Bangalore University: 70ಕ್ಕೆ 73 ಅಂಕ ನೀಡಿದ ವಿಶ್ವವಿದ್ಯಾಲಯಗಳು: ವಿದ್ಯಾರ್ಥಿಗಳು ತಬ್ಬಿಬ್ಬು

ಕೆಲವೊಮ್ಮೆ ಸಾಧಾರಣ ವಿದ್ಯಾರ್ಥಿಗಳಿಗೆ ಪಾಸ್ ಆದ್ರೆ ಸಾಕು ಆಂತಿರುತ್ತಾರೆ. ಕನಿಷ್ಠ ಅಂಕ ಪಡೆಯಲು ಕೆಲ ವಿದ್ಯಾರ್ಥಿಗಳು ಪರದಾಡುತ್ತಿರುತ್ತಾರೆ. ಆದ್ರೆ ಬೆಂಗಳೂರು ವಿವಿ ಗರಿಷ್ಠಕ್ಕಿಂತ ಮೂರು ಅಂಕಗಳನ್ನು ನೀಡಿದೆ.

ಬಿಕಾಂ ಮೂರನೇ ಸಮಿಸ್ಟರ್ ವಿದ್ಯಾರ್ಥಿಗಳಿಗೆ ವಿವಿ ಬೇಕಾಬಿಟ್ಟಿಯಾಗಿ ಅಂಕ ನೀಡಿದೆ. ಬೆಂಗಳೂರು ವಿವಿ ನಿಯಮಗಳ ಪ್ರಕಾರ, ವಿದ್ಯಾರ್ಥಿಗಳು 70 ಅಂಕಕ್ಕೆ ಪರೀಕ್ಷೆ ಬರೆಯಬೇಕು. ಇನ್ನುಳಿದ 30 ಅಂಕಗಳು ಇಂಟರ್ನಲ್ ಆಗಿರುತ್ತದೆ.

2021 ಡಿಸೆಂಬರ್  ನಲ್ಲಿ ಟ್ರಾವೆಲ್ ಏಜೆನ್ಸಿ ಆ್ಯಂಡ್ ಟೂರ್ ಆಪರೇಟರ್ ವಿಷಯಕ್ಕೆ ಪರೀಕ್ಷೆ ಬರೆದ ವಿದ್ಯಾರ್ಥಿಗಳು 70ಕ್ಕೆ 73 ಅಂಕ ಪಡೆದುಕೊಂಡಿದ್ದಾರೆ. ಥಿಯರಿಯಲ್ಲಿ ಪಡೆದ ಅಂಕಗಳನ್ನು ಕಂಡು ವಿದ್ಯಾರ್ಥಿಗಳು ಶಾಕ್ ಆಗಿದ್ದಾರೆ.

ಇದು ಕೇವಲ ಒಂದು ಕಾಲೇಜಿನಲ್ಲಿ ನಡೆದಿಲ್ಲ. ಬದಲಾಗಿ ಬೆಂಗಳೂರು ವಿಶ್ವವಿದ್ಯಾಲಯದ ಅಧೀನಕ್ಕೆ ಒಳಪಡುವ ಕಾಲೇಜುಗಳಲ್ಲಿ ಈ ಎಡವಟ್ಟು ನಡೆದಿದೆ.

ಸದ್ಯ ಈ ಅಂಕಗಳನ್ನು ಕಂಡ ವಿದ್ಯಾರ್ಥಿಗಳು ಕಾಲೇಜು ಗಮನಕ್ಕೆ ತಂದಿದ್ದಾರೆ. ಈ ಎಡವಟ್ಟನ್ನು ಬೆಂಗಳೂರ ವಿವಿ  ಹೇಗೆ ಸರಿಪಡಿಸುತ್ತೆ ಅನ್ನೋದನ್ನು ಕಾದು ನೋಡಬೇಕಿದೆ.