Bengaluru To Chennai: ಬೆಂಗಳೂರು ಚೆನ್ನೈ ಪ್ರಯಾಣಿಕರಿಗೆ ಸಂತಸದ ಸುದ್ದಿ

ಬೆಂಗಳೂರಿನಿಂದ ಚೆನ್ನೈಗೆ ಪ್ರಯಾಣಿಸುವವರಿಗೆ ಸಂತಸದ ಸುದ್ದಿಯೊಂದು ಹೊರಬಿದ್ದಿದೆ. ಈ ಎರಡು ಪ್ರಮುಖ ನಗರಗಳ ನಡುವೆ ಎಕ್ಸ್​ಪ್ರೆಸ್​ವೇ ಲೋಕಾರ್ಪಣೆಯಾಗುವ ಸಮಯ ಬಹುತೇಕ ನಿಶ್ಚಯವಾಗಿದೆ. (ಸಾಂದರ್ಭಿಕ ಚಿತ್ರ)

ಕರ್ನಾಟಕದಲ್ಲಿ 105.7 ಕಿಲೋ ಮೀಟರ್ ಉದ್ದ ಸಾಗುವ ಬೆಂಗಳೂರು-ಚೆನ್ನೈ  ಎಕ್ಸ್​ಪ್ರೆಸ್​ವೇ ಆಗಸ್ಟ್ 2024 ರೊಳಗೆ ಪೂರ್ಣಗೊಳ್ಳಲಿದೆ ಎಂದು ವರದಿಯಾಗಿದೆ. ಈ ಕುರಿತು ದಿ ಹಿಂದೂ ವರದಿ ಮಾಡಿದೆ. (ಸಾಂದರ್ಭಿಕ ಚಿತ್ರ)

ಈ ಮಹತ್ವದ ಯೋಜನೆಗೆ ಸುಮಾರು 2.5 ಕೋಟಿ ಕ್ಯೂಬಿಕ್ ಮೀಟರ್ ಭೂಮಿ ಅಗತ್ಯವಿದೆ. ಸಂಬಂಧಿಸಿದ ಇಲಾಖೆಗಳು ಮತ್ತು ಆಯಾ ಜಿಲ್ಲಾಡಳಿತಗಳು ಕಾಮಗಾರಿಗೆ ಬೆಂಬಲ ಒದಗಿಸುತ್ತಿವೆ. (ಸಾಂದರ್ಭಿಕ ಚಿತ್ರ)

ಈ ಹೆದ್ದಾರಿಯು ಚೆನ್ನೈ ಮತ್ತು ಬೆಂಗಳೂರು ನಡುವಿನ ಪ್ರಯಾಣದ ಸಮಯವನ್ನು ಕಡಿಮೆ ಮಾಡುತ್ತದೆ. ಒಟ್ಟು 4 ಲೇನ್​ಗಳನ್ನು ಹೊಂದಿದ್ದು ವೇಗದ ಪ್ರಯಾಣಕ್ಕೆ ಅನುಕೂಲ ಮಾಡಿಕೊಡಲಿದೆ. (ಸಾಂದರ್ಭಿಕ ಚಿತ್ರ)

ಅಲ್ಲದೇ ಈ ಹೊಸ ಎಕ್ಸ್​ಪ್ರೆಸ್​ವೇ 71 ಕೆಳಸೇತುವೆಗಳು, ಮೇಲ್ಸೇತುವೆಗಳು ಮತ್ತು ಲಘು ವಾಹನಗಳ ಅಂಡರ್ಪಾಸ್​ಗಳು, ಮೂರು ರೈಲು ಸೇತುವೆಗಳು, 31 ಪ್ರಮುಖ ಸೇತುವೆಗಳು, 25 ಚಿಕ್ಕ ಸೇತುವೆಗಳು, ಆರು ಟೋಲ್ ಪ್ಲಾಜಾಗಳನ್ನು ಹೊಂದಿರಲಿದೆ. (ಸಾಂದರ್ಭಿಕ ಚಿತ್ರ)

ಜೊತೆಗೆ ಬೆಂಗಳೂರು ಚೆನ್ನೈ ಹೆದ್ದಾರಿಯು ಪ್ರಯಾಣಿಕರ ಬಳಕೆಗಾಗಿ ಎರಡು ವಿಶ್ರಾಂತಿ ಪ್ರದೇಶಗಳನ್ನು ಮತ್ತು ಎರಡು ಟ್ರಕ್ ಲೇ ಬೇಗಳನ್ನು ಹೊಂದಿರಲಿದೆ ಎಂದು ವರದಿಯಾಗಿದೆ. (ಸಾಂದರ್ಭಿಕ ಚಿತ್ರ)

ಒಟ್ಟಾರೆ ಈ ಹೊಸ ಹೆದ್ದಾರಿ ಇನ್ನೇನು ಕೆಲವೇ ತಿಂಗಳಲ್ಲಿ ಅಧಿಕೃತ ಲೋಕಾರ್ಪಣೆಯಾಗಲಿದೆ. ಪ್ರಯಾಣಿಕರು ಈ ಹೆದ್ದಾರಿಯ ಮೂಲಕವೇ ಬೆಂಗಳೂರಿನಿಂದ ಚೆನ್ನೈಗೆ ಪ್ರಯಾಣಿಸಬಹುದಾಗಿದೆ. (ಸಾಂದರ್ಭಿಕ ಚಿತ್ರ)