Shiva Worship: ಸೋಮವಾರದಂದೇ ಶಿವನನ್ನು ಪೂಜಿಸುವ ಕಾರಣ ಇದು!

ಸಮುದ್ರ ಮಂಥನದ ವೇಳೆ ಬಂದ ವಿಷಯವನ್ನು ಶಿವ ಕುಡಿದು ಸೃಷ್ಟಿಯ ಉಳಿವಿಗೆ ಮುಂದಾಗುತ್ತಾನೆ ಶಿವ ಹಾಲಾಹಲ ಕುಡಿದ. ಅದು ಗಂಟಲಿನಿಂದ ಕೆಳಗೆ ಇಳಿಯದಂತೆ ಪಾರ್ವತಿ ನೋಡಿಕೊಳ್ಳುತ್ತಾಳೆ.

ಈ ವೇಳೆ ಶಿವನ ದೇಹದ ತಾಪಮಾನ ತಂಪಾಗಿರುವಂತೆ ಮಾಡಲು ಚಂದ್ರನನ್ನು ತಲೆಯ ಮೇಲೆ ಧರಿಸುವಂತೆ ದೇವತೆಗಳು ಮನವಿ ಮಾಡುತ್ತಾರೆ. ದೇವತೆಗಳ ಕೋರಿಕೆಯಂತೆ ಶಿವ ಚಂದ್ರನನ್ನು ಮುಡಿಗೇರಿಸಿಕೊಳ್ಳುತ್ತಾನೆ. ಶಿವಚಂದ್ರನು ಮನಸ್ಸಿನ ಅಂಶವಾಗಿದೆ. ಮಾನಸಿಕ ಶಾಂತಿಯನ್ನು ಸಹ ನೀಡುತ್ತದೆ ಎಂಬ ನಂಬಿಕೆ ಇದೆ.

ಮಾನವನ ಮನಸ್ಸು ಬಹಳ ಚಂಚಲವಾಗಿದೆ, ಅದು ಕ್ಷಣ ಕ್ಷಣಕ್ಕೂ ಬದಲಾಗುತ್ತದೆ. ಸೋಮವಾರದಂದು ಶಿವನ ಆರಾಧನೆಯಿಂದ ಕುದುರೆಯಂತಹ ವೇಗವುಳ್ಳ ಚಂಚಲ ಮನಸ್ಸನ್ನು ನಿಯಂತ್ರಿಸಬಹುದು ಎಂದು ಹೇಳಲಾಗುತ್ತದೆ.

ಸೋಮವಾರದಂದು ಶಿವನನ್ನು ಆರಾಧಿಸುವುದರಿಂದ ಮನಸ್ಸಿನಲ್ಲಿ ಶುಭ ಆಲೋಚನೆಗಳು ಮತ್ತು ಶಾಂತಿ ಸಿಗುತ್ತದೆ. ಸೋಮವಾರ, ತ್ರಯೋದಶಿ ತಿಥಿ ಮತ್ತು ಪ್ರದೋಷ ದಿನ ಶಿವನ ಆರಾಧನೆಗೆ ಸೂಕ್ತವಾದ ದಿನ.

ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ ಶಿವನ ಮತ್ತೊಂದು ಹೆಸರು ಸೋಮೇಶ್ವರ. ಸೋಮೇಶ್ವರ ಎಂಬ ಪದಕ್ಕೆ ಎರಡು ಅರ್ಥಗಳಿವೆ. ಮೊದಲನೆಯದು ಚಂದ್ರ ಮತ್ತು ಎರಡನೆಯದು ಸೋಮದೇವ ಎಂದು. ಪೌರಾಣಿಕ ನಂಬಿಕೆಯ ಪ್ರಕಾರ, ಚಂದ್ರ ಸೋಮವಾರದಂದು ಮಾತ್ರ ಶಿವನನ್ನು ಪೂಜಿಸುತ್ತಿದ್ದನು.

ಈ ದಿನದಂದು ಶಿವನನ್ನು ಪೂಜಿಸುವುದರಿಂದ ಆರೋಗ್ಯವಂತ ದೇಹ ಲಭಿಸುತ್ತದೆ. ಸೋಮವಾರದಂದು ಭಕ್ತರು ಶಿವನನ್ನು ಪೂಜಿಸುವುದರ ಅರ್ಥವೂ ಚಂದ್ರ ದೇವರೂ ಪ್ರಸನ್ನನಾಗುತ್ತಾನೆ ಎನ್ನಲಾಗುತ್ತದೆ.

ಎರಡನೆಯ ಕಾರಣದ ಪ್ರಕಾರ, ಸೋಮ ಎಂದರೆ ಸೌಮ್ಯ ಎಂದರ್ಥ. ದೇವತೆಗಳಲ್ಲಿ ಶಿವನು ಶಾಂತ ಸ್ವಭಾವದ ದೇವರು. ಆತನ ಆಚರಣೆ ಸ್ವಭಾವವು ಸುಲಭ ಮತ್ತು ಸರಳವಾಗಿರುವುದರಿಂದ ಸೋಮವಾರವನ್ನು ಶಿವನ ದಿನವೆಂದು ಪರಿಗಣಿಸಲಾಗುತ್ತದೆ. ಸೋಮದಲ್ಲಿ ಓಂ ಇದೆ ಮತ್ತು ಶಿವನನ್ನು ಓಂ ಎಂದು ಪರಿಗಣಿಸಲಾಗುತ್ತದೆ.(ಮೇಲಿನ ಲೇಖನದ ವರದಿಯೂ ಧಾರ್ಮಿಕ ನಂಬಿಕೆಗಳು ನಡೆದ ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)