Appemidi In Bengaluru: ಇಲ್ಲೇ ಸಿಗುತ್ತೆ ಅಪ್ಪೆಮಿಡಿ, ಬೆಂಗಳೂರಿನಲ್ಲೊಂದು ಸುವರ್ಣಾವಕಾಶ!

ರುಚಿ ರುಚಿ ಉಪ್ಪಿನಕಾಯಿ ಅಂದ್ರೆ ಯಾರಿಗೆ ತಾನೇ ಇಷ್ಟ ಇಲ್ಲ ಹೇಳಿ!? ಅದ್ರಲ್ಲೂ ಈ ಮಾವಿನಕಾಯಿ ಸೀಸನ್​ನಲ್ಲಿ ಹೊಸ ಮಾವಿನಕಾಯಿಯ ಉಪ್ಪಿನಕಾಯಿ ಸವಿಯೋ ಖುಷಿಯೇ ಬೇರೆ. (ಸಾಂದರ್ಭಿಕ ಚಿತ್ರ)

ಬೆಂಗಳೂರಿನ ನಾಗರಿಕರೇ, ನಿಮಗೊಂದು ಸಖತ್ ಸುದ್ದಿ ಇಲ್ಲಿದೆ. ಮಲೆನಾಡಿನ ಅದ್ಭುತ ರುಚಿಯ ಅಪ್ಪೆಮಿಡಿಯನ್ನು ನೀವು ಬೆಂಗಳೂರಿನಲ್ಲೇ ಖರೀದಿಸಲು ಇಲ್ಲೊಂದು ಅವಕಾಶವಿದೆ.  (ಸಾಂದರ್ಭಿಕ ಚಿತ್ರ)

ಹೆಸರಘಟ್ಟದ ಭಾರತೀಯ ತೋಟಗಾರಿಕಾ ಸಂಶೋಧನಾ ಸಂಸ್ಥೆ (ICAR-IIHR) ಮೊದಲ ಬಾರಿಗೆ ವಿಶೇಷವಾದ ಅಪ್ಪೆಮಿಡಿ ಮಾವು ಮೇಳವನ್ನು ಆಯೋಜಿಸಿದೆ. 100 ತಳಿಗಳ ಮಾವಿನ ಕಾಯಿ ಮತ್ತು ಹಣ್ಣುಗಳನ್ನು ಪ್ರದರ್ಶಿಸಲಾಗುತ್ತಿದೆ.  (ಸಾಂದರ್ಭಿಕ ಚಿತ್ರ)

ಅಪ್ಪೆಮಿಡಿ ಕರ್ನಾಟಕದ ಸಾಂಪ್ರದಾಯಿಕ ಉಪ್ಪಿನಕಾಯಿ ತಳಿಯಾಗಿದೆ. ರಾಜ್ಯದ ಮಲೆನಾಡು ಪ್ರದೇಶದಲ್ಲಿ ವಿಶೇಷವಾಗಿ ಮಲೆನಾಡಿನ ಯಲ್ಲಾಪುರ, ಶಿರಸಿ, ಸಾಗರ, ಸಿದ್ದಾಪುರ, ತೀರ್ಥಹಳ್ಳಿ, ಕುಮಟಾ, ಸಕಲೇಶಪುರ, ಕೊಡಗು ಮತ್ತು ಚಿಕ್ಕಮಗಳೂರುಗಳಲ್ಲಿ ಬೆಳೆಯಲಾಗುತ್ತದೆ.  (ಸಾಂದರ್ಭಿಕ ಚಿತ್ರ)

ಏಪ್ರಿಲ್ 12 ಮತ್ತು 13 ರಂದು ಹೆಸರಘಟ್ಟದ ಐಐಎಚ್ಆರ್ ಕ್ಯಾಂಪಸ್ನಲ್ಲಿ ಈ ಅಪ್ಪೆಮಿಡಿ ಮೇಳ ನಡೆಯಲಿದೆ. ಈ ಮೂಲಕ ಅಪ್ಪೆಮಿಡಿಯ ಉಪ್ಪಿನಕಾಯಿ ಸವಿಯಲು ಹೀಗೊಂದು ಸುವರ್ಣಾವಕಾಶ ದೊರೆತಿದೆ.  (ಸಾಂದರ್ಭಿಕ ಚಿತ್ರ)

ಮಲೆನಾಡಿನ ಶಿರಸಿ, ಸಿದ್ದಾಪುರ, ಯಲ್ಲಾಪುರ ಭಾಗದ ಅಪ್ಪೆಮಿಡಿಗಳನ್ನು ಈ ಮೇಳದಲ್ಲಿ ಮಾರಾಟ ಮಾಡುತ್ತದೆ. ಅಲ್ಲದೇ, ಅಪ್ಪೆಮಿಡಿ ಸೇರಿ ಹಲವು ಮಾವಿನ ತಳಿಗಳ ಸಸ್ಯಗಳನ್ನು ಸಹ ಈ ಮೇಳದಲ್ಲಿ ವಿತರಣೆ ಮಾಡಲಾಗುತ್ತದೆ.  (ಸಾಂದರ್ಭಿಕ ಚಿತ್ರ)

ಒಟ್ಟಾರೆ ಈ ಸೀಸನ್​ಲ್ಲಿ ಫ್ರೆಶ್ ಮಾವಿನಕಾಯಿಯ ಉಪ್ಪಿನಕಾಯಿ ಸವಿಯಲು ಬೆಂಗಳೂರಿನ ನಾಗರಿಕರಿಗೆ ಒಳ್ಳೆಯ ಅವಕಾಶ ದೊರೆತಿರುವುದಂತೂ ಸತ್ಯ.  (ಸಾಂದರ್ಭಿಕ ಚಿತ್ರ)