Astro Tips: ತಮ್ಮ ಪಾರ್ಟ್ನರ್​ ಭಾವನೆಯನ್ನು ಅರ್ಥ ಮಾಡಿಕೊಳ್ಳೋದ್ರರಲ್ಲಿ ಎಕ್ಸ್​ಪರ್ಟ್​ ಈ ರಾಶಿಯವರು

ಸಂಬಂಧಗಳು ಗಟ್ಟಿಯಾಗಿರಬೇಕು ಎಂದಾದರೆ ಸಂಗಾತಿಗಳು ಒಬ್ಬರಿಗೊಬ್ಬರು ಅರ್ಥಮಾಡಿಕೊಂಡಿರಬೇಕು ಹಾಗೂ ಪರಸ್ಪರರ ಭಾವನೆಗಳನ್ನು ಅರಿತುಕೊಂಡಿರುವುದು ಮುಖ್ಯವಾಗಿದೆ. ಸಂಬಂಧದಲ್ಲಿ ನೀವು ಸುರಕ್ಷಿತ, ಸುಭದ್ರ ಹಾಗೂ ಪರಸ್ಪರ ಅರ್ಥಮಾಡಿಕೊಳ್ಳುತ್ತಿದ್ದಾರೆ ಎಂಬ ಭಾವನೆ ನಿಮಗನ್ನಿಸಿದರೆ ನಿಮ್ಮ ಸಂಗಾತಿ ನಿಮ್ಮ ಭಾವನೆಗಳಿಗೆ ಬೆಲೆ ನೀಡುತ್ತಿದ್ದಾರೆ ಎಂದರ್ಥವಾಗಿದೆ.

ಸಂಬಂಧ ಎಂಬುದು ಪತಿ ಪತ್ನಿಯರಿಗೆ ಹೇಗೆ ಮುಖ್ಯವಾಗಿರುತ್ತದೆಯೋ ಅಂತೆಯೇ ಪ್ರೇಮಿಗಳಿಗೂ ಅಷ್ಟೇ ಮುಖ್ಯವಾಗಿರುತ್ತದೆ. ದಾಂಪತ್ಯ ಜೀವನಕ್ಕೆ ಅಡಿ ಇಡುವುದಕ್ಕೂ ಮುನ್ನ ಪ್ರೇಮಿಗಳು ತಮ್ಮ ಸಂಬಂಧದಲ್ಲಿ ಅರಿತುಕೊಳ್ಳಬೇಕಾದ ಹಲವಾರು ಅಂಶಗಳಿರುತ್ತವೆ.

ಅದರಲ್ಲಿ ಮುಖ್ಯವಾದುದು ಸಂಗಾತಿಗಳ ಭಾವನೆಗಳಿಗೆ ಬೆಲೆ ನೀಡುವಂತಹದ್ದು. ನಿಮ್ಮ ಪಾರ್ಟನರ್ ಒಮ್ಮೊಮ್ಮೆ ತುಂಬಾ ಸೂಕ್ಷ್ಮ ಸ್ವಭಾವದವರಾಗಿರುತ್ತಾರೆ ಅಂತೆಯೇ ಅತಿಯಾಗಿ ಪ್ರೀತಿಸುವವರು, ಹೆಚ್ಚು ಭಾವನಾತ್ಮಕವಾಗಿ ಹಚ್ಚಿಕೊಂಡ ವ್ಯಕ್ತಿತ್ವದವರೂ ಆಗಿರುತ್ತಾರೆ. ಅವರವರ ರಾಶಿಗೆ ಅನುಗುಣವಾಗಿ ಈ ಸ್ವಭಾವ ಅವರಲ್ಲಿ ಒಳಗೊಂಡಿರುತ್ತದೆ. ನಿಮ್ಮ ಪಾರ್ಟನರ್ ಭಾವನಾತ್ಮಕವಾಗಿ ಸಂವೇದನಾಶೀಲರು ಎಂದಾದರೆ ಅದನ್ನು ಅರಿತುಕೊಂಡು ಮುನ್ನಡೆಯಬೇಕು ಆಗ ಮಾತ್ರವೇ ಪ್ರೀತಿ ಸಫಲವಾಗುತ್ತದೆ.

ನೀವು ಏನನ್ನು ಹೇಳದೆಯೇ ನಿಮ್ಮ ಮನದಲ್ಲಿರುವುದನ್ನು ನಿಮ್ಮ ಸಂಗಾತಿ ತಿಳಿದುಕೊಳ್ಳುತ್ತಿದ್ದಾರೆ ಎಂದರೆ ನೀವು ಅದೃಷ್ಟವಂತರೇ ಸರಿ. ಸಂಬಂಧದಲ್ಲಿ ಭಾವನಾತ್ಮಕವಾಗಿ ಸುರಕ್ಷಿತವಾಗಿರುವ ಭಾವನೆ ಉಂಟಾಗುವುದು ತುಂಬಾ ಅಪರೂಪವಾಗಿದೆ. ಆದರೆ ಈ ರಾಶಿಯವರು ನಿಮ್ಮ ಭಾವನೆಗಳನ್ನು ಅರ್ಥ ಮಾಡಿಕೊಳ್ಳುತ್ತಾರೆ. ಹಾಗಿದ್ರೆ ಆ ರಾಶಿಗಳು ಯಾವುದೆಲ್ಲಾ ಎಂಬುದನ್ನು ಈ ಲೇಖನದಲ್ಲಿದೆ ಓದಿ.

