Yogini Ekadashi 2022: ಯೋಗಿನಿ ಏಕಾದಶಿಯಂದು ವಿಷ್ಣು ಪೂಜೆಯಿಂದ ಸಿಗಲಿದೆ ಸುಖ ಸಮೃದ್ಧಿ

ಹಿಂದೂ ಧರ್ಮದಲ್ಲಿ ಏಕಾದಶಿಗೆ ವಿಶೇಷ ಮಹತ್ವ ಇದೆ. ತಿಂಗಳಲ್ಲಿ ಎರಡು ಬಾರಿ ಏಕಾದಶಿ ಬರುತ್ತದೆ. ಒಂದು ಕೃಷ್ಣ ಪಕ್ಷದಲ್ಲಿ ಮತ್ತೊಂದು ಶುಕ್ಲ ಪಕ್ಷದಲ್ಲಿ. ಆಷಾಢ ಮಾಸದ ಕೃಷ್ಣ ಪಕ್ಷದಲ್ಲಿ ಬರುವ ಏಕಾದಶಿ ತಿಥಿಯನ್ನು ಯೋಗಿನಿ ಏಕಾಶಿ ಎಂದು ಕರೆಯುತ್ತೇವೆ.

ಪುರಾಣಗಳ ಪ್ರಕಾರ ಏಕಾದಶಿ ವ್ರತ ಆಚರಣೆ ಮಾಡುವುದರಿಂದ ವಿಷ್ಣುವಿನ ಕೃಪೆ ಜೊತೆ ಮೋಕ್ಷ ಲಭಿಸುತ್ತದೆ. ಈ ಬಾರಿ ಯೋಗಿನಿ ಏಕಾದಶಿ ಜೂನ್​ 24ರಂದು ಬಂದಿದೆ. ಈ ಯೋಗಿನಿ ಏಕಾದಶಿ ವಿಶೇಷ ಮಹತ್ವ ಹೊಂದಿದೆ

ವಿಷ್ಣು ಭಕ್ತರು 15 ದಿನಕ್ಕೊಮ್ಮೆ ಉಪವಾಸ ಮಾಡುತ್ತಾರೆ. ಈ ಉಪವಾಸಕ್ಕೆ ಏಕಾದಶಿ ಉಪವಾಸ ಎನ್ನುತ್ತಾರೆ. ಕೆಲವರು ಈ ದಿನ ಕೆಲವು ಆಹಾರ ಸೇವಿಸುವುದಿಲ್ಲ ಎಂದು ಸಂಕಲ್ಪ ಮಾಡಿಕೊಳ್ಳುತ್ತಾರೆ. ಜೊತೆಗೆ ಈ ದಿನ ವಿಷ್ಣು ಮತ್ತು ಲಕ್ಷ್ಮೀ ಆರಾಧನೆಯನ್ನು ಮಾಡುತ್ತಾರೆ.

ಯೋಗಿನಿ ಏಕಾದಶಿಯ ನಂತರ ದೇವಶಯಾನಿ ಏಕಾದಶಿ ಉಪವಾಸವನ್ನು ಆಚರಿಸಲಾಗುತ್ತದೆ. ದೇವಶಯನಿ ಏಕಾದಶಿಯಿಂದ ನಾಲ್ಕು ತಿಂಗಳ ಕಾಲ ವಿಷ್ಣುವು ಯೋಗ ನಿದ್ರಾಗೆ ಹೋಗುತ್ತಾನೆ. ಈ ಸಮಯದಲ್ಲಿ, ಶಂಕರನು ಬ್ರಹ್ಮಾಂಡವನ್ನು ನಿರ್ವಹಿಸುತ್ತಾನೆ. ಈ ತಿಂಗಳುಗಳಲ್ಲಿ ಮಂಗಳಕರ ಕಾರ್ಯಗಳನ್ನು ನಿಷೇಧಿಸಲಾಗಿದೆ. ಯೋಗಿನಿ ಏಕಾದಶಿ ಉಪವಾಸವನ್ನು ನಿರ್ಜಲ ಏಕಾದಶಿ ಮತ್ತು ದೇವಶಯನಿ ಏಕಾದಶಿ ನಡುವೆ ಆಚರಿಸಲಾಗುತ್ತದೆ.

