Bengaluru: ರಾಜ್ಯ ರಾಜಧಾನಿಯಲ್ಲಿ ಎಷ್ಟೇ ಹಣ ಕೊಟ್ರೂ ಸಿಗಲ್ಲ ದಿನಬಳಕೆಯ ಈ ವಸ್ತು!

ಬೆಂಗಳೂರು ನಾಗರಿಕರೇ ಗಮನಿಸಿ, ಬಿಸಿಲಿನ ಝಳಕ್ಕೆ ಸುಸ್ತಾದ ರಾಜ್ಯ ರಾಜಧಾನಿಯ ಮಂದಿಗೆ ಇನ್ನೊಂದು ಸಮಸ್ಯೆ ಎದುರಾಗುವ ಸಾಧ್ಯತೆ ದಟ್ಟವಾಗಿದೆ. (ಸಾಂದರ್ಭಿಕ ಚಿತ್ರ)

ಬೆಂಗಳೂರು ಸೇರಿದಂತೆ ಸುತ್ತಮುತ್ತಲಿನ ಪ್ರದೇಶಗಳಲ್ಲಿ ಇಂದಿನಿಂದಲೇ (ಫೆಬ್ರವರಿ 7) ಹಾಲು ಖರೀದಿಸುವುದು ಕಷ್ಟವಾಗಲಿದೆ. ನೀವು ಹಣ ಕೊಟ್ಟರೂ ಹಾಲು ಸಿಗದ ಪರಿಸ್ಥಿತಿಯೂ ಎದುರಾಗುವ ಸಾಧ್ಯತೆಯಿದೆ. (ಸಾಂದರ್ಭಿಕ ಚಿತ್ರ)

ಈ ಬೇಸಿಗೆಯ ದಿನಗಳಲ್ಲಿ ಹಾಲಿನ ಉತ್ಪಾದನೆಯು ದಿನಕ್ಕೆ 14-15 ಲಕ್ಷ ಲೀಟರ್​ನಿಂದ 12-13 ಲಕ್ಷ ಲೀಟರ್​ಗೆ ಕುಸಿಯಲಿದೆ ಎಂದು ಬಮೂಲ್ ಮಾಹಿತಿ ನೀಡಿದೆ. ಇದರಿಂದ ಬೆಂಗಳೂರಿಗೆ ಹಾಲು ಪೂರೈಕೆ ಕಡಿಮೆಯಾಗುವ ಸಾಧ್ಯತೆಯಿದೆ. (ಸಾಂದರ್ಭಿಕ ಚಿತ್ರ)

ಅಷ್ಟೇ ಅಲ್ಲ, ಬೆಂಗಳೂರು ಮಿಲ್ಕ್ ಯೂನಿಯನ್ ಲಿಮಿಟೆಡ್​ನಲ್ಲೂ ಸಮಸ್ಯೆಯೊಂದು ಎದುರಾಗಿದೆ. ಈ ಕೇಂದ್ರದಲ್ಲಿ ಉಂಟಾಗಿರುವ ತಾಂತ್ರಿಕ ಸಮಸ್ಯೆಯಿಂದ ಹಾಲು ಸರಬರಾಜಿನಲ್ಲಿ ವ್ಯತ್ಯಯ ಉಂಟಾಗಲಿದೆ. (ಸಾಂದರ್ಭಿಕ ಚಿತ್ರ)

ಅಷ್ಟೇ ಅಲ್ಲ, ಬೆಂಗಳೂರು ನಿವಾಸಿಗಳು ಇನ್ನೊಂದು ಸಮಸ್ಯೆಯನ್ನು ಎದುರಿಸುತ್ತಿದ್ದಾರೆ. ರಾಜ್ಯ ರಾಜಧಾನಿಗೆ ಪೂರೈಕೆಯಾದ ನಂದಿನಿ ಹಾಲಿನ ಬ್ಲೂ ಪ್ಯಾಕೆಟ್​ನ ಹಾಲು ಬಹುತೇಕ ಕೆಟ್ಟಿದೆ ಎಂದು ಸಾರ್ವಜನಿಕರು ದೂರು ನೀಡುತ್ತಿದ್ದಾರೆ. (ಸಾಂದರ್ಭಿಕ ಚಿತ್ರ)

ಆದರೆ ಹಾಲು ಕೆಟ್ಟಿದೆ ಎಂದು ಸಹಾಯವಾಣಿಗೆ ಕರೆ ಮಾಡಿ ದೂರು ನೀಡಿದ ಸಾರ್ವಜನಿಕರಿಗೆ ಕೆಎಂಎಫ್ ಬಿಸಿಲಿನ ಕಾರಣ ನೀಡಿ ಜವಾಬ್ದಾರಿಯಿಂದ ಕಳಚಿಕೊಳ್ಳುತ್ತಿದೆ ಎಂದು ವರದಿಯಾಗಿದೆ. (ಸಾಂದರ್ಭಿಕ ಚಿತ್ರ)

ಒಟ್ಟಾರೆ ಬೆಂಗಳೂರಿನ ನಾಗರಿಕರಿಗೆ ಈ ಬೇಸಿಗೆಯಲ್ಲಿ ಹಾಲಿನ ಸಮಸ್ಯೆ ತಲೆದೋರುತ್ತಿದೆ. ಸದ್ಯ ಹಾಲು ಹಾಳಾಗುತ್ತಿರುವುದು ಒಂದಾದರೆ, ಹಾಲೇ ಸಿಗದ ಪರಿಸ್ಥಿತಿಯೂ ಬರುವ ಸಾಧ್ಯತೆ ಸಹ ದಟ್ಟವಾಗುತ್ತಿದೆ. (ಸಾಂದರ್ಭಿಕ ಚಿತ್ರ)