Blackmail: ಯುವತಿ ಬೆತ್ತಲೆ ವಿಡಿಯೋ ಇಟ್ಕೊಂಡು ಬ್ಲಾಕ್​ಮೇಲ್​, ಬಾರ್​ನಲ್ಲಿ ಕುಣಿಸಿ ದುಡ್ಡು ಮಾಡ್ತಿದ್ದ ಕಿರಾತಕ ಅಂದರ್​!

ದಿನೇ ದಿನೇ ದೇಶದಲ್ಲಿ ಹೆಣ್ಣು ಮಕ್ಕಳ ಮೇಲೆ ಕಾಮುಕರು ಎಗರಿ ಬೀಳುತ್ತಿದ್ದಾರೆ. ಒಂದೊಲ್ಲ ಒಂದು ಸುದ್ದಿ ಹೊರ ಬೀಳುತ್ತಲೇ ಇರುತ್ತದೆ. ಇದೆಕ್ಕೆಲ್ಲಾ ಕೊನೆಯೇ ಇಲ್ವಾ? ಎಂಬ ಪ್ರಶ್ನೆ ನಿಮ್ಮಲ್ಲೂ ಮೂಡಬಹುದು.

ಬೆಂಗಳೂರಿನಲ್ಲಿ ಮಹಿಳೆಗೆ ಬ್ಲಾಕ್ ಮೇಲ್ ಮಾಡಿ ದುಡ್ಡು ಮಾಡ್ತಿದ್ದವನ ಬಂಧಿಸಲಾಗಿದೆ. ಈಶಾನ್ಯ ವಿಭಾಗದ ಸೈಬರ್ ಕ್ರೈಮ್ ಪೊಲೀಸರು ಈ ಆರೋಪಿಯನ್ನು ಬಂಧಿಸಿದ್ದಾರೆ.

ಸಮರ್ ಪರಮಣಿಕ್ ಎಂಬಾತನನ್ನು ಪೊಲೀಸರು ಅರೆಸ್ಟ್​ ಮಾಡಿದ್ದಾರೆ.ಯುವತಿಯೊರ್ವಳಿಗೆ ಬ್ಲಾಕ್ ಮೇಲ್ ಮಾಡಿ ಡ್ಯಾನ್ಸ್ ಬಾರ್ ನಲ್ಲಿ ಕುಣಿಸಿ ದುಡ್ಡು ಮಾಡ್ತಿದ್ದ. ಈ ಬಗ್ಗೆ ಯುವತಿ ಪೊಲೋಸ್​ ಠಾಣೆಯಲ್ಲಿ ದೂರು ದಾಖಲಿಸಿದ್ದರು.

ಬ್ಯೂಟಿ ಪಾರ್ಲರ್ ವೊಂದರಲ್ಲಿ ವೆಸ್ಟ್ ಬೆಂಗಾಲ್ ಮೂಲದ ಯುವತಿ ಕೆಲಸ ಮಾಡ್ತಿದ್ದಳು. ಪಾರ್ಲರ್ ಗೆ ಕಸ್ಟಮರ್ ಆಗಿ ಹೋಗಿದ್ದ ಸಮರ್​ ಆ ಯುವತಿಯನ್ನು ಪರಿಚಯ ಮಾಡಿಕೊಂಡಿದ್ದ.

ನಂತರ ಯುವತಿಗೆ ಮೀಟ್ ಮಾಡೋ ನೆಪದಲ್ಲಿ ಕರೆದು ಲೈಂಗಿಕ ಸಂಪರ್ಕ ಕೂಡ ನಡೆಸಿದ್ದ. ಜ್ಯೂಸ್ ನಲ್ಲಿ ಮತ್ತಿನ ಮಾತ್ರೆ ಕೊಟ್ಟು ಲೈಂಗಿಕ ಸಂಪರ್ಕ ನಡೆಸಿ, ವಿಡಿಯೋ ರೆಕಾರ್ಡ್ ಮಾಡಿಕೊಂಡಿದ್ದ ಆರೋಪಿ.

ನಂತರ ಯುವತಿಯ ಮೊಬೈಲ್​ಗೆ ವಿಡಿಯೋ ಕಳಿಸಿ ಬ್ಲಾಕ್ ಮೇಲ್ ಮಾಡಿದ್ದಾನೆ. ಡ್ಯಾನ್ಸ್ ಬಾರ್ ನಲ್ಲಿ ಕುಣಿಬೇಕು, ಇಲ್ಲವಾದರೆ ವಿಡಿಯೋ ವೈರಲ್ ಮಾಡೋದಾಗಿ ಬೆದರಿಕೆ ಕೂಡ ಹಾಕಿದ್ದ.

ಹೀಗೆ ಯುವತಿಯನ್ನ ಬ್ಲಾಕ್ ಮೇಲ್ ಮಾಡಿ ಕುಣಿಸಿ ಹಣ ಸಂಪಾದನೆ ಮಾಡುತ್ತಿದ್ದ. ಯುವತಿಗೆ 20 ಸಾವಿರ ಕೊಟ್ಟು ಲಕ್ಷ ಲಕ್ಷ ಸಂಪಾದನೆ ಮಾಡಿದ್ದ.

ಈ ಬಗ್ಗೆ ಈಶಾನ್ಯ ವಿಭಾಗದ ಸೈಬರ್ ಕ್ರೈಂ ಪೊಲೀಸರಿಗೆ ಯುವತಿ ದೂರು ನೀಡಿದ್ದರು. ಸದ್ಯ ಆರೋಪಿಯನ್ನು ಪೊಲೀಸರು ಬಂಧಿಸಿದ್ದಾರೆ.