Chitra Santhe: ಬೆಂಗಳೂರು ಚಿತ್ರಸಂತೆ, ಇಲ್ಲಿವೆ ನೋಡಿ ಕಣ್ಣಿಗೆ ಖುಷಿ ನೀಡುವ ಕಲಾಕೃತಿಗಳು

ಅತ್ಯಂತ ಪ್ರಸಿದ್ಧ 20ನೇ ವರ್ಷದ ಬೆಂಗಳೂರು ಚಿತ್ರಸಂತೆಗೆ ಚಾಲನೆ ದೊರೆತಿದೆ. ಸಿಎಂ ಬಸವರಾಜ ಬೊಮ್ಮಾಯಿ ಚಿತ್ರಸಂತೆಯನ್ನು ಉದ್ಘಾಟನೆ ಮಾಡಿದ್ದಾರೆ.

ಕರ್ನಾಟಕ ಚಿತ್ರಕಲಾ ಪರಿಷತ್ ನಿಂದ ಆಯೋಜನೆ ಮಾಡಿರುವ ಈ ಬಾರಿಯ ಚಿತ್ರಸಂತೆಯನ್ನು ಎಲ್ಲಾ ಕಲಾವಿದರಿಗೆ ಅರ್ಪಣೆ ಮಾಡಿರುವುದು ವಿಶೇಷವಾಗಿದೆ.

ಚಿತ್ರಸಂತೆಯಲ್ಲಿ ಬರೋಬ್ಬರಿ 1300 ಕಲಾಕಾರರು ಭಾಗವಹಿಸಲು ಅವಕಾಶವಿದೆ. ಅವರಲ್ಲಿ 16 ದಿವ್ಯಾಂಗ ಕಲಾವಿದರು ಭಾಗಿಯಾಗಿದ್ದಾರೆ.

ಚಿತ್ರಸಂತೆಗೆ ಆಗಮಿಸುವವರ ಭದ್ರತೆಯ ದೃಷ್ಟಿಯಿಂದ 130 ರಷ್ಟು ಸಿಸಿಟಿವಿ ಕ್ಯಾಮೆರಾ ಅಳವಡಿಸಲಾಗಿದೆ.

ಚಿತ್ರಸಂತೆ ಬೆಂಗಳೂರಿನ ಹೆಮ್ಮೆ ಎಂದೇ ಬಿಂಬಿತವಾಗಿದೆ. ಅಸಂಖ್ಯಾತ ಕಲಾವಿದರಿಗೆ ವೇದಿಯಾಗಿರುವ ಈ ಚಿತ್ರಸಂತೆಯನ್ನು ಕರ್ನಾಟಕದ ವಿವಿಧ ಭಾಗಗಳಲ್ಲೂ ಚಿತ್ರಸಂತೆ ಆಯೋಜಿಸಬೇಕೆಂಬ ಬೇಡಿಕೆಯಿದೆ.

ಚಿತ್ರಸಂತೆಯ ಪ್ರಯುಕ್ತ ರಸ್ತೆಯ ಮೇಲೆ 1200 ಸ್ಟಾಲ್​ಗಳನ್ನು ಹಾಕಲಾಗಿದೆ. ಬಗೆಬಗೆಯ ಚಿತ್ರಗಳು ಕಣ್ಮನ ಸೆಳೆಯುತ್ತಿವೆ.

ರಾತ್ರಿ ಚಿತ್ರಸಂತೆ ಮುಗಿದ ಮೇಲೆ ರಾತ್ರಿ 11 ಗಂಟೆಗೆ ಇಡೀ ಪ್ರದೇಶವನ್ನು ಸಂಪೂರ್ಣ ಸ್ವಚ್ಛಗೊಳಿಸಲು ವ್ಯವಸ್ಥೆ ಮಾಡಲಾಗಿದೆ.

ಕರ್ನಾಟಕ ಚಿತ್ರಕಲಾ ಪರಿಷತ್ ಆಯೋಜಿಸಿರುವ ಚಿತ್ರಸಂತೆಗೆ ನೀವೂ ಒಮ್ಮೆ ಭೇಟಿ ನೀಡಿ. ಆದರೆ ತೆರಳುವ ಮುನ್ನ ಮಾಸ್ಕ್ ಧರಿಸೋದನ್ನ ಮರೆಯಬೇಡಿ.