥಳಗಳ ವರದಿಯನ್ನು ಕಳುಹಿಸಿದೆ. ಈ ವರದಿಯಲ್ಲಿ ಬೆಂಗಳೂರು ನಗರದಲ್ಲಿ ಮಳೆಯ ಸಮಯದಲ್ಲಿ ಪ್ರವಾಹಕ್ಕೆ ಒಳಗಾಗುವ 226 ಸ್ಥಳಗಳನ್ನು ಗುರುತಿಸಲಾಗಿದೆ. (ಸಾಂದರ್ಭಿಕ ಚಿತ್ರ)

ಈ ವರದಿಯು ಮಳೆಯ ಪ್ರಭಾವದ ಆಧಾರದ ಮೇಲೆ ಪ್ರದೇಶಗಳನ್ನು ವಿವಿಧ ವಲಯಗಳಾಗಿ ವರ್ಗೀಕರಿಸಿದೆ. ಇದರ ಪ್ರಕಾರ ಬೆಂಗಳೂರು ನಗರದಲ್ಲಿ ಕೇವಲ ಒಂದು ಸೆಂಟಿಮೀಟರ್ ಮಳೆಯಾದರೂ ಕೆಲವು ಪ್ರದೇಶಗಳಲ್ಲಿ ಪ್ರವಾಹ ಉಂಟಾಗುತ್ತದೆ! (ಸಾಂದರ್ಭಿಕ ಚಿತ್ರ)

ಉದಾಹರಣೆಗೆ, ಪಾಣತ್ತೂರು ಮುಖ್ಯರಸ್ತೆ, ತೂಬರಹಳ್ಳಿಯಲ್ಲಿ ಒಂದು ಸೆಂಟಿಮೀಟರ್ ಮಳೆಯಾದರೆ ಈ ಪ್ರದೇಶದ ನಿರ್ದಿಷ್ಟ ಭಾಗಗಳಲ್ಲಿ ಪ್ರವಾಹ ಉಂಟಾಗುತ್ತದೆ. 3 ಸೆಂ.ಮೀ ಮಳೆಯಾದರೆ ಕಲ್ಯಾಣ್ ನಗರ ರಿಂಗ್ ರಸ್ತೆಯು ಜಲಾವೃತವಾಗುವ ಸಾಧ್ಯತೆಯಿದೆ ಎಂದು ವರದಿ ಸೂಚಿಸುತ್ತದೆ. (ಸಾಂದರ್ಭಿಕ ಚಿತ್ರ)

ಒಂದುವೇಳೆ4 ಸೆಂ.ಮೀಗಿಂತ ಹೆಚ್ಚು ಮಳೆಯಾದರೆ ಕೆಆರ್ ಪುರ, ಮಹದೇವಪುರ, ವಿಜ್ಞಾನ ನಗರ, ಐಟಿಪಿಬಿ ಮುಖ್ಯರಸ್ತೆ, ಟಿನ್ ಫ್ಯಾಕ್ಟರಿ ಮುಂತಾದ ಪ್ರದೇಶಗಳು ಜಲಾವೃತಗೊಳ್ಳುತ್ತವೆ. 5 ಸೆಂ.ಮೀ ಗಿಂತ ಹೆಚ್ಚು ಮಳೆಯಾದರೆ ಬೆಳ್ಳಂದೂರು, ಎಚ್ಎಎಲ್ ಎರಡನೇ ಹಂತಗಳಲ್ಲಿ ಪರಿಸ್ಥಿತಿ ಕಷ್ಟವಾಗುತ್ತದೆ. (ಸಾಂದರ್ಭಿಕ ಚಿತ್ರ)

10 ಸೆಂಟಿಮೀಟರ್​ಗಿಂತ ಹೆಚ್ಚು ಮಳೆಯಾದರೆ ರಾಮನಗೌಡನಹಳ್ಳಿ, ಗಂಗೋತ್ರಿ ರಸ್ತೆ, ಹೆಣ್ಣೂರು ರಸ್ತೆ, ಯೆಮಲೂರು, ಹೊರಮಾವು, ವಿದ್ಯಾಪೀಠ ವೃತ್ತದಂತಹ ಪ್ರದೇಶಗಳಲ್ಲಿ ಸಮಸ್ಯೆ ಎದುರಾಗುತ್ತದೆ. (ಸಾಂದರ್ಭಿಕ ಚಿತ್ರ)

ಬೆಂಗಳೂರಿನ 226 ಅತಿಸೂಕ್ಷ್ಮ ಪ್ರದೇಶಗಳನ್ನು ಗುರುತಿಸಲಾಗಿದ್ದು, ಇವುಗಳಲ್ಲಿ ಪೂರ್ವ ವಲಯದಲ್ಲಿ ಹೆಚ್ಚು ಸಮಸ್ಯೆ ಉಂಟಾಗುವ ಪ್ರದೇಶಗಳಿವೆ. ಪಶ್ಚಿಮ ಮತ್ತು ದಕ್ಷಿಣ (ತಲಾ 40), ಮಹದೇವಪುರ ಮತ್ತು ಬೊಮ್ಮನಹಳ್ಳಿ (ತಲಾ 24), ಆರ್​ಆರ್ ನಗರ (23), ಯಲಹಂಕ (11), ಮತ್ತು ದಾಸರಹಳ್ಳಿ (ಮೂರು) ಪ್ರವಾಹ ಪೀಡಿತ ಪ್ರದೇಶಗಳಿವೆ. (ಸಾಂದರ್ಭಿಕ ಚಿತ್ರ)