Camera Home: ಹೇಗಿದೆ ಗೊತ್ತಾ ಕ್ಯಾಮರಾ ಮನೆ!? ಸೂಪರ್ ಫೋಟೊ ನೋಡಿ

ಬೆಳಗಾವಿ ನಗರದ 49 ವಯಸ್ಸಿನ ರವಿ ಹೊಂಗಲ ಅವರು ಕ್ಯಾಮರಾವನ್ನೇ (Camera Home) ನಿರ್ಮಿಸಿಕೊಂಡಿದ್ದಾರೆ!

ಕ್ಯಾಮರಾ ಆಕಾರದ ಮನೆ ನಿರ್ಮಾಣವು ರವಿ ಹೊಂಗಲ ಅವರ ಕನಸಾಗಿತ್ತು. ಇವರ ಕನಸಿಗೆ ನೀರೆರೆಯುವ ಕೆಲಸವನ್ನು ಅವರ ಮಡದಿ ಮಾಡಿದ್ದರಿಂದ ಸತತ ಹತ್ತು ವರ್ಷಗಳ ಪರಿಶ್ರಮದಿಂದ ಕ್ಯಾಮೆರಾ ಮನೆಯು ನಿರ್ಮಾಣವಾಗಿದೆ.

ಅಂದಾಜು 70 ಲಕ್ಷ ರೂ . ವೆಚ್ಚದಲ್ಲಿ ನಿರ್ಮಿತವಾಗಿರುವ ಮೂರಂತಸ್ತಿನ ಮನೆ ಕ್ಯಾಮರಾದಲ್ಲಿರುವ ಎಲ್ಲ ವಿಭಾಗಗಳನ್ನೂ ಹೊಂದಿದೆ.

ಮನೆಯ ಒಳಗಿನ ಒಂದು ಚಿತ್ರಣ

ಮನೆಗೆ ’ಕ್ಲಿಕ್ ’ ಎಂದು ನಾಮಕರಣ ಮಾಡಿದ್ದಾರೆ . ಕಿಟಕಿಗಳೇ ಲೆನ್ಸ್ ಆಗಿವೆ!

ಛಾಯಾಗ್ರಾಹಕ ವೃತ್ತಿಯ ರವಿ ಅವರ ಪತ್ನಿ ಕೂಡ ಫೊಟೋಗ್ರಾಪರ್ ಆಗಿದ್ದಾರೆ. ರವಿ ಹೊಂಗಲ ದಂಪತಿಯು ಒಂದು ಹೆಜ್ಜೆ ಮುಂದೆ ಹೋಗಿ ತಮ್ಮ ಮೂವರು ಮಕ್ಕಳಿಗೂ ಕ್ಯಾಮರಾಗಳ ಹೆಸರಿಟ್ಟಿದ್ದಾರೆ. ಮೂವರು ಗಂಡು ಮಕ್ಕಳಿಗೆ ಕೆನಾನ್, ನಿಕಾನ್ ಮತ್ತು ಎಫ್ಸಾನ್ ಎಂದು ಕ್ಯಾಮರಾ ಹೆಸರುಗಳನ್ನಿಟ್ಟಿದ್ದಾರೆ.

ವೃತ್ತಿಯೆಡೆಗಿನ ತುಡಿತವನ್ನು ತಮ್ಮ ಮನೆಯ ರೂಪದಲ್ಲೂ ಬಿಂಬಿಸಿದ್ದಾರೆ. ಬೆಳಗಾವಿಯ ಸುಂದರ ಚಿತ್ರಗಳನ್ನೂರವಿ ಅವರು ಕ್ಲಿಕ್ಕಿಸಿದ್ದಾರೆ!

ಕ್ಯಾಮರಾ ಆಕಾರದ ಮನೆ ಕಟ್ಟಿರುವ ರವಿ ಅವರು ಕ್ಲಿಕ್ಕಿಸಿದ ಒಂದು ಚಿತ್ರ

ರವಿ ಅವರ ಕಣ್ಣಲ್ಲಿ ಭರತನಾಟ್ಯದ ಭಾವ-ಭಂಗಿ