Zodiac Signs: ಈ 4 ರಾಶಿಯವರು ತಮ್ಮ ಸಂಗಾತಿ ವಿಷಯದಲ್ಲಿ ತುಂಬಾ ಸ್ಟ್ರಿಕ್ಟ್​!

ಭೂಮಿ ಮೇಲೆ ವಿಭಿನ್ನ ವ್ಯಕ್ತಿತ್ವದ ಜನರು ನಮಗೆ ನೋಡಲು ಸಿಗುತ್ತಾರೆ. ಒಬ್ಬೊಬ್ಬರ ಅಭಿರುಚಿ, ಆಸಕ್ತಿ, ಇಷ್ಟ-ಕಷ್ಟಗಳು ಬೇರೆ ಬೇರೆಯಾಗಿರುತ್ತವೆ. ಪ್ರೀತಿ ಹಾಗೂ ಮದುವೆಯ ವಿಷಯಕ್ಕೆ ಬಂದರೆ ತಮ್ಮಿಷ್ಟ ಬಂದ ಜನರ ಜೊತೆ ಬೆರೆಯಲು ಇಚ್ಛಿಸುತ್ತಾರೆ. ಜೊತೆಗೆ ಅವರೊಂದಿಗೆ ಬಾಳ್ವೆ ನಡೆಸಲು ಬಯಸುತ್ತಾರೆ. ಕೆಲವೊಮ್ಮೆ ಅವರ ಅಭಿರುಚಿಗಳು ತದ್ವಿರುದ್ಧವಾಗಿದ್ದರೂ ಸಹ ಸುಖ ಸಂಸಾರ ನಡೆಸುತ್ತಾರೆ.

ಆದರೆ ಕೆಲವು ರಾಶಿಯವರು ತಮ್ಮಂತೆಯೇ ಇರುವ ಸಂಗಾತಿಯನ್ನು ಮದುವೆಯಾಗಲು ಇಷ್ಟಪಡುತ್ತಾರೆ. ಅಂದರೆ ತಮ್ಮ ಸಂಗಾತಿಯ ವ್ಯಕ್ತಿತ್ವ, ಅಭಿರುಚಿಗಳು ತಮ್ಮಂತೆಯೇ ಇರಬೇಕು ಎಂದು ಬಯಸುತ್ತಾರೆ. ಆ ರಾಶಿಗಳು ಯಾವುವೆಂದು ಇಲ್ಲಿ ನೋಡೋಣ.

ವೃಶ್ಚಿಕ ರಾಶಿ: ವೃಶ್ಚಿಕ ರಾಶಿಯವರು ಸುಲಭವಾಗಿ ಪ್ರೀತಿಯಲ್ಲಿ ಬೀಳುವುದಿಲ್ಲ. ಅವರ ತಮ್ಮ ಸಂಗಾತಿ ತಾವು ಅಂದುಕೊಂಡಂತೆ ಇರಬೇಕು ಎಂದು ಬಯಸುತ್ತಾರೆ. ತಮ್ಮ ಬಾಳ ಸಂಗಾತಿಯ ಆಯ್ಕೆ ವಿಷಯಕ್ಕೆ ಬಂದಾಗ ಹೆಚ್ಚು ಆಲೋಚನೆ ಮಾಡಿ ನಿರ್ಧರಿಸುತ್ತಾರೆ.

ಮೇಷ ರಾಶಿ: ಮೇಷ ರಾಶಿಯವರು ತಾವು ಡೇಟಿಂಗ್ ಮಾಡಲು ಬಯಸುವ ಸಂಗಾತಿಯ ಬಗ್ಗೆ ಒಂದು ನಿರ್ದಿಷ್ಟ ಅಭಿಪ್ರಾಯ ಇಟ್ಟುಕೊಂಡಿರುತ್ತಾರೆ. ಅವರು ಈ ವಿಷಯಲ್ಲಿ ರಾಜಿ ಮಾಡಿಕೊಳ್ಳಲು ಸಿದ್ಧರಿರುವುದಿಲ್ಲ. ತಾವು ಯಾವ ಗುಣಗಳನ್ನು ಹೊಂದಿದ್ದಾರೋ ಅದೇ ಗುಣಗಳನ್ನು ತಮ್ಮ ಸಂಗಾತಿ ಹೊಂದಿರಬೇಕೆಂದು ಬಯಸುತ್ತಾರೆ. ಇದರ ಜೊತೆಗೆ ತನ್ನ ಗೆಳೆಯ/ಗೆಳತಿ ಹೇಗಿರಬೇಕು ಎಂದು ಕೆಲವು ಪೂರ್ವಕಲ್ಪಿತ ವಿಚಾರಗಳನ್ನು ತಲೆಯಲ್ಲಿ ಇಟ್ಟುಕೊಂಡಿರುತ್ತಾರೆ. ಅದರಂತೆಯೇ ನಡೆದುಕೊಳ್ಳುತ್ತಾರೆ.

