Unknown Facts: ಪತ್ನಿಯೇ ಯಾಕೆ ಪತಿ ಕಾಲು ಒತ್ತಬೇಕು? ಕಾರಣ ಗೊತ್ತಾದ್ರೆ ಬಾಯಿ ಮೇಲೆ ಬೆರಳಿಡುತ್ತೀರಾ!

ಗಂಡ ಹೆಂಡತಿ ಸಂಬಂಧ ಗಟ್ಟಿಯಾಗಿರಬೇಕು ಅಂದ್ರೆ ಇಬ್ಬರು ನಡುವೆ ನಂಬಿಕೆ, ಹೊಂದಾಣಿಕೆ, ಪ್ರೀತಿ, ಕೇರ್​ ಎಲ್ಲವೂ ಇರಬೇಕು. ಹಿಂದಿನಿಂದಲೂ ಕೆಲವೊಂದು ನಂಬಿಕೆಗಳು ನಡೆದುಕೊಂಡು ಬಂದಿವೆ.

ಗಂಡ ಕಟ್ಟಿದ ತಾಳಿಯನ್ನು ಯಾವಾಗಲೂ ಹೆಂಡತಿ ಕತ್ತಿನಲ್ಲಿ ಇರಲೇಬೇಕು. ಗಂಡನಿಗೆ ಊಟ ಬಡಿಸಿದ ಬಳಿಕ ಹೆಂಡತಿ ತಿನ್ನಬೇಕು ಅಂತಾರೆ ಹಿರಿಯರು. ಅವರು ಕೂಡ ಈ ಹಿಂದಿನಿಂದಲೂ ಇದೇ ರೀತಿಯ ನಂಬಿಕೆಗಳನ್ನು ನಂಬಿ ಬಂದಿದ್ದಾರೆ.

ಆದರೆ ಈಗ ಕಾಲ ಬದಲಾಗಿದೆ. ಇದೆನ್ನೆಲ್ಲಾ ಯುವ ಪೀಳಿಗೆಗೆ ಹೇಳಿದರೆ ಕೇರ್​ ಮಾಡದೇ ನಗುತ್ತಾರೆ. ಇಷ್ಟೇ ಯಾಕೆ ಗಂಡನ ಕಾಲು ಒತ್ತುವ ಹೆಂಡತಿ ಇವಾಗ ಯಾರಾದರೂ ಇದ್ದಾರಾ ಅನ್ನುವ ಪ್ರಶ್ನೆ ಕೂಡ ಕಾಡದೇ ಇರದು.

ಪತ್ನಿಯೇ ಪತಿ ಕಾಲನ್ನು ಯಾಕೆ ಒತ್ತಬೇಕು ಅನ್ನೋದಕ್ಕೂ ಒಂದು ಬಲವಾದ ನಂಬಿಕೆಯಿದೆಯಂತೆ. ಆ ಕಾರಣವನ್ನು ತಿಳಿದುಕೊಂಡರೇ ನಿಜಕ್ಕೂ ನಿಮಗೆ ಶಾಕ್ ಆಗುತ್ತೆ.

ಪತ್ನಿಯು ತನ್ನ ಪತಿಯ ಕಾಲು ಏಕೆ ಒತ್ತಬೇಕು ಅನ್ನೋದರ ಹಿಂದೆ ಗ್ರಹಗಳ ಕಾರಣವಿದೆಯಂತೆ. ಪುರುಷನ ಮಂಡಿಯಿಂದ ಹಿಡಿದು ಪಾದದವರೆಗೂ ಶನಿ ಇರುತ್ತಾನಂತೆ.

ಸ್ತ್ರೀಯ ಕೈಯಿಂದ ಹಿಡಿದು ಅಂಗುಷ್ಟದವರೆಗೂ ಶುಕ್ರನಿರುತ್ತಾನಂತೆ. ಶುಕ್ರನ ಪ್ರಭಾವ ಶನಿಯ ಮೇಲೆ ಬಿದ್ದಾಗ ಧನ ಪ್ರಾಪ್ತಿಯಾಗುತ್ತದಂತೆ. ಹೀಗಾಗಿ ಹಿಂದಿನಿಂದಲೂ ಪತ್ನಿ ಪತಿಯ ಕಾಲನ್ನು ಒತ್ತುತ್ತಿದ್ದರಂತೆ.

ಆದ್ದರಿಂದಲೇ ಲಕ್ಷ್ಮಿ ದೇವಿಯು ಶ್ರೀಮನ್ನಾರಾಯಣದ ಪಾದವನ್ನು ಸದಾ ಒತ್ತುತ್ತಾ ಧನ ಲಕ್ಷ್ಮಿಯಾಗುತ್ತಾಳೆ ಅನ್ನೋ ನಂಬಿಕೆಯಿದೆ.

ಇದೆಲ್ಲಾ ಬಿಟ್ಟು ಯಾರು ಯಾರ ಕಾಲನ್ನು ಬೇಕಾದರೂ ಒತ್ತಬಹುದು. ಪತಿ ಕೂಡ ಪತ್ನಿ ಕಾಲನ್ನು ಒತ್ತಿದರೆ ಯಾವುದೇ ತಪ್ಪಿಲ್ಲ. ಈ ರೀತಿ ಮಾಡಿದರೆ ಗಂಡ-ಹೆಂಡತಿ ನಡುವಿನ ಹೊಂದಾಣಿಕೆ ಹೆಚ್ಚಾಗುತ್ತೆ.