Palmistry: ಈ ಬೆರಳಿನ ಉಗುರಿನಲ್ಲಿ ಬಿಳಿ ಚುಕ್ಕೆ ಇದ್ರೆ ಜೀವನದಲ್ಲಿ ಯಶಸ್ಸು​ ಸಿಗುತ್ತೆ

ಜ್ಯೋತಿಷ್ಯ ಶಾಸ್ತ್ರದಲ್ಲಿ ಜೀವನದ ಏಳು-ಬೀಳು ಹಾಗೂ ಭವಿಷ್ಯದ ಬಗ್ಗೆ ಜಾತಕವನ್ನು ನೋಡಿ ಹೇಳಲಾಗುತ್ತದೆ. ಹಾಗೆಯೇ, ಹಸ್ತಸಾಮುದ್ರಿಕ ಶಾಸ್ತ್ರದಲ್ಲಿ ಕೈ ಬೆರಳು, ಅಂಗೈ ಹಾಗೂ ಉಗುರಿನ ಮೂಲಕ ನಿಮ್ಮ ಭವಿಷ್ಯವನ್ನು ಹೇಳಲಾಗುತ್ತದೆ.

ಇದಿಷ್ಟೇ ಅಲ್ಲದೇ ಈ ಹಸ್ತಸಾಮುದ್ರಿಕ ಶಾಸ್ತ್ರವು, ಕೈಗಳ ಮೇಲಿನ ಗುರುತುಗಳು, ದೇಹದ ಮೇಲಿನ ಮಚ್ಚೆಗಳು, ಬೆರಳಿನ ಉಗುರುಗಳು, ಕಣ್ಣುಗಳನ್ನು ಸಹ ನೋಡಿ ನಿಮ್ಮ ಬದುಕಿನ ಬಗ್ಗೆ ನಿಮಗೆ ತಿಳಿಸುತ್ತದೆ.

ಹಾಗೆಯೇ ಈ ಶಾಸ್ತ್ರದ ಪ್ರಕಾರ ನಿಮ್ಮ ಕೈ ಉಗುರಿನ ಮೇಲೆ ಬಿಳಿ ಚುಕ್ಕೆ ಇದ್ದರೆ ಬಹಳ ಲಾಭವಂತೆ. ಯಾವ ಬೆರಳಿನ ಮೇಲೆ ಈ ಚುಕ್ಕೆ ಇದೆ ಎಂಬುದರ ಮೇಲೆ ನಿಮಗೆ ಯಾವ ರೀತಿ ಯಶಸ್ಸು ಸಿಗಲಿದೆ ಎಂಬುದನ್ನು ತಿಳಿದುಕೊಳ್ಳಬಹುದು.

ಎಡಗೈ ಹೆಬ್ಬೆರಳಿನ ಉಗುರಿನ ಮೇಲೆ ಬಿಳಿ ಚುಕ್ಕೆ ಇದ್ದರೆ ಅದು ನಿಮ್ಮ ಆಸೆ ಈಡೇರುವುದರ ಸಂಕೇತವಾಗಿದ್ದು, ಈ ಬಲಗೈ ಹೆಬ್ಬೆರಳಿನ ಉಗುರಿನ ಮೇಲಿನ ಚುಕ್ಕೆಯು ಹೊಸ ಸಂಬಂಧ ಸೂಚಿಸುತ್ತದೆ.

ಎಡಗೈ ತೋರು ಬೆರಳಿನ ಉಗುರಿನ ಮೇಲೆ ಬಿಳಿ ಚುಕ್ಕೆಯು ಅದೃಷ್ಟವನ್ನು ನೀಡುತ್ತದೆ ಎಂದು ಹೇಳಲಾಗುತ್ತದೆ. ಹಾಗೆಯೇ ಈ ಬಲಗೈ ತೋರುಬೆರಳಿನ ಉಗುರು ಪ್ರಯಾಣದ ವಿಚಾರದಲ್ಲಿ ಯಶಸ್ಸು ನೀಡುತ್ತದೆ ಎನ್ನಲಾಗುತ್ತದೆ.

ಎಡಗೈ ಮಧ್ಯದ ಬೆರಳಿನ ಉಗುರಿನ ಮೇಲೆ ಬಿಳಿ ಚುಕ್ಕೆ ಇದ್ದರೆ ಹೊಸ ಬಟ್ಟೆಯನ್ನು ಖರೀದಿ ಮಾಡುವುದರ ಸಂಕೇತವಾಗಿದ್ದು, ಈ ಬಿಳಿ ಚುಕ್ಕಿ ಬಲಗೈ ಮಧ್ಯದ ಬೆರಳಿನ ಉಗುರಲ್ಲಿ ಇದ್ದರೆ ವಾಹನದ ಮೂಲಕ ಲಾಭ ಅಥವಾ ಹೊಸ ವಾಹನ ಖರೀದಿಸುವ ಸೂಚನೆಯಾಗಿದೆ.

ಎಡಗೈ ಉಂಗುರದ ಬೆರಳಿನ ಉಗುರಿನ ಮೇಲಿನ ಬಿಳಿ ಚುಕ್ಕೆಯು ಲಾಟರಿ ಅಥವಾ ಆರ್ಥಿಕ ಲಾಭವನ್ನು ನೀಡುತ್ತದೆ ಎನ್ನುವ ನಂಬಿಕೆ ಇದ್ದು, ಬಲಗೈ ಉಂಗುರದ ಬೆರಳಿನ ಉಗುರಿನ ಈ ಬಿಳಿ ಚುಕ್ಕೆಯು ಹೊಸ ಉದ್ಯೋಗ ಅಥವಾ ಪ್ರಶಸ್ತಿಯ ಸಂಕೇತವಾಗಿದೆ.

ಎಡಗೈ ಕಿರು ಬೆರಳಿನ ಉಗುರಿನ ಬಿಳಿ ಚುಕ್ಕಿಯು ಮದುವೆ ಅಥವಾ ಪ್ರೀತಿಯ ಸೂಚಕವಾಗಿದ್ದು, ಹೊಸ ವ್ಯಕ್ತಿ ಬದುಕಿಗೆ ಪ್ರವೇಶ ಮಾಡಬಹುದು. ಹಾಗೆಯೇ ಬಲಗೈ ಬೆರಳ ಉಗುರಿನ ಚುಕ್ಕೆಯು ಕನಸು ನನಸಾಗುವುದರ ಸಂಕೇತ ಎನ್ನಲಾಗುತ್ತದೆ.