ಕನ್ಯಾ ರಾಶಿ: ಕನ್ಯಾ ರಾಶಿಯವರು ಬಾಳ ಸಂಗಾತಿಯನ್ನು ಆಯ್ಕೆ ಮಾಡುವಾಗ ಕೆಲವು ಮಾನದಂಡಗಳನ್ನು ಇಟ್ಟುಕೊಂಡಿರುತ್ತಾರೆ. ಅದರ ಅನುಸಾರವಾಗಿ ತಮಗೆ ಹೊಂದುವ ವ್ಯಕ್ತಿಯನ್ನು ಮಾತ್ರ ಆಯ್ಕೆ ಮಾಡಿಕೊಳ್ಳುತ್ತಾರೆ. ಈ ರಾಶಿಯವರು ಹೆಚ್ಚಾಗಿ ಆಧ್ಯಾತ್ಮಿಕತೆಯ ಕಡೆ ಒಲವು ಹೊಂದಿರುತ್ತಾರೆ. ಅವರ ಸಂಗಾತಿಯೂ ಸಹ ಈ ಮಾರ್ಗದಲ್ಲೇ ನಡೆಯಬೇಕೆಂದು ಬಯಸುತ್ತಾರೆ.

ವೃಷಭ ರಾಶಿ: ವೃಷಭ ರಾಶಿಯವರು ತಮ್ಮ ನಿರ್ಧಾರ ಹಾಗೂ ಸಂಗಾತಿಯ ಆದ್ಯತೆಗಳ ಬಗ್ಗೆ ಹೆಚ್ಚು ಹಠಮಾರಿಗಳಾಗಿರುತ್ತಾರೆ. ಡೇಟಿಂಗ್ ವಿಷಯಕ್ಕೆ ಬಂದರೆ, ಅವರು ಒಂದು ನಿರ್ದಿಷ್ಟ ಅಭಿಪ್ರಾಯ ಇಟ್ಟುಕೊಂಡಿರುತ್ತಾರೆ. ತಮ್ಮನ್ನು ತಾವು ತುಂಬಾ ಬಲಶಾಲಿಗಳೆಂದು ಅಂದುಕೊಳ್ಳುತ್ತಾರೆ. ಇವರಂತೆಯೇ ಇವರ ಸಂಗಾತಿಯ ವ್ಯಕ್ತಿತ್ವವೂ ಇರಬೇಕೆಂದು ಬಯಸುತ್ತಾರೆ. ಹೀಗಾಗಿ ಕೆಲವರು ಮಾತ್ರ ಇವರೊಂದಿಗೆ ಹೊಂದಿಕೊಳ್ಳುತ್ತಾರೆ.

ಈ ಮೇಲಿನ 4 ರಾಶಿಯವರು ಪ್ರೀತಿಗೆ ಮೊದಲ ಆದ್ಯತೆ ನೀಡಬೇಕು. ಯಾಕೆಂದರೆ ಪ್ರೀತಿ ಒಂದು ಸುಂದರ ಭಾವನೆ. ಅದನ್ನು ಪಡೆಯಲು ಯಾವುದೇ ಮಿತಿಗಳು/ ನಿರ್ಬಂಧಗಳು ಇರಬಾರದು.

(ಹಕ್ಕುತ್ಯಾಗ: ಈ ಲೇಖನವು ಸಾರ್ವಜನಿಕ ನಂಬಿಕೆಗಳನ್ನು ಆಧರಿಸಿದೆ, ಅಂತರ್ಜಾಲದಲ್ಲಿ ಲಭ್ಯವಿರುವ ಮಾಹಿತಿಯಾಗಿದೆ. ನ್ಯೂಸ್ 18 ಇದನ್ನು ಪರಿಶೀಲಿಸಿಲ್ಲ. ಇದು ಸಂಪೂರ್ಣವಾಗಿ ನಿಜವೆಂದು ಹೇಳಲು ಯಾವುದೇ ವೈಜ್ಞಾನಿಕ ಪುರಾವೆಗಳಿಲ್ಲ.