Bengaluru To Belagavi: ಊರಿಗೆ ಬಂದು ಮತ ಹಾಕಿ ವಾಪಸ್ ತೆರಳಲು ವಿಶೇಷ ಸೌಲಭ್ಯ!

ಕರ್ನಾಟಕ ವಿಧಾನಸಭೆ ಚುನಾವಣೆ ಹಿನ್ನೆಲೆ ವಿಶೇಷ ರೈಲುಗಳ ಸೇವೆ ಆರಂಭಿಸಲಾಗಿದೆ. ಬೆಂಗಳೂರಿನಲ್ಲಿರುವ ನೆಲೆಸಿರುವ ಬೆಳಗಾವಿ ನಿವಾಸಿಗಳು ಕೂಡಲೇ ಈ ವಿಶೇಷ ರೈಲಿನ ಲಾಭವನ್ನು ಪಡೆಯಬಹುದಾಗಿದೆ. (ಸಾಂದರ್ಭಿಕ ಚಿತ್ರ)

ಹೀಗೆ ವೋಟ್ ಹಾಕಲು ತೆರಳಿದ್ರೆ, ಮತ್ತೆ ವಾಪಸ್ ಬರಲು ಈ ವಿಶೇಷ ರೈಲಿನ ವ್ಯವಸ್ಥೆ ಇರುತ್ತದೆ. ಹಾಗಾಗಿ, ಮೇ 10ರ ರಂದು ಯಾರೊಬ್ಬರೂ ಮತದಾನ ಮಿಸ್ ಮಾಡದಿರಿ. ನಿಮ್ಮ ರೈಲಿನ ಸಮಯವನ್ನು ಕೂಡಲೇ ನೋಡಿಕೊಂಡು ಟಿಕೆಟ್ ಬುಕ್ ಮಾಡಿಕೊಳ್ಳಿ. (ಸಾಂದರ್ಭಿಕ ಚಿತ್ರ)

ಬೆಂಗಳೂರಿನ ಸರ್ ಎಂ. ವಿಶ್ವೇಶ್ವರಯ್ಯ ಟರ್ಮಿನಲ್​ನಿಂದ ಹೊರಡುವ ರೈಲು ಬೆಳಗಾವಿಗೆ ಪ್ರಯಾಣಿಕರನ್ನುಕರೆದೊಯ್ಯಲಿದೆ. ಮೇ 9 ರ ರಾತ್ರಿ 8.30 ಕ್ಕೆ ಬೆಂಗಳೂರಿನಿಂದ ಹೊರಡುವ ರೈಲು ಸಂಖ್ಯೆ 06585 ಮರುದಿನ ಅಂದರೆ ಚುನಾವಣಾ ದಿನಾಂಕವಾಗಿರುವ ಮೇ 10 ರ ಬೆಳಿಗ್ಗೆ 8.20ಕ್ಕೆ ಬೆಳಗಾವಿ ತಲುಪಲಿದೆ. (ಸಾಂದರ್ಭಿಕ ಚಿತ್ರ)

ಬೆಳಗಾವಿಯಿಂದ ಮೇ 10ರ ಸಾಯಂಕಾಲ 5.30ಕ್ಕೆ ಹೊರಡುವ ವಿಶೇಷ ರೈಲು ಸಂಖ್ಯೆ 06586 ಮೇ 11ರ ಮುಂಜಾನೆ 5 ಗಂಟೆಗೆ ಬೆಂಗಳೂರು ಸರ್ ಎಂ. ವಿಶ್ವೇಶ್ವರಯ್ಯ ಟರ್ಮಿನಲ್ ತಲುಪಲಿದೆ.  (ಸಾಂದರ್ಭಿಕ ಚಿತ್ರ)

ಹೀಗಾಗಿ ಬೆಂಗಳೂರಿನ ಕಂಪೆನಿಗಳಲ್ಲಿ ದುಡಿಯುತ್ತಿರುವವರು ಈ ವಿಶೇಷ ರೈಲಿನ ಲಾಭ ಪಡೆಯಬಹುದಾಗಿದೆ. ಬೆಂಗಳೂರಿನಿಂದ ಊರಿಗೆ ಬಂದು ಮತ ಚಲಾಯಿಸಿ ಮರಳಿ ತಮ್ಮ ಊರಿಗೆ ತೆರಳಬಹುದಾಗಿದೆ.  (ಸಾಂದರ್ಭಿಕ ಚಿತ್ರ)

ಇನ್ನು ಚುನಾವಣೆಯಲ್ಲಿ ಭಾಗವಹಿಸಲು ಬಂದ ನೌಕರರು ಅಥವಾ ಸಾರ್ವಜನಿಕರು ಯಾರೇ ಬೆಂಗಳೂರಿಗೆ ಹಿಂತಿರುಗಿ ಹೋಗುವುದಿದ್ದರೆ ಮೇ 10 ರಂದು ವಿಶೇಷ ರೈಲನ್ನು ಅವಲಂಬಿಸಬಹುದಾಗಿದೆ. (ಸಾಂದರ್ಭಿಕ ಚಿತ್ರ)

ವಿಧಾನಸಭಾ ಚುನಾವಣೆಯಲ್ಲಿ ಮತದಾನ ಹೆಚ್ಚಿಸಲು ಚುನಾವಣಾ ಆಯೋಗ ಹಲವು ಕ್ರಮಗಳನ್ನು ಕೈಗೊಳ್ಳುತ್ತಿದೆ. ಈ ಪ್ರಯತ್ನಕ್ಕೆ ರೈಲ್ವೆ ಇಲಾಖೆ ಸಹ ಸಾಥ್ ನೀಡಿ ವಿಶೇಷ ರೈಲುಗಳನ್ನು ಆರಂಭಿಸಿದೆ.