Polluted City: ಕರ್ನಾಟಕದ ಅತಿ ಹೆಚ್ಚು ಕಲುಷಿತ ನಗರ ಬೆಂಗಳೂರಲ್ಲ, ಹಾಗಾದ್ರೆ ಯಾವ ಸಿಟಿ?

ಕರ್ನಾಟಕ ಇಡೀ ದೇಶದಲ್ಲೇ ಹಲವು ವಿಷಯಗಳಿಗೆ ಗಮನ ಸೆಳೆಯುವ ರಾಜ್ಯ, ಅಭಿವೃದ್ಧಿ, ಶಾಂತಿ, ಸಹಿಷ್ಣುತೆಗಳಿಗೆ ಹೆಸರುವಾಸಿಯಾದ ರಾಜ್ಯ ನಮ್ಮ ಕನ್ನಡನಾಡು. ಆದರೆ ಇದೀಗ ನಮ್ಮ ರಾಜ್ಯದಲ್ಲಿನ ಅತಿ ಕಲುಷಿತವಾಗಿರುವ ನಗರಗಳ ಪಟ್ಟಿ ಹೊರಬಿದ್ದಿದೆ. (ಸಾಂದರ್ಭಿಕ ಚಿತ್ರ)

ಕರ್ನಾಟಕದ ಅತಿ ಕಲುಷಿತ ನಗರ ಎಂದ ತಕ್ಷಣ ನಿಮಗೆ ಬೆಂಗಳೂರು ಆಗಿರಬೇಕು ಎಂದು ಅನಿಸಿರಬಹುದು. ಆದರೆ ಕರ್ನಾಟಕದ ಅತಿ ಹೆಚ್ಚು ಕಲುಷಿತಯುಕ್ತ ನಗರ ಬೆಂಗಳೂರು ಅಲ್ಲ! (ಸಾಂದರ್ಭಿಕ ಚಿತ್ರ)

ಕರ್ನಾಟಕದ ಅತೀ ಹೆಚ್ಚು ಕಲುಷಿತ ನಗರ ಬೆಳಗಾವಿ ಎಂಬ ಮಾಹಿತಿ ಇದೀಗ ಹೊರಬಿದ್ದಿದೆ. ಸ್ವಿಸ್ ಮೂಲದ ಸಂಸ್ಥೆ IQAir ವರದಿಯ ಪ್ರಕಾರ ಬೆಳಗಾವಿ ಕರ್ನಾಟಕದ ಅತಿ ಹೆಚ್ಚು ಕಲುಷಿತವಾಗಿರುವ ನಗರವಾಗಿದೆ. (ಸಾಂದರ್ಭಿಕ ಚಿತ್ರ)

ಈ ಸಂಸ್ಥೆ ಒಟ್ಟು 7,323 ನಗರಗಳಲ್ಲಿ ಸಮೀಕ್ಷೆ ನಡೆಸಿದೆ. ಈ ಪೈಕಿ ಬೆಳಗಾವಿ 159ನೇ ಸ್ಥಾನ ಗಳಿಸಿದೆ. ಆದರೆ ಕರ್ನಾಟಕದಲ್ಲಿ ಮೊದಲ ಸ್ಥಾನ ಗಳಿಸಿದೆ. (ಸಾಂದರ್ಭಿಕ ಚಿತ್ರ)

2021 ರಲ್ಲಿ ಬೆಳಗಾವಿ ಕರ್ನಾಟಕದ ಅತೀ ಹೆಚ್ಚು ಕಲುಷಿತ ನಗರಗಳ ಪೈಕಿ 4 ನೇ ಸ್ಥಾನದಲ್ಲಿತ್ತು. ಆದರೆ 2022 ರಲ್ಲಿ ಕುಂದಾನಗರಿ ಮೊದಲ ಸ್ಥಾನಕ್ಕೆ ಜಿಗಿದಿದೆ. (ಸಾಂದರ್ಭಿಕ ಚಿತ್ರ)

ಇನ್ನು ಕಲಬುರಗಿಯು ಇಡೀ ರಾಜ್ಯದಲ್ಲಿ 2ನೇ ಅತಿ ಹೆಚ್ಚು ಕಲುಷಿತ ನಗರ ಎಂಬ ಕುಖ್ಯಾತಿಗೆ ಕಾರಣವಾಗಿದೆ. ಒಟ್ಟು 7323 ನಗರಗಳ ಪೈಕಿ ಕಲಬುರಗಿಯು 288 ನೇ ಸ್ಥಾನದಲ್ಲಿದೆ. (ಸಾಂದರ್ಭಿಕ ಚಿತ್ರ)

ಕರ್ನಾಟಕದ ಅತಿ ಹೆಚ್ಚು ಕಲುಷಿತ ನಗರಗಳ ಪೈಕಿ ಧಾರವಾಡ 408, ಹುಬ್ಬಳ್ಳಿ 427, ಚಿಕ್ಕಬಳ್ಳಾಪುರ 431, ಬೆಂಗಳೂರು 443, ರಾಯಚೂರು 459, ಯಾದಗಿರಿ 485, ಹಾವೇರಿ 503 ಹಾಗೂ ಹಾಸನ 552 ನೇ ಸ್ಥಾನ ಪಡೆದಿವೆ. (ಸಾಂದರ್ಭಿಕ ಚಿತ್ರ)