Bengaluru: ಬೆಂಗಳೂರಿನ ಫೇಮಸ್ ಹೋಟೆಲ್​ಗಳಿಗೆ ಬೀಗ, ಈ ವಿಚಾರದ ಬಗ್ಗೆ ಇರಲಿ ಗಮನ!

ಬೆಂಗಳೂರಿನ ಇಂದಿರಾನಗರದ 12ನೇ ಮುಖ್ಯರಸ್ತೆಯಲ್ಲಿರುವ ಖ್ಯಾತ ಕೆಫೆಯೊಂದು BBMP ಮುಚ್ಚಿದೆ. ರಾಮೇಶ್ವರಂ ಕೆಫೆ ರೆಸ್ಟೋರೆಂಟ್ ಕುರಿತು ಸ್ಥಳೀಯರಿಂದ ಖಾಯಂ ಆಗಿ ದೂರುಗಳನ್ನು ಸ್ವೀಕರಿಸಿದ ನಂತರ ಬೃಹತ್ ಬೆಂಗಳೂರು ಮಹಾನಗರ ಪಾಲಿಕೆ (BBMP) ತಾತ್ಕಾಲಿಕವಾಗಿ ಮುಚ್ಚಿದೆ. (ಸಾಂದರ್ಭಿಕ ಚಿತ್ರ)

ಈ ಕೆಫೆ ಬಿಬಿಎಂಪಿ ನಿಯಮವನ್ನು ಮೀರಿ ಏಕ ಬಳಕೆಯ ಪ್ಲಾಸ್ಟಿಕ್‌ಗಳನ್ನು ಬಳಕೆ ಮಾಡುತ್ತಿತ್ತು. ಅಲ್ಲದೇ ಸ್ಥಳೀಯ ನಿವಾಸಿಗಳು ಪದೇ ಪದೇ ಕೆಫೆ ವಿರುದ್ಧ ದೂರು ನೀಡುತ್ತಿದ್ದರು. ಹೀಗಾಗಿ ತಾತ್ಕಾಲಿಕವಾಗಿ ಕೆಫೆಯನ್ನು ಮುಚ್ಚಲಾಗಿದೆ.  (ಸಾಂದರ್ಭಿಕ ಚಿತ್ರ)

ರೆಸ್ಟೋರೆಂಟ್ ಇರುವ ಸ್ಥಳದಲ್ಲಿ ಅತೀ ಹೆಚ್ಚು ಗದ್ದಲ ಉಂಟಾಗುತ್ತಿದೆ. ಅಲ್ಲದೇ ಕೆಫೆಗೆ ಆಗಮಿಸುವ ಗ್ರಾಹಕರು ಸರಿಯಾಗಿ ಪಾರ್ಕ್ ಮಾಡುತ್ತಿಲ್ಲ. ಬಳಸಿದ ಪ್ಲೇಟ್‌ಗಳನ್ನು ಬೀದಿಗಳಲ್ಲಿ, ಫುಟ್‌ಪಾತ್‌ನಲ್ಲಿ, ರಸ್ತೆಯಲ್ಲಿ ಎಸೆಯುತ್ತಾರೆ. ಫುಟ್‌ಪಾತ್‌ನಲ್ಲಿ ಕುಳಿತುಕೊಳ್ಳಲು ಸ್ಥಳಾವಕಾಶವಿಲ್ಲದ ಕಾರಣ ಗ್ರಾಹಕರು ಫುಟ್‌ಪಾತ್‌ನಲ್ಲಿ ನಿಂತು ತಿನ್ನುವುದರಿಂದ ಫುಟ್‌ಪಾತ್ ಬಳಕೆ ಮಾಡಲಾಗುತ್ತಿಲ್ಲ ಎಂದು ಪಾದಚಾರಿಗಳು ನೀಡಿದ್ದರು. (ಸಾಂದರ್ಭಿಕ ಚಿತ್ರ)

ಇಂದಿರಾನಗರದ ನಿವಾಸಿಗಳು ಪದೇ ಪದೇ ದೂರು ನೀಡಿದ ಹಿನ್ನೆಲೆಯಲ್ಲಿ ಬಿಬಿಎಂಪಿ ಕೆಫೆ ಮುಚ್ಚುವ ಸೂಚನೆ ನೀಡಿದೆ. ಎಲ್ಲಾ ದೂರುಗಳ ಪೈಕಿ, ಬೆಂಗಳೂರು ನಾಗರಿಕ ಮಂಡಳಿಯು ನಿಷೇಧಿತ ಏಕ-ಬಳಕೆಯ ಪ್ಲಾಸ್ಟಿಕ್ ಅನ್ನು ಬಳಸಿದ್ದಕ್ಕಾಗಿ ತಾತ್ಕಾಲಿಕವಾಗಿ ಉಪಾಹಾರ ಗೃಹವನ್ನು ಮುಚ್ಚಿದೆ. (ಸಾಂದರ್ಭಿಕ ಚಿತ್ರ)

ಅಲ್ಲದೇ ಕೆಫೆಗೆ ಬಿಬಿಎಂಪಿ ಅಧಿಕಾರಿಗಳು ಹಲವಾರು ಬಾರಿ ದಂಡ ವಿಧಿಸಿದರೂ ಸಹ ಸಮಸ್ಯೆಗಳನ್ನು ಪರಿಹರಿಸುವತ್ತ ಯಾವುದೇ ಕ್ರಮ ಕೈಗೊಂಡಿರಲಿಲ್ಲ ಎಂದು ಸ್ಥಳೀಯರು ಆರೋಪಿಸಿದ್ದರು. (ಸಾಂದರ್ಭಿಕ ಚಿತ್ರ)

ಈ ಮೂಲಕ ಸ್ವಚ್ಛತೆ ಕಾಪಾಡಿಕೊಳ್ಳದ, ಏಕ ಬಳಕೆಯ ಪ್ಲಾಸ್ಟಿಕ್ ಉಪಯೋಗಿಸುವ ಹೋಟೆಲ್, ಕೆಫೆಗಳಿಗೆ ಸ್ಥಳೀಯರು ನಡುಕ ಹುಟ್ಟಿಸಿದ್ದಾರೆ.  ಆದರೆ ಕೆಲವೇ ದಿನಗಳಲ್ಲಿ ಈಹೋಟೆಲ್​ ಮತ್ತೆ ಆರಂಭವಾಗಲಿದೆ ಎಂದು ಹೇಳಲಾಗಿದೆ. (ಸಾಂದರ್ಭಿಕ ಚಿತ್ರ)

ಒಟ್ಟಾರೆ ಸ್ಥಳೀಯರು ಒಟ್ಟಾಗಿ ಮನಸು ಮಾಡಿದರೆ ಶುಚಿತ್ವ ಕಾಪಾಡದ ಹೋಟೆಲ್​ಗಳನ್ನು ಸರಿ ದಾರಿಗೆ ತರಬಹುದು ಎಂಬುದನ್ನು ಇಂದಿರಾನಗರದ ನಿವಾಸಿಗಳು ತೋರಿಸಿದ್ದಾರೆ ಎಂದೇ ಹೇಳಲಾಗುತ್ತಿದೆ. (ಸಾಂದರ್ಭಿಕ ಚಿತ್ರ)