Vastu Tips: ಮನೆಯ ಶೌಚಾಲಯದಲ್ಲಿ ಉಪ್ಪನ್ನು ಇಟ್ರೆ, ಎಂತಹ ಸಮಸ್ಯೆಗಳಿದ್ರೂ ಮಾಯವಾಗುತ್ತೆ!

"ಉಪ್ಪಿಗಿಂತ ರುಚಿ ಬೇರೆ ಇಲ್ಲ" ಎಂಬ ಹಾಡಿನ ಸಾಲನ್ನು ಸಾಮಾನ್ಯವಾಗಿ ಕೇಳಿರುತ್ತೇವೆ. ನಿಜ, ಅದೆಷ್ಟೇ ಚೆನ್ನಾಗಿ ಅಡುಗೆ ರೆಡಿ ಮಾಡಿ ಕೊನೆಗೆ ಉಪ್ಪು ಒಂದು ಇಲ್ಲಅಂದ್ರೆ ರುಚಿ ಕೊಡುವುದಿಲ್ಲ. ಹಾಗಾಗಿ  ಸೇವಿಸುವ ಆಹಾರದಲ್ಲಿ ಉಪ್ಪು ಬಹಳ ಮುಖ್ಯ ಪಾತ್ರವನ್ನು ವಹಿಸುತ್ತದೆ.

ಅಡುಗೆಗೆ ಯಾವ ರೀತಿಯಾಗಿ ಉಪ್ಪು ರುಚಿಯನ್ನು ನೀಡುತ್ತದೆಯೋ ಹಾಗೆಯೇ ನಮ್ಮ ಜೀವನವನ್ನು ಕೂಡ  ಬದಲಾಯಿಸುವ ಶಕ್ತಿಯನ್ನು ಹೊಂದಿದೆ ಈ ಉಪ್ಪು. ಇದನ್ನು ಜ್ಯೋತಿಷ್ಯದ ಪ್ರಕಾರ ಉಲ್ಲೇಖಿಸಲಾಗಿದೆ.

ವಾಸ್ತು ಶಾಸ್ತ್ರದ ಪ್ರಕಾರ, ನಿಮ್ಮ ಕೆಲಸದ ಪ್ರಗತಿಯು ದೀರ್ಘಕಾಲದವರೆಗೆ ಸ್ಥಗಿತಗೊಂಡಿದ್ದರೆ, ಮನೆಯ ನೆಲವನ್ನು ಒರೆಸುವಾಗ ನೀರಿಗೆ ಸ್ವಲ್ಪ ಉಪ್ಪು ಸೇರಿಸಿ. ನೀವು ಇದನ್ನು ಪ್ರತಿದಿನ ಮಾಡಬೇಕಾಗಿಲ್ಲ. ನೀವು ಇದನ್ನು ವಾರಕ್ಕೆ ಒಂದು ಅಥವಾ ಎರಡು ಬಾರಿ ಮಾಡಬಹುದು. ಉಪ್ಪು ನೀರಿನಿಂದ ನೆಲವನ್ನು ಒರೆಸುವುದರಿಂದ ಸಂಪತ್ತು ಸಿಗುತ್ತದೆ ಎಂದು ಶಾಸ್ತ್ರದಲ್ಲಿ ಹೇಳಲಾಗಿದೆ.

ಶೌಚಾಲಯ ಅಥವಾ ಸ್ನಾನಗೃಹದಲ್ಲಿ ಉಪ್ಪನ್ನು ಇರಿಸಿ: ನಿಮ್ಮ ಮನೆಯಲ್ಲಿ ನಕಾರಾತ್ಮಕ ಶಕ್ತಿ ಹೆಚ್ಚಿದೆ ಎಂದು ನಿಮಗೆ ಭಾವಿಸಿದರೆ,  ನೀವು ಗಾಜಿನ ಲೋಟದಲ್ಲಿ ಉಪ್ಪನ್ನು ತುಂಬಿಸಿ ಮತ್ತು ಅದನ್ನು ನಿಮ್ಮ ಮನೆಯ ಶೌಚಾಲಯ , ಬಾತ್ರೂಮ್ನಲ್ಲಿ ಇರಿಸಬಹುದು. ಹೀಗೆ ಮಾಡುವುದರಿಂದ ಮನೆಯಲ್ಲಿನ ನಕಾರಾತ್ಮಕ ಶಕ್ತಿ ನಾಶವಾಗುತ್ತದೆ.