ವೃಷಭ ರಾಶಿ:  ಈ ರಾಶಿಯವರು ತಮ್ಮ ಸಂಬಂಧದಲ್ಲಿ ಭದ್ರತೆ ಹಾಗೂ ಸುರಕ್ಷತೆಬೇಕು ಎಂಬುದಾಗಿ ಬಯಸುವವರಾಗಿದ್ದಾರೆ. ತಮ್ಮ ಪಾಲುದಾರರಿಗೆ ನಿಷ್ಠಾವಂತರಾಗಿರುವ ಈ ರಾಶಿಯವರು ತಮ್ಮ ಪಾರ್ಟನರ್​​ನಿಂದಲೂ ಅದೇ ನಿಷ್ಠೆಯನ್ನು ಬಯಸುತ್ತಾರೆ. ಅವರಿಗೆ ತಮ್ಮ ಸಂಗಾತಿಗಳೇ ಮುಖ್ಯವಾಗಿರುತ್ತಾರೆ.

ಕಟಕ ರಾಶಿ: ಕಟಕ ರಾಶಿಯವರು ತುಂಬಾ ಸೂಕ್ಷ್ಮ ಸ್ವಭಾವದವರಾಗಿರುತ್ತಾರೆ. ಭಾವನೆಗಳನ್ನು ಆಗಾಗ ವ್ಯಕ್ತಪಡಿಸುವ ಮನಸ್ಸಿನವರು ಈ ರಾಶಿಯವರು. ಸಂಬಂಧದಲ್ಲಿ ಯಾವುದೇ ಭಯ ಹಾಗೂ ಸಂಕೋಚವಿಲ್ಲದೆ ಮುಕ್ತರಾಗಿ ವ್ಯವಹರಿಸುವ ಇವರು ಸಂಗಾತಿಯಿಂದಲೂ ಅಂತಹುದೇ ಭಾವನೆಯನ್ನು ಬಯಸುತ್ತಾರೆ.

ತುಲಾ ರಾಶಿ: ಭಾವನಾತ್ಮಕತೆಗೆ ಬೆಲೆ ಕೊಡುವ ತುಲಾ ರಾಶಿಯವರು ಶಾಂತಿ ಮತ್ತು ಶಾಂತತೆಯ ಭಾವವನ್ನು ತರುವ ಸಂಬಂಧಗಳಿಗೆ ಆಕರ್ಷಿತರಾಗುತ್ತಾರೆ. ಸಂವಹನದಲ್ಲಿ ನುರಿತರಾಗಿರುವ ಈ ರಾಶಿಯವರು ಯಾವುದೇ ಭಯವಿಲ್ಲದೆ ಭಾವನೆಗಳನ್ನು ಬಹಿರಂಗವಾಗಿ ವ್ಯಕ್ತಪಡಿಸುತ್ತಾರೆ ಹಾಗೂ ತಮ್ಮ ಸಂಗಾತಿ ಕೂಡ ಇದೇ ರೀತಿ ಇರಬೇಕೆಂದು ಬಯಸುತ್ತಾರೆ. ಸಂಬಂಧಕ್ಕೆ ಹೆಚ್ಚು ಆದ್ಯತೆಯನ್ನು ನೀಡುತ್ತಾರೆ

ಮಕರ ರಾಶಿ: ಈ ರಾಶಿಯವರು ತಮ್ಮ ಬದ್ಧತೆ ಹಾಗೂ ವಿಶ್ವಾಸಾರ್ಹತೆಗೆ ಹೆಸರುವಾಸಿಯಾಗಿದ್ದಾರೆ. ಭಾವನಾತ್ಮಕ ಸ್ಥಿರತೆಯನ್ನು ಹೆಚ್ಚು ಗೌರವಿಸುತ್ತಾರೆ. ಜೀವನದ ಪ್ರತಿಯೊಂದು ಏಳು ಬೀಳಿನಲ್ಲೂ ತಮ್ಮ ಸಂಗಾತಿ ತಮ್ಮೊಡನಿರುತ್ತಾರೆ ಎಂಬ ನಂಬಿಕೆಯುಳ್ಳವರಾಗಿರುತ್ತಾರೆ. ಜೊತೆಗೆ ಸಂಬಂಧ ಹಾಗೂ ಸಂಗಾತಿ ಇಬ್ಬರಿಗೂ ಸಮಾನವಾದ ಗೌರವ ಹಾಗೂ ಮೌಲ್ಯವನ್ನು ನೀಡುತ್ತಾರೆ.

ಮೀನ ರಾಶಿ: ಈ ರಾಶಿಯವರು ಭಾವನಾತ್ಮಕವಾಗಿ ಹೊಂದಿಕೆಯುಳ್ಳ ವ್ಯಕ್ತಿತ್ವದವರಾಗಿದ್ದಾರೆ. ಇತರರ ಮೇಲೆ ಕಾಳಜಿ, ಅನುಕಂಪ ಈ ರಾಶಿಯವರಿಗೆ ಸ್ವಲ್ಪ ಹೆಚ್ಚೇ ಇರುತ್ತದೆ. ಸಂಗಾತಿಯ ವಿಷಯದಲ್ಲಿ ಕೂಡ ಬದ್ಧತೆ ಹಾಗೂ ನಿಷ್ಠೆಯನ್ನೇ ಬಯಸುತ್ತಾರೆ ಹಾಗೂ ಸೂಕ್ಷ್ಮ ಮನಸ್ಸಿನವರೂ ಆಗಿದ್ದಾರೆ.