ಬೆಂಗಳೂರಿನಲ್ಲಿ ತಲೆ ಎತ್ತಲಿದೆ ಮತ್ತೊಂದು Flyover: ಇಲ್ಲಿಂದ ಇಲ್ಲಿಯವರೆಗೆ ಟ್ರಾಫಿಕ್ ಕಿರಿಕಿರಿ ಇರಲ್ಲ

ನಗರದಲ್ಲಿಯ ಟ್ರಾಫಿಕ್ ನಿಯಂತ್ರಣಕ್ಕಾಗಿ ಬಿಬಿಎಂಪಿ ಹಲವು ಮಾರ್ಗಗಳನ್ನು ಕಂಡುಕೊಂಡಿದೆ. ಪೊಲೀಸರು ಸಹ ಹೆಚ್ಚು ವಾಹನ ದಟ್ಟಣೆ ಉಂಟಾಗುವ ಸ್ಥಳಗಳಲ್ಲಿ 24*7 ಅಂತೆ ಸಿಬ್ಬಂದಿಯನ್ನ ನೇಮಿಸಿರುತ್ತಾರೆ.

ಅದಾಗಿಯೂ ಬೆಂಗಳೂರು ಟ್ರಾಫಿಕ್ ಮಾತ್ರ ಕಡಿಮೆ ಆಗುತ್ತಿಲ್ಲ. ದಿನದಿಂದ ದಿನಕ್ಕೆ ನಗರದ ಜನಸಂಖ್ಯೆಯ ಏರಿಕೆ ಜೊತೆ ವಾಹನಗಳ ಸಂಖ್ಯೆ ಗಣನೀಯವಾಗಿ ಹೆಚ್ಚಳವಾಗುತ್ತಿದೆ.

ಇದೀಗ ಟ್ರಾಫಿಕ್ ಮತ್ತು ಅಪಘಾತ ನಿಯಂತ್ರಣಕ್ಕಾಗಿ ಬೆಂಗಳೂರಿನಲ್ಲಿ ಮತ್ತೊಂದು ಮೇಲ್ಸೇತುವೆ ತಲೆ ಎತ್ತಲಿರುವ ವಿಚಾರ ನ್ಯೂಸ್ 18 ಕನ್ನಡಕ್ಕೆ ಲಭ್ಯವಾಗಿದೆ. ಈ ಮೇಲ್ಸೇತುವೆ ನಿರ್ಮಾಣವಾದ್ರೆ ವಾಹನ ಸವಾರರಿಗೆ ಏಳು ಸಿಗ್ನಲ್ ಗಳಿಂದ ಮುಕ್ತಿ ಸಿಗಲಿದೆ.

ಜೆ.ಸಿ ರಸ್ತೆಯಿಂದ ಕಾರ್ಪೋರೇಷನ್ ಸರ್ಕಲ್ ವರೆಗೂ ಹೊಸ ಮೇಲ್ಸೇತುವೆ ನಿರ್ಮಾಣಕ್ಕೆ ಚಿಂತನೆ ನಡೆದಿದೆ. ಈ ಸಂಬಂಧ ಬಿಬಿಎಂಪಿ ಬಜೆಟ್ ನಲ್ಲಿ ಘೋಷಣೆ ಅಗುವ ಸಾದ್ಯತೆಗಳಿವೆ ಎಂದು ತಿಳಿದು ಬಂದಿದೆ.

ಈಗಾಗಲೇ ಬೃಹತ್ ಬೆಂಗಳೂರು ಮಹಾನಗರ ಪಾಲಿಕೆ ಹೊಸ ಮೇಲ್ಸೇತುವೆ ಬಗ್ಗೆ ಸರ್ಕಾರಕ್ಕೆ ಪ್ರಸ್ತಾವನೆ ಸಲ್ಲಿಸಲಾಗಿದೆ. ಇದಕ್ಕಾಗಿ 200 ಕೋಟಿ ಮೀಸಲಿಡಲು ಪಾಲಿಕೆ ಚಿಂತನೆ ನಡೆದಿದೆ.

ಜೆ.ಸಿ ರಸ್ತೆಯಲ್ಲಿ ಪ್ರತಿನಿತ್ಯ ಲಕ್ಷಾಂತರ ವಾಹನಗಳ ಸಂಚಾರ ನಡೆಸುತ್ತವೆ. ಹಾಗಾಗಿ ಯಾವಾಗಲೂ ಜೆಸಿ ರಸ್ತೆ ಟ್ರಾಫಿಕ್ ಜಾಮ್ ನಿಂದ ಕೂಡಿರುತ್ತದೆ.  ಸಾರ್ವಜನಿಕರು ಸಹ ಹಲವು ಬಾರಿ ಬಿಬಿಎಂಪಿ ಗೆ ಫ್ಲೈ ಓವರ್ ನಿರ್ಮಾಣಕ್ಕೆ ಸಲಹೆ ನೀಡಿದ್ದರು.

ಜೆ.ಸಿ ರಸ್ತೆಯಿಂದ ಕಾರ್ಪೋರೇಷನ್ ಸರ್ಕಲ್ ವರೆಗೆ ಸುಮಾರು ಏಳು ಸಿಗ್ನಲ್ ಗಳನ್ನು ಅವೈಡ್ ಮಾಡುವ ಫ್ಲೈ ಓವರ್ ಇದಾಗಿರಲಿದೆ.

ಮಿನರ್ವ ಸರ್ಕಲ್, ರವೀಂದ್ರ ಕಲಾಕ್ಷೇತ್ರ, ಟೌನ್ ಹಾಲ್ ಎಲ್ ಐ ಸಿ ಕಛೇರಿ, ಹಲಸೂರು ಗೇಟ್ ಪೊಲೀಸ್ ಠಾಣೆ, ಹಡ್ಸನ್ ಸರ್ಕಲ್ ಕಾರ್ಪೋರೇಷನ್ ಸರ್ಕಲ್ ಸೇರಿದಂತೆ 7 ಜಂಕ್ಷನ್ ತಪ್ಪಿಸಲು ಫ್ಲೈ ಓವರ್ ನಿರ್ಮಾಣಕ್ಕೆ‌ ಚಿಂತನೆಗಳು ನಡೆದಿರುವ ಮಾಹಿತಿ ನ್ಯೂಸ್ 18 ಕನ್ನಡಕ್ಕೆ ಬಿಬಿಎಂಪಿ ಫೈನಾನ್ಸ್ ವಿಭಾಗದ ಮೂಲಗಳಿಂದ ಮಾಹಿತಿ ಲಭ್ಯವಾಗಿದೆ.