Vaikunta Ekadashi: ಮೋಕ್ಷ ಸಂಪಾದಿಸಲು ವೈಕುಂಠ ಏಕಾದಶಿಯಂದು ತಪ್ಪದೇ ಈ ಕಾರ್ಯ ಮಾಡಿ

ಈ ಏಕಾದಶಿಯಂದು ಉಪವಾಸ ವ್ರತಮಾಡಿ ಹರಿ ನಾಮ ಸ್ಮರಣೆ ಮಾಡಿದರೆ, ಮನುಷ್ಯನ ಎಲ್ಲಾ ಪಾಪಗಳು ನಾಶವಾಗುತ್ತದೆ ಎಂಬ ನಂಬಿಕೆ ಇದೆ. ಅಷ್ಟಕ್ಕೂ ಈ ವೈಕುಂಠ ಏಕಾಶಿಗೆ ಯಾಕೆ ಇಷ್ಟು ಮಹತ್ವ ಎಂಬ ವಿಚಾರದ ಕುರಿತ ಕಥೆ ಇಲ್ಲಿದೆ.

ಜಗತ್ತಿನ ಸೃಷ್ಟಿಕರ್ತರಾದ ತ್ರಿಮೂರ್ತಿಗಳು ತಮ್ಮ ತಮ್ಮ ಲೋಕದಲ್ಲಿರುತ್ತಾರೆ. ಬ್ರಹ್ಮ ಲೋಕ, ಕೈಲಾಸಕ್ಕೆ ಹೋಲಿಕೆ ಮಾಡಿದರೆ, ವಿಷ್ಣುವಿನ ವೈಕುಂಠದಲ್ಲಿ ಕಷ್ಟದ ಬದಲು ಸುಖ ಹೆಚ್ಚಿರುತ್ತದೆ

ಈ ದಿನದಂದು ಉಪವಾಸ ವ್ರತ ಆಚರಿಸಿ ವೈಕುಂಠ ದ್ವಾರದ ಮೂಲಕ ದೇವರ ವಿಷ್ಣುವಿನ ದರ್ಶನ ಮಾಡಿದರೆ, ಮೋಕ್ಷ ಪ್ರಾಪ್ತಿಯಾಗುತ್ತದೆ. ಈ ದಿನ ವಿಷ್ಣು ಗರುಡ ವಾಹನದ ಮೂಲಕ ಮೂರು ಕೋಟಿ ದೇವತೆಗಳೊಂದಿಗೆ ಭೂ ಲೋಕಕ್ಕೆ ಬರುತ್ತಾನೆ ಎಂಬ ನಂಬಿಕೆ ಇದೆ.

ಈ ದಿನದಂದು ವಿಷ್ಣುವಿನ ಗಿ ದರ್ಶನ ಮಾಡಿದರೆ ವಿಷ್ಣು ಸಮೇತ ಮುಕ್ಕೋಟಿ ದೇವತೆಗಳ ದರ್ಶನ ಮಾಡಿದ ಕಂಡ ಪುಣ್ಯಫಲ ಹಾಗೂ ಮೋಕ್ಷ ಪ್ರಾಪ್ತಿಯಾಗುತ್ತದೆ. ಮರುಜನ್ಮ ಎನ್ನುವುದು ಇರುವುದಿಲ್ಲ ಸ್ವರ್ಗ ಪ್ರಾಪ್ತಿಯಾಗುತ್ತದೆ ಎಂದು ಪುರಾಣಗಳು ತಿಳಿಸಿವೆ

ಇದೇ ಕಾರಣದಿಂದ ವಿಷ್ಣವಿನ ಅವತಾರದ ದೇಗುಲಗಳಲ್ಲಿ ಉತ್ತರದ ದಿಕ್ಕಿನಲ್ಲಿ ಈ ದಿನ ವೈಕುಂಠ ದ್ವಾರ ನಿರ್ಮಾಣ ಮಾಡಿ, ಈ ದ್ವಾರದ ಮೂಲಕ ದೇವರ ದರ್ಶನಕ್ಕೆ ಅವಕಾಶ ನೀಡಲಾಗುವುದು

ಈ ದಿನ ಶ್ರದ್ಧಾ ಭಕ್ತಿಗಳಿಂದ ವಿಷ್ಣುವಿನ ಪೂಜೆ ಮಾಡಿ, ಹರಿನಾಮ ಸ್ಮರಣೆ ಮಾಡಿದರೂ ಕೂಡ ಎಲ್ಲಾ ಕಷ್ಟಗಳು ಪರಿಹಾರ ಆಗಲಿದೆ. (ಮೇಲಿನ ಲೇಖನದ ವರದಿಯೂ ಧಾರ್ಮಿಕ ನಂಬಿಕೆಗಳು ನಡೆದ ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್​ 18 ಕನ್ನಡ ಖಚಿತಪಡಿಸುವುದಿಲ್ಲ)