ಈ ದಿನ ವಿಷ್ಣು ಮತ್ತು ಲಕ್ಷ್ಮಿಯನ್ನು ವಿಶೇಷವಾಗಿ ಪೂಜಿಸಲಾಗುತ್ತದೆ. ಇಂದು ಉಪವಾಸ ಮಾಡುವುದರಿಂದ ಪುಣ್ಯ ಫಲ ಸಿಗುತ್ತದೆ ಎಂದು ನಂಬಲಾಗಿದೆ. ಯೋಗಿನಿ ಏಕಾದಶಿ ಉಪವಾಸವನ್ನು ವಿಧಿ-ವಿಧಾನಗಳೊಂದಿಗೆ ಆಚರಿಸುವುದರಿಂದ ಎಲ್ಲಾ ಪಾಪಗಳು ನಿವಾರಣೆಯಾಗಿ ಜೀವನದಲ್ಲಿ ಸುಖ-ಸಮೃದ್ಧಿ ನೆಲೆಸುತ್ತದೆ.

ಈ ದಿನ, ಮುಂಜಾನೆ ಬೇಗನೆ ಎದ್ದು, ಶುಭ್ರವಾದ ಬಟ್ಟೆಗಳನ್ನು ಧರಿಸಿ, ಧೂಪ, ದೀಪ, ಹೂವುಗಳು, ಶ್ರೀಗಂಧ, ಹೂವುಗಳು, ತುಳಸಿಗಳಿಂದ ವಿಷ್ಣುವನ್ನು ಪೂಜಿಸಬೇಕು. ದಿನವೀಡಿ ಉಪವಾಸವಿದ್ದು, ಪಾರಣೆಯ ಸಮಯದಲ್ಲಿ ಉಪವಾಸವನ್ನು ಮುರಿಯಲಾಗುತ್ತದೆ. ಈ ದಿನ ಪವಿತ್ರ ನೀರಿನಲ್ಲಿ ಸ್ನಾನ ಮಾಡುವುದು ಮಂಗಳಕರವೆಂದು ಪರಿಗಣಿಸಲಾಗುತ್ತದೆ. ಈ ರೀತಿ ಮಾಡುವುದರಿಂದ ಎಲ್ಲಾ ದೋಷಗಳು ನಾಶವಾಗುತ್ತವೆ ಎಂಬ ನಂಬಿಕೆ ಇದೆ.

ಏಕಾದಶಿಯಂದು ಈ ದಿನ ಅನ್ನವನ್ನು ತಿನ್ನದೇ ಹಣ್ಣುಗಳನ್ನು ತಿಂದು ಉಪವಾಸ ಆಚರಣೆ ಮಾಡಬೇಕು. ಏಕಾದಶಿ ಉಪವಾಸದ ದಿನ ಮನಸ್ಸಿನಲ್ಲಿ ನಾರಾಯಣ ಜಪ ಮಾಡಿ. ಈ ದಿನ ಯಾವುದೇ ರೀತಿಯ ಕೆಟ್ಟ ಮತ್ತು ನಕಾರಾತ್ಮಕ ಆಲೋಚನೆಗಳು ನಿಮ್ಮ ಮನಸ್ಸಿನಲ್ಲಿ ಬರಲು ಬಿಡಬೇಡಿ.

ಈ ದಿನ ಓಂ ಭಗವತ್ ವಾಸುದೇವಾಯ ನಮಃ ಎಂಬ ಮಂತ್ರವನ್ನು ಪಠಿಸುತ್ತಿರಿ. ನಂತರ ವಿಷ್ಣು ಚಾಲೀಸಾ, ವಿಷ್ಣು ಸಹಸ್ರನಾಮ ಇತ್ಯಾದಿಗಳನ್ನು ಪಠಿಸಿ. ಯೋಗಿನಿ ಏಕಾದಶಿ ಉಪವಾಸದ ಕಥೆಯನ್ನು ಆಲಿಸಿ ಅಥವಾ ಓದಿ.