Bengaluru Rent: ಬೆಂಗಳೂರಲ್ಲಿ ತಿಂಗಳಿಗೆ 2.44 ಕೋಟಿ ಬಾಡಿಗೆ!

ಬೆಂಗಳೂರಿನಲ್ಲಿ ಟೆಕ್ ಜಗತ್ತಿನ ದೈತ್ಯ ಕಂಪನಿಯೊಂದು ತನ್ನ ಕಚೇರಿ ಆರಂಭಿಸಿದೆ. ಈ ಕಂಪನಿ ಪಾವತಿಸುತ್ತಿರುವ ಬಾಡಿಗೆಯ ಮೊತ್ತವೇ  ಅಚ್ಚರಿ ಮೂಡುವಂತೆ ಮಾಡುವಂತಿದೆ. (ಸಾಂದರ್ಭಿಕ ಚಿತ್ರ)

ಹೌದು, ಆ್ಯಪಲ್ ಇಂಕ್ ಇತ್ತೀಚೆಗೆ ಬೆಂಗಳೂರಿನಲ್ಲಿ ಪ್ರೆಸ್ಟೀಜ್ ಎಸ್ಟೇಟ್ಸ್ ಪ್ರಾಜೆಕ್ಟ್​ನ ವಾಣಿಜ್ಯ ಕಟ್ಟಡದ ಹಲವು ಮಹಡಿಗಳನ್ನು ಬಾಡಿಗೆಗೆ ಪಡೆದಿದೆ. ಈ ಬಹು ಮಹಡಿ ಕಟ್ಟಡಗಳಿಗೆ ಆ್ಯಪಲ್ ಭರ್ಜರಿ ಬಾಡಿಗೆಯನ್ನೇ ಪಾವತಿಸುತ್ತಿದೆ.  (ಸಾಂದರ್ಭಿಕ ಚಿತ್ರ)

ಬೆಂಗಳೂರಿನ ಕಬ್ಬನ್ ರಸ್ತೆಯಲ್ಲಿರುವ ಬಹು ಮಹಡಿ ಕಟ್ಟಡವನ್ನು 10 ವರ್ಷಗಳ ಕಾಲ ಗುತ್ತಿಗೆಗೆ ತೆಗೆದುಕೊಂಡಿರುವ ಆ್ಯಪಲ್ ಇಂಕ್ ₹2.44 ಕೋಟಿ ಆರಂಭಿಕ ಮಾಸಿಕ ಬಾಡಿಗೆ ನೀಡುತ್ತಿದೆ.  (ಸಾಂದರ್ಭಿಕ ಚಿತ್ರ)

ಐಫೋನ್ ಮತ್ತು ಐಪ್ಯಾಡ್ ತಯಾರಕ ಆ್ಯಪಲ್ ಕಂಪನಿ 1,16,888 ಚದರ ಅಡಿ ವಿಸ್ತೀರ್ಣದಲ್ಲಿ ಬೆಂಗಳೂರಿನಲ್ಲಿ ಕಚೇರಿ ಆರಂಭಿಸುತ್ತಿದೆ. ಈ ಹೊಸ ಕಚೇರಿಯ ಬಾಡಿಗೆ ಪಾವತಿಯು ಜುಲೈ 01, 2023 ರಿಂದ ಪ್ರಾರಂಭವಾಗುತ್ತಿದೆ.  (ಸಾಂದರ್ಭಿಕ ಚಿತ್ರ)

ಈ ಅವಧಿಯಲ್ಲಿ ಆ್ಯಪಲ್ ಗುತ್ತಿಗೆಗೆ ಪಡೆದ ಕಟ್ಟಡದ ಯಾವುದೇ ಇತರ ಭಾಗವನ್ನು ಆ್ಯಪಲ್ನ ಪ್ರತಿಸ್ಪರ್ಧಿಗಳಿಗೆ ನೀಡುವಂತಿಲ್ಲ ಎಂಬ ನಿಯಮ ಮಾಡಲಾಗಿದೆ. ಆಲ್ಫಾಬೆಟ್ ಅಥವಾ ಗೂಗಲ್, ಮೈಕ್ರೋಸಾಫ್ಟ್, ಸ್ಯಾಮ್ಸಂಗ್, Xiaomi, Amazon, Huawei, Netflix, Facebook, Spotify, Baidu ಮತ್ತು Tencent ಕಂಪನಿಗೆ ಆ್ಯಪಲ್ ಗುತ್ತಿಗೆಗೆ ಪಡೆದ ಕಟ್ಟಡದ ಯಾವುದೇ ಭಾಗವನ್ನು ಬಾಡಿಗೆಗೆ ನೀಡುವಂತಿಲ್ಲ.  (ಸಾಂದರ್ಭಿಕ ಚಿತ್ರ)

ಅಷ್ಟೇ ಅಲ್ಲ, ಪ್ರತಿ ಮೂರು ವರ್ಷಗಳ ನಂತರ ಆ್ಯಪಲ್ ಬಾಡಿಗೆಯನ್ನು ಶೇಕಡಾ 15 ರಷ್ಟು ಹೆಚ್ಚು ಪಾವತಿ ಮಾಡಬೇಕಿದೆ.  (ಸಾಂದರ್ಭಿಕ ಚಿತ್ರ)

ಒಟ್ಟಾರೆ ಬೆಂಗಳೂರಿನಲ್ಲಿ ಹೆಚ್ಚುತ್ತಿರುವ ಮನೆ ಬಾಡಿಗೆಯ ನಡುವೆ ಆ್ಯಪಲ್ ನೀಡುತ್ತಿರುವ ಬಾಡಿಗೆ ವೈರಲ್ ಆಗ್ತಿದೆ.  (ಸಾಂದರ್ಭಿಕ ಚಿತ್ರ)