Ekadashi: ಏಕಾದಶಿ ದಿನ ಅನ್ನ ಯಾಕೆ ತಿನ್ನಬಾರದು; ಕಾರಣ ಗೊತ್ತಾ?

ಏಕಾದಶಿಯಂದು ಅನ್ನ ಸೇವಿಸಬಾರದು ಎಂಬ ನಿಯಮ ವಿದ್ದರೆ, ದ್ವಾದಶಿಯಂದು ಅನ್ನವನ್ನು ಸೇವಿಸಿದರೆ ಅದರಿಂದ ಮುಕ್ತಿ ಪಡೆಯಬಹುದು. ದಂತಕಥೆಯ ಪ್ರಕಾರ, ಶಕ್ತಿ ರೂಪಿಣಿಯ ಕೋಪಕ್ಕೆ ಗುರಿಯಾಗುತ್ತಾನೆ ಮಹರ್ಷಿ ಮೇಧಾ. .

ಈ ವೇಳೆ ಆತ ದೇಹವನ್ನು ತೊರೆದು ಭೂಮಿಯಲ್ಲಿ ಬೀಳುತ್ತಾರೆ. ಮಹರ್ಷಿ ಮೇಧಾ ಭೂಮಿಯಲ್ಲಿ ಬಾರ್ಲಿ ಮತ್ತು ಅಕ್ಕಿ ರೂಪದಲ್ಲಿ ಜನಿಸಿದರು. ಈ ಕಾರಣದಿಂದಾಗಿ, ಬಾರ್ಲಿ ಮತ್ತು ಅಕ್ಕಿಯನ್ನು ಜೀವಿಗಳೆಂದು ಪರಿಗಣಿಸಲಾಗುತ್ತದೆ.

ಏಕಾದಶಿಯ ದಿನದಂದು ಮಹರ್ಷಿ ಮೇಧಾನ ಭಾಗವು ಭೂಮಿಯಲ್ಲಿ ಲೀನವಾಯಿತು ಎಂದು ಹೇಳಲಾಗುತ್ತದೆ. ಈ ಕಾರಣದಿಂದಲೇ ಏಕಾದಶಿಯಂದು ಅನ್ನವನ್ನು ಜೀವಿ ಎಂದು ಪರಿಗಣಿಸಿ ತಿನ್ನುವುದಿಲ್ಲ, ಈ ದಿನ ಸಾತ್ವಿಕ ಆಹಾರವನ್ನು ಸೇವಿಸಬೇಕು. ಆದ್ದರಿಂದ ವಿಷ್ಣು ಪ್ರಿಯ ಏಕಾದಶಿಯ ಉಪವಾಸವನ್ನು ಸಾತ್ವಿಕ ರೂಪದಲ್ಲಿ ಪೂರ್ಣಗೊಳಿಸಬೇಕು.

ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ ಅಕ್ಕಿಯಲ್ಲಿ ನೀರಿನ ಅಂಶ ಜಾಸ್ತಿ ಇರುತ್ತದೆ ಮತ್ತು ಚಂದ್ರನ ಪ್ರಭಾವ ನೀರಿನ ಮೇಲೆ ಹೆಚ್ಚು ಇರುತ್ತದೆ ಎಂದು ನಂಬಲಾಗಿದೆ. ಆದ್ದರಿಂದ ಅನ್ನ ತಿನ್ನುವುದರಿಂದ ದೇಹದಲ್ಲಿ ನೀರಿನಂಶ ಹೆಚ್ಚುತ್ತದೆ, ಇದರಿಂದ ಮನಸ್ಸಿನ ಏಕಾಗ್ರತೆಗೆ ಭಂಗ ಬರುತ್ತದೆ ಎಂಬ ನಂಬಿಕೆ ಇದೆ.

ಏಕಾದಶಿ ಉಪವಾಸದಲ್ಲಿ ಮನಸ್ಸಿನಲ್ಲಿ ಶುದ್ಧ ಮತ್ತು ಸಾತ್ವಿಕ ಮನೋಭಾವವನ್ನು ಅನುಸರಿಸುವುದು ಬಹಳ ಮುಖ್ಯ ಎಂದು ಹೇಳಲಾಗುತ್ತದೆ. ಆದ್ದರಿಂದ, ಏಕಾದಶಿಯಂದು ಅನ್ನ ಮತ್ತು ಅನ್ನದಿಂದ ಮಾಡಿದ ವಸ್ತುಗಳನ್ನು ತಿನ್ನುವುದನ್ನು ನಿಷೇಧಿಸಲಾಗಿದೆ. (ಮೇಲಿನ ಲೇಖನದ ವರದಿಯೂ ಧಾರ್ಮಿಕ ನಂಬಿಕೆಗಳು ನಡೆದ ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್​ 18 ಕನ್ನಡ ಖಚಿತಪಡಿಸುವುದಿಲ್ಲ)