Government Job: ಜಾತಕದಲ್ಲಿ ಈ ಯೋಗ ಇದ್ರೆ ಸರ್ಕಾರಿ ಕೆಲಸ ಫಿಕ್ಸ್ ಅಂತೆ

ಸರ್ಕಾರಿ ಕೆಲಸ ಬೇಕು ಅಂತ ಯಾರಿಗೆ ತಾನೇ ಇಷ್ಟವಿರಲ್ಲ ಹೇಳಿ. ಕೆಲವರಂತೂ ವರ್ಷಗಳ ಕಾಲ ಸರ್ಕಾರಿ ಕೆಲಸಕ್ಕಾಗಿ ಪ್ರಯತ್ನ ಮಾಡುತ್ತಾರೆ. ಆದರೆ ಜ್ಯೋತಿಷ್ಯದ ಪ್ರಕಾರ ಜಾತಕದಲ್ಲಿ ಈ ಯೋಗ ಇದ್ದರೆ ಸರ್ಕಾರಿ ಕೆಲಸ ಸಿಗುತ್ತಂತೆ.

ಹೌದು, ಜಾತಕ ಎನ್ನುವುದು ನಮ್ಮ ಜೀವನದ ಕನ್ನಡಿ ಎಂದರೆ ತಪ್ಪಲ್ಲ. ಇದರ ಮೂಲಕ ನಾವು ಆಗು-ಹೋಗುಗಳನ್ನು ತಿಳಿದುಕೊಳ್ಳಬಹುದು. ಈ ಜಾತಕ ಮನೆಗಳಲ್ಲಿ ಗ್ರಹಗಳ ಬಲ ಹೆಚ್ಚಿರಬೇಕು ಎನ್ನಲಾಗುತ್ತದೆ.

ಈ ಜಾತಕದಲ್ಲಿ ಒಂದೊಂದು ಮನೆಯನ್ನು ನಿರ್ದಿಷ್ಟವಾಗಿ ಒಂದೊಂದು ಗ್ರಹಗಳಿಗೆ ಹಾಗೂ ಒಂದೊಂದು ಕೆಲಸಕ್ಕೆ ಎಂದು ನಿಗಧಿಯಾಗಿರುತ್ತದೆ. ಆರನೇ ಮನೆಯನ್ನು ಸೇವೆ, ವೃತ್ತಿ ಮತ್ತು ಉದ್ಯೋಗಗಳ ಬಗ್ಗೆ ಮಾಹಿತಿ ನೀಡುವ ಮನೆ ಎನ್ನಲಾಗುತ್ತದೆ

ಇನ್ನು ಜಾತಕದ ಒಂಬತ್ತನೇ ಮನೆ ಅದೃಷ್ಟದ ಮನೆ ಎನ್ನುವ ನಂಬಿಕೆ ಇದ್ದು, ಹಾಗೆಯೇ 10ನೇ ಮನೆ ಸಹ ಉದ್ಯೋಗ ಮತ್ತು ವೃತ್ತಿಯ ಮನೆ ಎನ್ನಲಾಗುತ್ತದೆ. ಇನ್ನು ಹನ್ನೊಂದನೇ ಮನೆಯನ್ನು ಸಂಪತ್ತು ಮತ್ತು ಆದಾಯದ ಮನೆ ಎನ್ನುತ್ತದೆ ಜ್ಯೋತಿಷ್ಯ ಶಾಸ್ತ್ರ.

ಇನ್ನು ಸರ್ಕಾರಿ ಕೆಲಸದ ಬಗ್ಗೆ ಮಾಹಿತಿ ನೀಡುವ ಮನೆ ಎಂದರೆ 10ನೇ ಮನೆ. ಈ ಮನೆಯಲ್ಲಿ ಗ್ರಹ-ಗತಿಗಳು ಬಲವಾಗಿದ್ದರೆ ಸರ್ಕಾರಿ ಕೆಲಸ ಸಿಗಲಿದೆ ಎನ್ನಬಹುದು. ಹಾಗೆಯೇ ಈ ಮನೆಯಲ್ಲಿ ತ್ರಿಕೋನ ಯೋಗ ರೂಪುಗೊಂಡಾಗ ಕೆಲಸ ಸಿಗುವುದು ಫಿಕ್ಸ್ ಎನ್ನುತ್ತದೆ ಜ್ಯೋತಿಷ್ಯ ಶಾಸ್ತ್ರ.

10 ನೇ ಮನೆಯ ಅಧಿಪತಿ ಗಟ್ಟಿಯಾಗಿದ್ದಾಗ ಹಾಗೂ 9 ನೇ ಮನೆಯಲ್ಲಿ ಇರಬೇಕಿದ್ದ ಗ್ರಹ ಹತ್ತನೇ ಮನೆಯಲ್ಲಿ ಇದ್ದಾಗ ಸಹ ಈ ಯೋಗ ಉಂಟಾಗುತ್ತದೆ. ಇದರ ಜೊತೆಗೆ 9ನೇ ಮನೆ ಹಾಗೂ 10ನೇ ಮನೆ ಅಧಿಪತಿಗಳು ಸಂಯೋಗಗೊಂಡು ಸಹ ಈ ಯೋಗ ರಚನೆ ಮಾಡಬಹುದು.

ಮಂಗಳ, ಗುರು, ಚಂದ್ರ ಮತ್ತು ಸೂರ್ಯ 10 ನೇ ಮನೆಯಲ್ಲಿ ಬಲವಾಗಿದ್ದಾಗ ಹಾಗೂ 4ನೇ ಮನೆಯಲ್ಲಿ ಗುರು ಇದ್ದರೆ ಸರ್ಕಾರಿ ಕೆಲಸ ಸಿಗುವುದು ಗ್ಯಾರಂಟಿ. ಹಾಗೆಯೇ ಬುಧ ಗ್ರಹ ಜಾತಕದ 6ನೇ ಮನೆಯಲ್ಲಿ ಇದ್ದರೆ ಸಹ ಉತ್ತಮವಾದ ಹುದ್ದೆಯೇ ಸಿಗಲಿದೆ

(Disclaimer: ಮೇಲಿನ ಲೇಖನದ ವರದಿಯು ಧಾರ್ಮಿಕ ನಂಬಿಕೆಗಳು ನಡೆದು ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)