Bengaluru News: ಬಾಹ್ಯಾಕಾಶ ಹೇಗಿರುತ್ತೆ? ISRO ಜರ್ನಿ ತಿಳಿಯಲು ಇಲ್ಲಿದೆ ಸದವಕಾಶ

ಬಾಹ್ಯಾಕಾಶದಲ್ಲಿ ಉಪಗ್ರಹಗಳು ಕೆಲಸ ಮಾಡೋದು ಹೇಗೆ? ಚಂದ್ರನ ಅಂಗಳದಲ್ಲಿ ಇಸ್ರೋದ ಉಪಕರಣಗಳು ಹೇಗೆ ಕೆಲಸ ಮಾಡುತ್ತವೆ? ಇಂತಹ ಹಲವು ಕುತೂಹಲಕರ ವಿಷಯಗಳ ಬಗ್ಗೆ ನಿಮಗೂ ಉತ್ತರ ಹುಡುಕುವ ಆಸಕ್ತಿ ಇರಬೇಕಲ್ಲವೇ? (ಸಾಂದರ್ಭಿಕ ಚಿತ್ರ)

ಇಸ್ರೋದ ಮಹತ್ವಾಕಾಂಕ್ಷಿ ಯೋಜನೆಗಳಾದ ಆರ್ಬಿಟರ್ ಮಿಷನ್, ಚಂದ್ರಯಾನ ಮತ್ತು ಮುಂಬರುವ ಮಾನವ ಬಾಹ್ಯಾಕಾಶ ಯಾನದಂತಹ ಯೋಜನೆಗಳ ಬಗ್ಗೆ ನೀವು ಸ್ವತಃ ತಿಳಿದುಕೊಳ್ಳಬಹುದಾಗಿದೆ. ಅಂತಹ ವಿಶೇಷ ಅವಕಾಶವೊಂದು ಬೆಂಗಳೂರಲ್ಲಿ ತೆರೆದುಕೊಂಡಿದೆ. (ಸಾಂದರ್ಭಿಕ ಚಿತ್ರ)

'ವಿದ್ಯಾರ್ಥಿಗಳಿಗೆ ಕಲಿಕಾ ಸಾಧನ' ಎಂಬ ವಿಶಿಷ್ಟವಾದ ಪ್ರಾಯೋಗಿಕ ಕಲಿಕಾ ಸಾಧನ ವಿದ್ಯಾರ್ಥಿಗಳನ್ನು ರಾಕೆಟ್ ವಿಜ್ಞಾನಿಗಳು ಮತ್ತು ನವೋದ್ಯಮಿಗಳಾಗಲು ಪ್ರೇರೇಪಿಸುತ್ತಿದೆ. (ಸಾಂದರ್ಭಿಕ ಚಿತ್ರ)

ಅಂದಹಾಗೆ ಬಾಹ್ಯಾಕಾಶದ ಕಲಿಕೆಗೆ ರೂಪಿಸಲಾದ ಈ ವಿಶಿಷ್ಟ ಕಲಿಕಾ ಸಾಧನ ಕೇವಲ 7 ಅಡಿ ಉದ್ದ ಅಗಲವಿದೆ. ಇಷ್ಟು ಚಿಕ್ಕ ಜಾಗದಲ್ಲಿ ನೀವು ಇಡೀ ಬಾಹ್ಯಾಕಾಶದ ನಿಗೂಢಗಳನ್ನು ಅರಿಯಬಹುದಾಗಿದೆ. (ಸಾಂದರ್ಭಿಕ ಚಿತ್ರ)

ವಾಲ್ ಮ್ಯೂಸಿಯಂ ಇಸ್ರೋ ಮಿಷನ್​ಗಳ  25ಕ್ಕಿಂತ ಹೆಚ್ಚು ಅಧಿಕೃತ ಮಾದರಿಗಳ ತಾಂತ್ರಿಕ ಕಲಾಕೃತಿಗಳನ್ನು ಡಿಜಿಟಲ್ ರೂಪದಲ್ಲಿ ಪ್ರದರ್ಶಿಸುತ್ತದೆ. ಈ ಮ್ಯೂಸಿಯಂನ ಸೃಷ್ಟಿಕರ್ತ ಇಂಡಿಕ್ ಇನ್ಸ್ಪಿರೇಷನ್ಸ್ ಎಂಬ ಸಂಸ್ಥೆ. ದೊಮ್ಮಲೂರಿನ ಬೆಂಗಳೂರು ಇಂಟರ್​ನ್ಯಾಷನಲ್ ಸೆಂಟರ್​ನಲ್ಲಿದೆ ಈ ವಿಶೇಷ ಮ್ಯೂಸಿಯಂ. (ಸಾಂದರ್ಭಿಕ ಚಿತ್ರ)

ಈ ಮ್ಯೂಸಿಯಂನ್ನು ಈಗಾಗಲೇ ಅನೇಕ ಸ್ಥಳಗಳಲ್ಲಿ ಸ್ಥಾಪಿಸಲಾಗಿದೆ. ಆಸಕ್ತರು ಈ ಪ್ರಯೋಗವನ್ನು ಸದುಪಯೋಗ ಪಡಿಸಿಕೊಳ್ಳುವಂತೆ ಇಂಡಿಕ್ ಮನವಿ ಮಾಡಿದೆ. (ಸಾಂದರ್ಭಿಕ ಚಿತ್ರ)

ಈ ಬೇಸಿಗೆ ರಜೆಯಲ್ಲಿ ಸುಖಾಸುಮ್ಮನೆ ಕಾಲಹರಣ ಮಾಡದೇ ಬಾಹ್ಯಾಕಾಶದ ಹತ್ತಾರು ಕುತೂಹಲಕರ ಸಂಗತಿಗಳನ್ನು ನೀವೂ ತಿಳಿದುಕೊಳ್ಳಿ!