BDA Broker ಮನೆಗಳ ಮೇಲೆ ACB Raid: ಒಬ್ಬರಿಗಿಂತ ಒಬ್ಬರು ರಿಚ್; ಐಷಾರಮಿ ಮನೆಗಳ ಫೋಟೋ ನೋಡಿ

ದಾಳಿಗೊಳಗಾದ ಬಿಡಿಎ ಬ್ರೋಕರ್ ಗಳು : 1.ರಘು ಬಿ ಎನ್ , ಚಾಮರಾಜಪೇಟೆ, 2.ಮೋಹನ್, ಮನೋರಾಯನ ಪಾಳ್ಯ, ಆರ್ ಟಿ ನಗರ, 3.ಮನೋಜ್, ದೊಮ್ಮಲೂರು, 4.ಮುನಿರತ್ನ@ರತ್ನವೇಲು, ಕೆಂಗುಟೆ, ಮಲ್ಲತ್ ಹಳ್ಳಿ, 5. ತೇಜು@ತೇಜಸ್ವಿ, ಆರ್ ಆರ್ ನಗರ, 6.ಅಶ್ವಥ್ @ಮುದ್ದಿನಪಾಳ್ಯ ಅಶ್ವಥ್, ಕೆಜಿ ಸರ್ಕಲ್ , ಮುದ್ದಿನಪಾಳ್ಯ, 7.ರಾಮ, ಚಾಮುಂಡೇಶ್ವರಿನಗರ, ಬಿಡಿಎ ಲೇಔಟ್ 8. ಚಿಕ್ಕ ಹನುಮಯ್ಯ, ಮುದ್ದಿನಪಾಳ್ಯ ಮತ್ತು 9. ಲಕ್ಷ್ಮಣ್ - ಆಶ್ರಮ, ಚಾಮುಂಡಿ ನಗರ,‌ ಬಿಡಿಎ ಲೇ ಔಟ್.

ಮಲ್ಲತ್ ಹಳ್ಳಿಯಲ್ಲಿರುವ ಬ್ರೋಕರ್ ಮನೆ ಸ್ವರ್ಗದಂತಿದೆ. ಮನೆಯಲ್ಲಿಯೇ ಸ್ವಿಮಿಂಗ್ ಫೂಲ್, ಜಿಮ್ ಸೇರಿದಂತೆ ಐಷಾರಾಮಿ  ವಸ್ತುಗಳಿಂದ ಇಡೀ ನಿವಾಸ ಅಲಂಕೃತಗೊಂಡಿದೆ.

ಮೂರು ತಿಂಗಳ ಹಿಂದೆ ಬಿಡಿಎ ಕೇಂದ್ರ ಕಚೇರಿ ಮೇಲೆ ಎಸಿಬಿ ದಾಳಿ ಆಗಿತ್ತು. ಈ ವೇಳೆ ನೂರಾರು ಕೋಟಿ ಭ್ರಷ್ಟಾಚಾರ ಆಗಿರೋ ದಾಖಲೆ ಪತ್ತೆಯಾಗಿತ್ತು. ಕಾರ್ನರ್ ಸೈಟ್ ಮಾರಾಟ, ಬಿಡಿಎ ಸೈಟ್ ಒತ್ತುವರಿ ಆಗಿರೋದು ಪತ್ತೆಯಾಗಿತ್ತು. ಬ್ರೋಕರ್ ಗಳ ಮೂಲಕ ಭ್ರಷ್ಟಾಚಾರ ಆಗಿರೋದು ತನಿಖೆ ವೇಳೆ ಬೆಳೆಕಿಗೆ ಬಂದಿತ್ತು.

ಈ ವೇಳೆ ಸುಮಾರು 150ಕ್ಕೂ ಹೆಚ್ಚು ಬ್ರೋಕರ್ ಗಳ ಪಟ್ಟಿಯನ್ನು ಎಸಿಬಿ ಮಾಡಿಕೊಂಡಿತ್ತು. ಕೆಲ ಬ್ರೋಕರ್ ಗಳ ಮನೆಗಳ ಈಗಾಗಲೇ ದಾಳಿಯಾಗಿದೆ. ಸುಮಾರು 200ಕ್ಕೂ ಹೆಚ್ಚು ಬ್ರೋಕರ್ ಗಳು ಅವರ ಜೊತೆ ಸಂಪರ್ಕದಲ್ಲಿ ಇರೋರ ವಿಚಾರಣೆ ನಡೆದಿತ್ತು.

ವಿಚಾರಣೆ ವೇಳೆ ಮತ್ತಷ್ಟು ದೊಡ್ದ ದೊಡ್ಡ ಬ್ರೋಕರ್ ಗಳ ಹೆಸರು ಹೊರಬಂದಿತ್ತು. ಮುಂದುವರೆದ ಭಾಗವಾಗಿ ಇಂದು 9 ಬಿಡಿಎ ಮಧ್ಯವರ್ತಿಗಳ ಮನೆ ಮೇಲೆ ದಾಳಿ ನಡೆದಿದೆ.

ಇನ್ನು ಬ್ರೋಕರ್ ಗಳ ಮನೆ ನೋಡಿ ಎಸಿಬಿ ಅಧಿಕಾರಿಗಳು ಫುಲ್ ಶಾಕ್ ಆಗಿದ್ದಾರೆ. ಯಾವೊಬ್ಬ ಐಷಾರಾಮಿ ಶ್ರೀಮಂತನಿಗೂ ಕಡಿಮೆ ಇಲ್ಲ ಅನ್ನುವಂತಿದೆ ಭವ್ಯ ಭಂಗಲೆಗಳು.

ಬಿಡಿಎ ಭ್ರಷ್ಟಾಚಾರದ ಮೂಲವೇ ಮಧ್ಯವರ್ತಿಗಳು ಎಂದು ಹೇಳಲಾಗುತ್ತಿದೆ. ಬಿಡಿಎ ಗೆ ಬರುವ ಪ್ರತಿಯೊಬ್ಬ ಅಧಿಕಾರಿಯನ್ನು ಸಂಪರ್ಕಿಸುತ್ತಿದ್ದ ಮಧ್ಯವರ್ತಿಗಳು, ವಹಿವಾಟು ನಡೆಸುತ್ತಿದ್ದರು.

ನಿವೇಶನ ಹಂಚಿಕೆ, ಸರ್ಕಾರಿ ನಿವೇಶನ ಅಭಿವೃದ್ದಿ ಸೇರಿ ಬಿಡಿಎ ನ‌ ಪ್ರತಿಯೊಂದು ಪ್ರಕ್ರಿಯೆಯಲ್ಲೂ ಮಧ್ಯವರ್ತಿಗಳ ಒಡನಾಟ ಪತ್ತೆಯಾಗಿದೆ. ಇದೆ ಹಿನ್ನೆಲೆಯಲ್ಲಿ ಬಿಡಿಎ ಮಧ್ಯವರ್ತಿಗಳ ಮೇಲೆ ಎಸಿಬಿ ದಾಳಿ ನಡೆಸಿದೆ ಎಂದು ತಿಳಿದು ಬಂದಿದೆ.