Sabarimala: ಅಯ್ಯಪ್ಪ ಶಬರಿಮಲೆಯಲ್ಲೇ ಯಾಕೆ ನೆಲೆಸಿದ? ಮಣಿಕಂಠನ ಕುರಿತು ಕುತೂಹಲಕಾರಿ ಕಹಾನಿ ಇಲ್ಲಿದೆ

ಶಬರಿಮಲೆ ಈ ಪದದ ಅರ್ಥ ಶಬರಿಯ ಬೆಟ್ಟಗಳು ಎಂದು. ರಾಮಾಯಣದಲ್ಲಿ ಬರುವ ಶ್ರೀರಾಮನ ಭಕ್ತೆ ಶಬರಿಯ ಸ್ಥಾನ ಇದು ಎನ್ನಲಾಗುತ್ತದೆ. ಅಲ್ಲದೇ ಈ ಊರಿಗೆ ಹೆಸರು ಬರಲು ಸಹ ಒಂದು ಕಾರಣವಿದೆ. ಅಲ್ಲದೇ ಅಯ್ಯಪ್ಪ ಈ ಜಾಗವನ್ನು ನೆಲೆಸಲು ಆಯ್ಕೆ ಮಾಡಿದ್ದಕ್ಕೂ ಸಹ ಅರ್ಥವಿದೆ.

ಎಲ್ಲರಿಗೂ ಗೊತ್ತಿರುವಂತೆ ತಾಯಿಯ ಆರೋಗ್ಯದ ದೃಷ್ಟಿಯಿಂದ ಹುಲಿಯ ಹಾಲು ತರಲು ಹೋಗಿದ್ದ ಅಯ್ಯಪ್ಪ ಮರಳಿ ಬಂದ ನಂತರ ಅಯ್ಯಪ್ಪ ದೇವಾಂಶ ಸಂಭೂತ ಎಂದು ತಿಳಿಯುತ್ತದೆ. ಆದರೆ ಅಯ್ಯಪ್ಪ ತಾನೂ ಬಂದ ಕೆಲಸ ಮುಗಿಯಿತು ಮರಳಿ ಹೋಗುತ್ತೇನೆ ಎನ್ನುತ್ತಾನೆ.

ಇದನ್ನು ಕೇಳಿದ ತಂದೆ, ಮಗನಿಗಾಗಿ ಒಂದು ದೇವಸ್ಥಾನವನ್ನು ನಿರ್ಮಿಸಬೇಕೆಂದು ಬಯಸುತ್ತಾನೆ. ಅಲ್ಲದೇ ಇದಕ್ಕೆ ಸೂಕ್ತವಾದ ಜಾಗವನ್ನು ನೀನೇ ಹುಡುಕು ಎಂದು ಸಹ ಹೇಳುತ್ತಾನೆ. ಇದಕ್ಕೆ ಒಪ್ಪಿದ ಅಯ್ಯಪ್ಪ ಶಬರಿಮಲೆಯನ್ನು ಆಯ್ಕೆ ಮಾಡುತ್ತಾನೆ.

ಇನ್ನು ಬಾಣವನ್ನು ತೆಗೆದುಕೊಂಡು ದೂರಕ್ಕೆ ಎಸೆಯುತ್ತದೆ. ಆ ಬಾಣವು ಶ್ರೀರಾಮನ ಭಕ್ತೆ ಶಬರಿ ತಪಸ್ಸು ಮಾಡಿದ್ದ ಸ್ಥಳಕ್ಕೆ ಹೋಗಿ ಬೀಳುತ್ತದೆ. ಈ ಜಾಗದಲ್ಲಿ ದೇವಸ್ಥಾನ ನಿರ್ಮಾಣ ಮಾಡುವಂತೆ ಹೇಳಿ ಅಯ್ಯಪ್ಪ ಮಾಯವಾಗುತ್ತಾನೆ.

ಡಿಸೆಂಬರ್ ಅಂತ್ಯ ಹಾಗೂ ಜನವರಿ ಆರಂಭ ಸಮಯದಲ್ಲಿ ಸಾವಿರಾರು ಭಕ್ತಾಧಿಗಳು ಅಯ್ಯಪ್ಪ ಮಾಲೆಯನ್ನು ಧರಿಸಿರುವುದನ್ನ ನಾವು ನೋಡುತ್ತೇವೆ. ಶಬರಿಮಲೆ ಯಾತ್ರೆ ಹೋಗುವ ಮೊದಲು ಸುಮಾರು 41 ದಿನಗಳ ಕಾಲ ಕಠಿಣ ವ್ರತ ಆಚರಣೆ ಮಾಡಿ, ಕಟ್ಟುನಿಟ್ಟಿನ ನಿಯಮಗಳನ್ನು ಪಾಲನೆ ಮಾಡುತ್ತಾರೆ.

ನಂಬಿಕೆಗಳ ಪ್ರಕಾರ ಅಯ್ಯಪ್ಪನ ದೀಕ್ಷೆ ತೆಗೆದುಕೊಳ್ಳುವುದರಿಂದ ಶನಿಯ ಕಾಟ ಇರುವುದಿಲ್ಲ ಎನ್ನಲಾಗುತ್ತದೆ. ತನ್ನ ಭಕ್ತರಿಗೆ ಯಾವುದೇ ರೀತಿಯ ಸಮಸ್ಯೆಗಳನ್ನು ಮಾಡಬಾರದು ಎಂದು ಶನಿಗೆ ಅಯ್ಯಪ್ಪ ಆಜ್ಞಾಪಿಸಿದ್ದಾನೆ ಎಂದು ಸಹ ಹೇಳಲಾಗುತ್ತದೆ.

ಇನ್ನು ಈ 41 ದಿನಗಳ ವ್ರತ ಮಾಡಿದ ನಂತರ ಶಬರಿಮಲೆಗೆ ಯಾತ್ರೆ ಹೋಗಲಾಗುತ್ತದೆ. ಅಲ್ಲಿ ಮಕರ ಸಂಕ್ರಾಂತಿಯ ದಿನ ಮಕರ ಜ್ಯೋತಿಯನ್ನು ನೋಡಿ, ಅಯ್ಯಪ್ಪನ ದರ್ಶನ ಪಡೆದು ವ್ರತ ಪೂರ್ಣಗೊಳಿಸಲಾಗುತ್ತದೆ,.