Ayushmati Clinic: ಬೆಂಗಳೂರಲ್ಲಿ ಮಹಿಳೆಯರಿಗೆಂದೇ 50 ವಿಶೇಷ ಕ್ಲಿನಿಕ್​ಗಳ ಆರಂಭ

ಬೆಂಗಳೂರಿನಲ್ಲಿ ವಾಸವಿರುವ ಮಹಿಳೆಯರಿಗೆ ಮಹತ್ವದ ಸುದ್ದಿಯೊಂದು ಹೊರಬಿದ್ದಿದೆ. ಬಿಬಿಎಂಪಿ ವ್ಯಾಪ್ತಿಯಲ್ಲಿ ಮಹಿಳೆಯರಿಗೆ ಎಂದೇ ವಿಶೇಷ ಕ್ಲಿನಿಕ್​ಗಳನ್ನು ಆರಂಭಿಸಲಾಗಿದೆ. (ಸಾಂದರ್ಭಿಕ ಚಿತ್ರ)

ಬೆಂಗಳೂರಿನ 8 ವಲಯಗಳಲ್ಲಿ ಬರೋಬ್ಬರಿ 50 ಆಯುಷ್ಮತಿ ಕ್ಲಿನಿಕ್​ಗಳನ್ನು ಬಿಬಿಎಂಪಿ ಆರಂಭಿಸಿದೆ. ಈ ಆಸ್ಪತ್ರೆ ಅಥವಾ ಕ್ಲಿನಿಕ್​ಗಳನ್ನು ಕೇವಲ ಮಹಿಳೆಯರಿಗೆ ಎಂದೇ ಮೀಸಲಿರಿಸಲಾಗಿದೆ. (ಸಾಂದರ್ಭಿಕ ಚಿತ್ರ)

ಈ ಆಯುಷ್ಮತಿ ಕ್ಲಿನಿಕ್​ಗಳು ಎಂದರೆ ಹೊಸ ಆಸ್ಪತ್ರೆಗಳೇನೂ ಅಲ್ಲ, ಬದಲಿಗೆ ಈಗಾಗಲೇ ಅಸ್ತಿತ್ವದಲ್ಲಿರುವ ಪ್ರಾಥಮಿಕ ಆರೋಗ್ಯ ಕೇಂದ್ರಗಳಿಗೆ ಗುಲಾಬಿ ಬಣ್ಣದಿಂದ ಅಲಂಕರಿಸಿ ಹೊಸದಾಗಿ ರೂಪಿಸಲಾಗಿದೆ. (ಸಾಂದರ್ಭಿಕ ಚಿತ್ರ)

ಇಡೀ ವಾರದಲ್ಲಿ ಭಾನುವಾರವೊಂದನ್ನು ಬಿಟ್ಟು ಮಿಕ್ಕ ಎಲ್ಲ ವಾರಗಳಲ್ಲೂ ಈ ವಿಶೇಷ ಕ್ಲಿನಿಕ್​ಗಳು ಸೇವೆ ಒದಗಿಸಲಿವೆ. (ಸಾಂದರ್ಭಿಕ ಚಿತ್ರ)

ಈ ಪ್ರಾಥಮಿಕ ಆರೋಗ್ಯ ಕೇಂದ್ರಗಳಲ್ಲಿ (PHC) ವಾರದಲ್ಲಿ ಒಂದು ದಿನದಲ್ಲಿ ಸಾಮಾನ್ಯ ವೈದ್ಯ, ಮೂಳೆ ವೈದ್ಯರು, ಶಸ್ತ್ರಚಿಕಿತ್ಸಕ, ಶಿಶುವೈದ್ಯರು, ಸ್ತ್ರೀರೋಗತಜ್ಞರು ಅಥವಾ ಇಎನ್​ಟಿ ತಜ್ಞರು/ನೇತ್ರ ತಜ್ಞರು ಅಥವಾ ಚರ್ಮ ತಜ್ಞರು ಲಭ್ಯವಿರುತ್ತಾರೆ. (ಸಾಂದರ್ಭಿಕ ಚಿತ್ರ)

ಈ ಕ್ಲಿನಿಕ್​ಗಳ ವಿಶೇಷತೆ ಏನಂದ್ರೆ, ಇವು ಮಹಿಳಾ ರೋಗಿಗಳಿಗೆ ಗೌಪ್ಯತೆಯನ್ನು ಒದಗಿಸುತ್ತವೆ. ಜೊತೆಗೆ ಮಕ್ಕಳಿಂದ ಹಿರಿಯರಿಗೆ, ಜೊತೆಗೆ ವಿವಿಧ ವಯೋಮಾನದವರಿಗೆ ಎಲ್ಲಾ ಸೇವೆಗಳು ಆಯುಷ್ಮತಿ ಕ್ಲಿನಿಕ್​ಗಳಲ್ಲಿ ಸಿಗುತ್ತವೆ ಎಂದು ಬಿಬಿಎಂಪಿಯ ಮುಖ್ಯ ಆರೋಗ್ಯ ಅಧಿಕಾರಿ ಡಾ ಬಾಲಸುಂದರ್ ತಿಳಿಸಿದ್ದಾರೆ. (ಸಾಂದರ್ಭಿಕ ಚಿತ್ರ)

ಬೆಂಗಳೂರಿನಲ್ಲಿ ಬಿಬಿಎಂಪಿ ಮಹಿಳೆಯರ ಆರೋಗ್ಯ ರಕ್ಷಣೆಗೆ ಎಂದು ಆರಂಭಿಸಿದ 50 ಆಯುಷ್ಮತಿ ಕೇಂದ್ರಗಳ ಪ್ರಯೋಜನ ಪಡೆಯುವಂತೆ ಮನವಿ ಮಾಡಲಾಗಿದೆ. (ಸಾಂದರ್ಭಿಕ ಚಿತ್ರ)