ಮಗುವಿಗೆ ಸ್ನಾನ ಮಾಡಿಸುವಾಗ ಉಪ್ಪನ್ನು ಬಳಸಿ : ಮಕ್ಕಳನ್ನು ದುಷ್ಟ ಕಣ್ಣಿನಿಂದ ರಕ್ಷಿಸಲು ವಾಸ್ತು ಶಾಸ್ತ್ರವು ಉಪ್ಪು ಪರಿಹಾರಗಳನ್ನು ಸೂಚಿಸುತ್ತದೆ. ಇದರ ಪ್ರಕಾರ, ವಾರಕ್ಕೊಮ್ಮೆ ನೀವು ನೀರಿನಲ್ಲಿ ಒಂದು ಚಿಟಿಕೆ ಉಪ್ಪಿನೊಂದಿಗೆ ಮಕ್ಕಳನ್ನು ಸ್ನಾನ ಮಾಡಿಸಬಹುದು. ವೈಜ್ಞಾನಿಕ ದೃಷ್ಟಿಯಿಂದ ಉಪ್ಪು ನೀರಿನಿಂದ ಸ್ನಾನ ಮಾಡುವುದರಿಂದ ಮಕ್ಕಳಲ್ಲಿ ಅಲರ್ಜಿ ಸಂಬಂಧಿತ ಕಾಯಿಲೆಗಳು ಬರುವುದಿಲ್ಲ.

ದೀರ್ಘಕಾಲದ ಕಾಯಿಲೆಗೆ ಪರಿಹಾರ : ನಿಮ್ಮ ಮನೆಯಲ್ಲಿ ಯಾರಾದರೂ ದೀರ್ಘಕಾಲದಿಂದ   ಅನಾರೋಗ್ಯದಿಂದ ಬಳಲುತ್ತಿದ್ದರೆ, ನೀವು ಉಪ್ಪಿನ ಪರಿಹಾರವನ್ನು ಮಾಡಬಹುದು. ಇದಕ್ಕಾಗಿ ಗಾಜಿನ ಲೋಟದಲ್ಲಿ ಉಪ್ಪನ್ನು ಹಾಕಿ ಕಾಯಿಲೆಯಿಂದ ಬಳಲುತ್ತಿರುವವರ ತಲೆಯ ಸಮೀಪ ಇಡಬೇಕು. ವಾರಕ್ಕೊಮ್ಮೆ ಆ ಉಪ್ಪನ್ನು ಬದಲಾಯಿಸಿ ಮತ್ತೆ ಹೊಸ ಉಪ್ಪನ್ನು ಸೇರಿಸಿ. ಹೀಗೆ ಮಾಡುವುದರಿಂದ ವ್ಯಕ್ತಿಯ ಆರೋಗ್ಯ ಕ್ರಮೇಣ ಸುಧಾರಿಸುತ್ತದೆ.

ಹೆಣ್ಣುಮಕ್ಕಳಿಗೆ ಪಿರಿಯಡ್ಸ್ ದಿನ ಮುಂದೆ ಹೋಗಲು: ದೇವರ ಪೂಜೆ ಅಥವಾ ಕಾರ್ಯಕ್ರಮಗಳು ಹತ್ತಿರವಿರುತ್ತದೆ ಹಾಗೆಯೇ ನಿಮ್ಮ ಪಿರಿಯಡ್ಸ್​ ದಿನಗಳು ಆಗಲೇ ಇರುತ್ತದೆ. ಇದಕ್ಕಾಗಿ ಮಾತ್ರೆಗಳನ್ನು ಸೇವಿಸುವವರು ಇರುತ್ತಾರೆ. ಇನ್ನು ಮುಂದೆ ಹೀಗೆ ಮಾಡಿ. ಒಂದು ಸಣ್ಣ ಡಬ್ಬದಲ್ಲಿ ಉಪ್ಪನ್ನು ಹಾಕಿ, ಅದಕ್ಕೆ ಒಂದು ರೂಪಾಯಿ ನಾಣ್ಯವನ್ನು ಹಾಕಿ, ಯಾರಿಗೂ ಕಾಣದೇ ಇರುವ ಜಾಗದಲ್ಲಿ ಇರಿಸಿ. ನಿಮಗೆ ಎಷ್ಟು ದಿವಸ ರಜಾ ದಿನಗಳು ಮುಂದೆ ಹೋಗಬೇಕೋ ಅಲ್ಲಿಯ ತನಕ ಹೀಗೆ ಇರಿಸಿ. ಮತ್ತೆ ತೆಗೆಯಿರಿ. ಒಂದು ಉತ್ತಮ ಫಲಿತಾಂಶವನ್ನು ನೀವು ಕಾಣಬಹುದು.

ಹೀಗೆ ಮೇಲೆ ನೀಡಲಾದ ವಾಸ್ತು ಶಾಸ್ತ್ರಗಳನ್ನು ಅನುಸರಿಸುವುದರಿಂದ ನಿಮ್ಮ ಲಕ್​ ಬದಲಾಗುತ್ತದೆ. (Disclaimer: ಮೇಲಿನ ಲೇಖನದ ವರದಿಯು ಧಾರ್ಮಿಕ ನಂಬಿಕೆಗಳು ನಡೆದು ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)