Belagavi Leopard: ನಾನ್ ಅಂತೂ ಬೆಳಗಾವಿ ಬಿಟ್ಟು ಹೋಗಲ್ಲ, ಬೆಳಗಾವಿ ನಂದೈತಿ! ಚಿರತೆ ತಮಾಷೆ ಫೋಟೋ ವೈರಲ್

ಬೆಳಗಾವಿಯಲ್ಲಿ ಆ.5 ರಂದು ಕಾಣಿಸಿಕೊಂಡಿದ್ದ ಚಿರತೆ 22 ದಿನ ಕಳೆದರೂ ಪತ್ತೆಯಾಗಿಲ್ಲ.ಚಾಲಾಕಿ ಚಿರತೆ ಸಿಗದ ಹಿನ್ನಲೆ ಸಾಮಾಜಿಕ ಜಾಲತಾಣದಲ್ಲಿ ಚಿರತೆ ಕುರಿತು ತಮಾಷೆ ಫೋಟೋ ಹಾಕಿದ್ದಾರೆ.ಬಗೆ ಬಗೆಯ ಶೈಲಿಯಲ್ಲಿ ಚಿರತೆ ಬಗ್ಗೆ ತಮಾಷೆ ಮಾಡಿ ಹಾಕಿರುವ ಫೋಟೋ ವೈರಲ್ ಆಗಿವೆ.

ಚಿರತೆ ಹೆಸರಲ್ಲಿ ಆಧಾರ್ ಕಾರ್ಡ್ ಮಾಡಿಸಲಾಗಿದೆ. ಚಿರತೆ ಆಧಾರ ಕಾರ್ಡ ಮಾಹಿತಿ ಈ ರೀತಿ ಇದೆ. ಬಿಬತ್ಯಾ ಬೆಳಗಾಂವಕರ್, ರೇಸ್ ಕೋರ್ಸ್ ಫಾರೆಸ್ಟ್ ಏರಿಯಾ ಬೆಳಗಾವಿ. ಜನ್ಮ ದಿನಾಂಕ: 1/1/2018. ಆಧಾರ ಸಂಖೆ: 4444 5555 6666. ಹೀಗೆ ಆಧಾರ್ ಕಾರ್ಡ್‍ ಫೋಟೋ ವೈರಲ್ ಆಗಿದೆ.

ಬಗೆ ಬಗೆಯ ಶೈಲಿಯಲ್ಲಿ ಚಿರತೆ ಬಗ್ಗೆ ತಮಾಷೆ ಮಾಡಿರುವ ಫೋಟೋ ವೈರಲ್ ಆಗಿದೆ. ಕನ್ನಡ, ಹಿಂದಿ ಮತ್ತು ಮರಾಠಿ ಮೂರು ಭಾಷೆಯಲ್ಲಿ ಟ್ರೋಲ್ ಆಗಿದೆ. ನೀವು ಎಷ್ಟೇ ಪ್ರಯತ್ನಿಸಿದರೂ, ನಾನು ಬೆಳಗಾವಿ ಗಣೇಶ ಹಬ್ಬ ಮುಗಿದ ನಂತರ ಹೋಗ್ತಿನಿ ಅಂತಾ ಮರಾಠಿ ಭಾಷೆಯಲ್ಲಿ ಫೋಟೋ ಹಾಕಿ ತಮಾಷೆ ಮಾಡಿದ್ದಾರೆ.

ಇನ್ನೊಂದು ಚಿರತೆ ಪೋಟೋದಲ್ಲಿ, ಚಿರತೆ ನಾನ್ ಅಂತೂ ಬೆಳಗಾವಿ ಬಿಟ್ಟು ಹೋಗಲ್ಲ. ಯಾರಪ್ಪಂದ ಏನೈತಿ, ಬೆಳಗಾವಿ ನಂದೈತಿ ಅಂತಾ ಫೋಟೋ ಮಾಡಿ ವೈರಲ್ ಮಾಡಿದ್ದಾರೆ.

ಇನ್ನೊಂದು ಕಡೆ ಬೆಳಗಾವಿಯ ವಾತಾವರಣ ತುಂಬಾ ಚನ್ನಾಗಿದೆ. ಕುಟುಂಬದ ಸದಸ್ಯರ ಜೊತೆಗೆ ಶಿಫ್ಟ್ ಆಗುವ ಯೋಚನೆ ಮಾಡ್ತಾ ಇದ್ದೇನೆ. ಎಂದು ಹಿಂದಿ ಭಾಷೆಯಲ್ಲಿ ಫೋಟೋ ಟ್ರೋಲ್ ಮಾಡಲಾಗಿದೆ.

