Crow: ಪಿತೃಪಕ್ಷದಂದು ಮಾತ್ರವಲ್ಲದೇ, ಈ ದಿನ ತಪ್ಪದೇ ಕಾಗೆಗೆ ಆಹಾರ ನೀಡಿದ್ರೆ ಕಷ್ಟ ಪರಿಹಾರ ಅಂತೆ

ಕಾಗೆಗೆ ಅನ್ನ ಕೊಡುವುದು ಹಿಂದಿನಿಂದಲೂ ನಮ್ಮ ಪೂರ್ವಜರ ವಾಡಿಕೆ. ಕಾಗೆಗೆ ಅನ್ನ ಹಾಕುವುದು ಸಾಮಾನ್ಯ. ಆದರೆ ಇದರಲ್ಲಿ ಎಷ್ಟು ರಹಸ್ಯ ಅಡಗಿದೆ ಗೊತ್ತಾ? ಕಾಗೆಗೆ ಅನ್ನ ಹಾಕಲು ಕಾರಣವೇನು? ಯಾವ ಪ್ರಯೋಜನಗಳಿವೆ.

ನಮ್ಮ ಪೂರ್ವಜರು ಕಾಗೆಯನ್ನು ಶನಿ ದೇವ ಎಂದು ನೋಡುತ್ತಿದ್ದರು. ಕಾಗೆ ಆಹಾರ ಹಂಚಿ ತಿನ್ನುವ ಗುಣ ಹೊಂದಿದ್ದು ಒಳ್ಳೆಯದು ಮತ್ತು ಕೆಟ್ಟದ್ದನ್ನು ಗುರುತಿಸುವ ಶಕ್ತಿಯಾಗಿ ಇದರ ಆಚರಣೆ ನಡೆಸಿದರು.

ಸಾಮಾನ್ಯವಾಗಿ ಶನಿಯಿಂದ ಉಂಟಾಗುವ ಶನಿ ಪ್ರಭಾವದಿಂದ ನಾವು ಸಂಪೂರ್ಣವಾಗಿ ಪಾರಾಗಲು ಸಾಧ್ಯವಿಲ್ಲ. ಆದರೆ, ಆರಾಧಿಸುವ ಮೂಲಕ, ಪರಿಣಾಮವನ್ನು ಕಡಿಮೆ ಮಾಡಬಹುದು.

ಪ್ರತಿ ಶನಿವಾರ ನವಗ್ರಹ ದೇವಸ್ಥಾನಕ್ಕೆ ಹೋಗಿ ಎಣ್ಣೆಯಿಂದ ದೀಪ ಹಚ್ಚಿ ಒಂಬತ್ತು ಬಾರಿ ನವಗ್ರಹ ಪೂಜೆ ಮಾಡಿದ ನಂತರ ಕಾಗೆಗೆ ಆಹಾರ ನೀಡಬೇಕು

ಪ್ರತಿ ಶನಿವಾರ ಬಿಳಿ ಅನ್ನದಲ್ಲಿ ಎಳ್ಳನ್ನು ಬೆರೆಸಿ ಬೆಳಗ್ಗೆ ಕಾಗೆಗೆ ಇಡಿ. ಮನಃಪೂರ್ವಕವಾಗಿ ಶನಿಯ ಪ್ರಾರ್ಥನೆ ಮಾಡಬೇಕೆಂದರೆ ಮನೆಯ ಪೂಜಾ ಕೋಣೆಯಲ್ಲಿ ಎಳ್ಳು ಬೆಲ್ಲದ ದೀಪವನ್ನು ಹಚ್ಚಿ ಕಾಗೆಗೆ ಊಟ ಹಾಕಿದರೆ ಒಳ್ಳೆಯದು. ಇದನ್ನು ವಾರದ ದಿನಗಳು ಮತ್ತು ಶನಿವಾರದಂದು ನಿಯಮಿತವಾಗಿ ಮಾಡಬೇಕು. ಈ ಪರಿಹಾರವನ್ನು ಮುಂದುವರಿಸಿದರೆ ನಿಮ್ಮ ಕಷ್ಟಗಳು ಕಡಿಮೆಯಾಗುತ್ತವೆ. (ಮೇಲಿನ ಲೇಖನದ ವರದಿಯೂ ಧಾರ್ಮಿಕ ನಂಬಿಕೆಗಳು ನಡೆದ ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್​ 18 ಕನ್ನಡ ಖಚಿತಪಡಿಸುವುದಿಲ್ಲ)