Bengaluru MG Road: ಇಡೀ ದೇಶದಲ್ಲಿ ಎಂಜಿ ರೋಡ್ ನಂಬರ್ 1, ಈ ರಸ್ತೆಗಳಿಗೂ ಒಳ್ಳೆ ಸ್ಥಾನ

ರಾಜ್ಯ ರಾಜಧಾನಿ ಬೆಂಗಳೂರು ಇಡೀ ವಿಶ್ವದಲ್ಲೇ ಫೇಮಸ್, ಗಾರ್ಡನ್ ಸಿಟಿ, ಐಟಿ ಸಿಟಿ ಎಂದೆಲ್ಲ ಫೇಮಸ್ ಆಗಿರುವ ಬೆಂಗಳೂರಿನ ಅತ್ಯಂತ ಪ್ರಸಿದ್ಧ ರಸ್ತೆಯೊಂದು ಜಾಗತಿಕ ಮಟ್ಟದಲ್ಲಿ ಸಹ ಗುರುತಿಸಲ್ಪಟ್ಟಿದೆ.  (ಸಾಂದರ್ಭಿಕ ಚಿತ್ರ)

ಇದೀಗ ಭಾರತದ ಟಾಪ್ 10 ಹೈ ಸ್ಟ್ರೀಟ್​ಗಳಲ್ಲಿ ನಾಲ್ಕು ರಸ್ತೆಗಳು ಬೆಂಗಳೂರಿನಲ್ಲೇ ಇವೆ ಎಂದು ಅಧ್ಯಯನವೊಂದು ತಿಳಿಸಿದೆ. ಪ್ರಾಪರ್ಟಿ ಕನ್ಸಲ್ಟೆನ್ಸಿ ನೈಟ್ ಫ್ರಾಂಕ್ ಇಂಡಿಯಾ ಎಂಬ ಸಂಸ್ಥೆಯ ವರದಿ ಈ ಮಾಹಿತಿ ಬಿಡುಗಡೆ ಮಾಡಿದೆ.  (ಸಾಂದರ್ಭಿಕ ಚಿತ್ರ)

ಅಷ್ಟೇ ಅಲ್ಲದೇ, ಭಾರತದ 30 ಪ್ರಮುಖ ರಸ್ತೆಗಳ ಪಟ್ಟಿಯಲ್ಲಿ ಮಹಾತ್ಮ ಗಾಂಧಿ ರಸ್ತೆ ಮೊದಲ ಸ್ಥಾನದಲ್ಲಿದೆ. ಬೆಂಗಳೂರಿನ ಕಮರ್ಷಿಯಲ್ ರಸ್ತೆ 7, ಬ್ರಿಗೇಡ್ ರಸ್ತೆ 9 ಹಾಗೂ ಚರ್ಚ್ ರಸ್ತೆ 10 ನೇ ಸ್ಥಾನದಲ್ಲಿವೆ ಎಂದು ವರದಿ ತಿಳಿಸಿದೆ.  (ಸಾಂದರ್ಭಿಕ ಚಿತ್ರ)

ಆಧುನಿಕ ಚಿಲ್ಲರೆ ವ್ಯಾಪಾರದ ಶೇಕಡಾ 67 ರಷ್ಟು ಪಾಲು ಮತ್ತು ಅಂತಾರಾಷ್ಟ್ರೀಯ ಮೂಲದ ಬ್ರಾಂಡ್​ಗಳ ಶೇಕಡಾ 34 ರಷ್ಟು ಕೇಂದ್ರೀಕರಣದಿಂದ ಉತ್ತೇಜಿತವಾಗಿರುವ ಭಾರತದ ಉದ್ಯಾನ ನಗರವು ಏಳರಲ್ಲಿ ಗರಿಷ್ಠ ಸಂಖ್ಯೆಯ ಹೈ ಸ್ಟ್ರೀಟ್​ಗಳನ್ನು ಹೊಂದಿದೆ.  (ಸಾಂದರ್ಭಿಕ ಚಿತ್ರ)

ಐದು ಅಂಶಗಳನ್ನು ಪರಿಗಣಿಸಿ ನಡೆಸಿದ ಸಮೀಕ್ಷೆಯಲ್ಲಿ ಈ ವಿಷಯ ಬಹಿರಂಗಗೊಂಡಿದೆ ಎಂದು ಪ್ರಾಪರ್ಟಿ ಕನ್ಸಲ್ಟೆನ್ಸಿ ನೈಟ್ ಫ್ರಾಂಕ್ ಇಂಡಿಯಾ ಎಂಬ ಸಂಸ್ಥೆ ತಿಳಿಸಿದೆ.  (ಸಾಂದರ್ಭಿಕ ಚಿತ್ರ)

ಪಾರ್ಕಿಂಗ್, ಸಾರ್ವಜನಿಕ ಸಾರಿಗೆ, ಸರಾಸರಿ ವ್ಯಾಪಾರ ಸಾಂದ್ರತೆ, ಅಂಗಡಿಗಳ ಲಭ್ಯತೆ, ಖರ್ಚಿನ ಪ್ರಮಾಣ ಈ ಅಂಶಗಳನ್ನು ಆಧರಿಸಿ ನಡೆಸಿದ ಸಮೀಕ್ಷೆಯಲ್ಲಿ ಬೆಂಗಳೂರಿನ ಮಹಾತ್ಮಾ ಗಾಂಧಿ ರಸ್ತೆ ನಂಬರ್ 1 ಸ್ಥಾನ ಗಳಿಸಿದೆ.  (ಸಾಂದರ್ಭಿಕ ಚಿತ್ರ)

1ನೇ ಸ್ಥಾನದಲ್ಲಿ ಬೆಂಗಳೂರಿನ ಎಂ ಜಿ ರಸ್ತೆಯಲ್ಲಿದ್ದರೆ ಹೈದರಾಬಾದ್‌ನ ಸೊಮಾಜಿಗುಡಾ 2ನೇ ಸ್ಥಾನದಲ್ಲಿದೆ. ಮುಂಬೈನ ಲಿಂಕಿಂಗ್‌ ರೋಡ್‌ಗಳು 3ನೇ ಸ್ಥಾನದಲ್ಲಿದೆ. (ಸಾಂದರ್ಭಿಕ ಚಿತ್ರ)