ನಗರ ಪೊಲೀಸ್ ಇಲಾಖೆ ಹಾಗೂ ಅರಣ್ಯ ಇಲಾಖೆ ಕೂಂಬಿಂಗ್ ನಡೆಸಿ ಎರಡೂ ದಿನ ಕಳೆಯುವಷ್ಟರಲ್ಲಿ ಮತ್ತೆ ಗಾಲ್ಫ್ ಮೈದಾನದ ಖಾಸಗಿ ಶಾಲೆಯ ವಿಶಾಲವಾದ ಪ್ರದೇಶದಲ್ಲಿ ಚಿರತೆ ಪ್ರತ್ಯಕ್ಷವಾಗಿದೆ. ಸ್ಥಳದಲ್ಲಿ ಕೇವಲ ಬೆರಳೆಣಿಕೆಯಷ್ಟು ಅರಣ್ಯ ಸಿಬ್ಬಂದಿ ಬಿಟ್ಟರೆ ಹೆಚ್ಚಿನ ಸಂಖ್ಯೆಯಲ್ಲಿ ಪೊಲೀಸರೇ ಇದ್ದಾರೆ. ಅರಣ್ಯ ಇಲಾಖೆಯ ಇಷ್ಟೊಂದು ಬೇಜವಾಬ್ದಾರಿತನಕ್ಕೆ ನಾಗರಿಕರು ಹಿಡಿಶಾಪ ಹಾಕುತ್ತಿದ್ದಾರೆ.

ಬೆಳಗಾವಿ ಗಾಲ್ಫ್‍ನಲ್ಲಿ ಕಣ್ಮರೆಯಾಗಿದ್ದ ಚಿರತೆ ಸೋಮವಾರ ಬೆಳಗ್ಗೆ ಸ್ಥಳೀಯರಿಗೆ ಪ್ರತ್ಯಕ್ಷವಾಗಿ ಕಾಣಿಸಿಕೊಂಡಿತ್ತು. ಈ ಮಾಹಿತಿಯ ಮೇರೆಗೆ ಅರಣ್ಯ ಇಲಾಖೆಯ ಸಿಬ್ಬಂದಿ ಹಾಗೂ ಪೆÇಲೀಸರು ಕಾರ್ಯಾಚರಣೆ ಮಾಡಿದ್ದಾರೆ. ನುರಿತ ಅಧಿಕಾರಿ ಮತ್ತು ಸಿಬ್ಬಂದಿಯನ್ನು ನಿಯೋಜನೆ ಮಾಡಲಾಗಿದೆ. ಅರವಳಿಕೆಯ ತಜ್ಞರನ್ನು ಸಹ ಕಾರ್ಯಾಚರಣೆಗೆ ನಿಯೋಜನೆ ಮಾಡಲಾಗಿದ್ದು, ಮದ್ದು ನೀಡಿ ಎರಡ್ಮೂರು ದಿನದಲ್ಲಿ ಹಿಡಿಯಲಾಗುವುದು ಎಂದು ಭರವಸೆ ನೀಡಿದರು.

ನಗರ ಪೊಲೀಸ್ ಇಲಾಖೆ ಹಾಗೂ ಅರಣ್ಯ ಇಲಾಖೆ ಕೂಂಬಿಂಗ್ ನಡೆಸಿ ಎರಡೂ ದಿನ ಕಳೆಯುವಷ್ಟರಲ್ಲಿ ಮತ್ತೆ ಗಾಲ್ಫ್ ಮೈದಾನದ ಖಾಸಗಿ ಶಾಲೆಯ ವಿಶಾಲವಾದ ಪ್ರದೇಶದಲ್ಲಿ ಚಿರತೆ ಪ್ರತ್ಯಕ್ಷವಾಗಿದೆ. ಸ್ಥಳದಲ್ಲಿ ಕೇವಲ ಬೆರಳೆಣಿಕೆಯಷ್ಟು ಅರಣ್ಯ ಸಿಬ್ಬಂದಿ ಬಿಟ್ಟರೆ ಹೆಚ್ಚಿನ ಸಂಖ್ಯೆಯಲ್ಲಿ ಪೆÇಲೀಸರೇ ಇದ್ದಾರೆ. ಅರಣ್ಯ ಇಲಾಖೆಯ ಇಷ್ಟೊಂದು ಬೇಜವಾಬ್ದಾರಿತನಕ್ಕೆ ನಾಗರಿಕರು ಹಿಡಿಶಾಪ ಹಾಕುತ್ತಿದ್ದಾರೆ.