Bengaluru Jail Restaurant: ಬೆಂಗಳೂರಲ್ಲಿ ಜೈಲೊಳಗೆ ಕುಳಿತು ಏನ್ ಬೇಕೋ ತಿನ್ನಿ!

ಬೆಂಗಳೂರು ಭಾರತದ "ಸಿಲಿಕಾನ್ ವ್ಯಾಲಿ" ಎಂದೇ ಫೇಮಸ್. ಇತ್ತೀಚಿಗಂತೂ ಸ್ಟಾರ್ಟ್ಅಪ್​ಗಳ ಸಂಖ್ಯೆ ಹೆಚ್ಚಾಗಿ ಇನ್ನಷ್ಟು ವ್ಯಾವಹಾರಿಕ ಊರಾಗಿ ಬೆಳೆಯುತ್ತಿದೆ.

ನಮ್ಮ ರಾಜಧಾನಿ ನಗರ. ಹೀಗಾಗಿ ಬೆಂಗಳೂರಿನಲ್ಲಿ ಯಾವ ರಾಜ್ಯ ಅಥವಾ ದೇಶದವರೂ ಇಲ್ಲ ಎಂದಿಲ್ಲ. ಎಲ್ಲೆಡೆಯಿಂದ ಬೆಂಗಳೂರಿಗೆ ಬಂದು ಜೀವನ ಕಟ್ಟಿಕೊಳ್ಳುವವರ ಸಂಖ್ಯೆ ತೀರಾ ದೊಡ್ಡದಿದೆ.

ಇದೇ ರೀತಿ ನಮ್ಮ ಬೆಂಗಳೂರಿನಲ್ಲಿ ಇರುವ ಹೋಟೆಲ್​ಗಳ ಸಂಖ್ಯೆಯೂ ಕಡಿಮೆಯಿಲ್ಲ. ಒಂದೊಂದು ಹೋಟೆಲ್​ಗಳೂ ಒಂದೊಂದು ವಿಶೇಷತೆಯಿಂದ ಗ್ರಾಹಕರನ್ನು ಸೆಳೆಯುತ್ತವೆ. ಇದೇ ರೀತಿ ಈಗ ಸಾಮಾಜಿಕ ಜಾಲತಾಣಗಳಲ್ಲಿ ಸದ್ದು ಮಾಡುತ್ತಿದೆ ಬೆಂಗಳೂರಿನ ಜೈಲ್ ರೆಸ್ಟೋರೆಂಟ್.

ಹರ್ಷ್ ಗೋಯೆಂಕಾ ಅವರು ಜೈಲ್ ರೆಸ್ಟೋರೆಂಟ್ ಕುರಿತ ವಿಡಿಯೋವೊಂದನ್ನು ಪೋಸ್ಟ್ ಮಾಡಿದ್ದೆ ತಡ, ಟ್ವಿಟರ್ ಬಳಕೆದಾರರು ಈ ಜೈಲ್ ರೆಸ್ಟೋರೆಂಟ್ ವಿಡಿಯೋ ವೈರಲ್ ಆಯಿತು.

ಹರ್ಷ ಗೋಯಂಕಾ ಅವರು ಟ್ವೀಟ್ ಮಾಡಿದ ವಿಡಿಯೋದಲ್ಲಿ ಬೆಂಗಳೂರಿನ ಎಚ್ಎಸ್ಆರ್ ಲೇಔಟ್​ನಲ್ಲಿ ಇರುವ ಜೈಲ್ ರೆಸ್ಟೋರೆಂಟ್ ಬಗ್ಗೆ ಕುತೂಹಲಕರ ಮಾಹಿತಿ ಇದೆ. "ಸೆಂಟ್ರಲ್ ಜೈಲ್" ಎಂಬ ಎಂಬ ಪದ ರೆಸ್ಟೋರೆಂಟ್ ಪ್ರವೇಶಿಸುವ ಬಾಗಿಲಿನ ಮೇಲೆ ಕೆತ್ತಲಾಗಿದೆ.

ಈ ಜೈಲ್ ರೆಸ್ಟೋರೆಂಟ್​ನಲ್ಲಿ ಗ್ರಾಹಕರು ಕಬ್ಬಿಣದ ಸರಳುಗಳ ಹಿಂದೆ ಕುಳಿತು ಊಟ ಮಾಡುತ್ತಾರೆ. ಪ್ರತಿ ಟೇಬಲ್ ಅನ್ನು ವಿಶೇಷವಾಗಿ ರಚಿಸಲಾದ ಜೈಲಿನ ಒಳಗೆ ಇರಿಸಲಾಗಿದೆ.

ಈ ರೆಸ್ಟೋರೆಂಟ್​ನಲ್ಲಿ ಸಪ್ಲೈಯರ್​ಗಳು ಪೋಲೀಸ್ ಮತ್ತು ಕೈದಿಗಳ ವೇಷದಲ್ಲಿ ಆಹಾರವನ್ನು ಬಡಿಸುವುದನ್ನು ಸಹ ಕಾಣಬಹುದು.

ಈ ಜೈಲ್ ರೆಸ್ಟೋರೆಂಟ್ ವಿಡಿಯೋ ಸದ್ಯ ಭಾರೀ ವೈರಲ್ ಆಗಿದೆ. ಈಗಾಗಲೇ 52 ಸಾವಿರಕ್ಕೂ ಹೆಚ್ಚು ಜನರು ಪೋಸ್ಟ್ ಅನ್ನು ವೀಕ್ಷಿಸಿದ್ದಾರೆ. ಈ ಸೆಂಟ್ರಲ್ ಜೈಲ್ ರೆಸ್ಟೋರೆಂಟ್, ಬೆಂಗಳೂರಿನ 27ನೇ ಮುಖ್ಯರಸ್ತೆ, ಎಚ್ಎಸ್ಆರ್ ಲೇಔಟ್​ನಲ್ಲಿದೆ.  ನೀವೂ ಬೆಂಗಳೂರಿನಲ್ಲಿ ಈ ಜೈಲ್ ರೆಸ್ಟೋರೆಂಟ್​ಗೆ ಒಮ್ಮೆ ಹೋಗಿ ಬರಬಹುದು ನೋಡಿ.