Pitru Paksha: ಪಿತೃ ಪಕ್ಷ ಯಾವಾಗ ಆರಂಭ; ಕರ್ಣನಿಗೂ ಪಿತೃ ದೋಷಕ್ಕೂ ಇರುವ ಸಂಬಂಧ ಏನು?

ಪಿತೃ ಪಕ್ಷವು ಇದೇ ಸೆಪ್ಟೆಂಬರ್​ 10ರಿಂದ ಪ್ರಾರಂಭವಾಗಿ ಸೆಪ್ಟೆಂಬರ್ 25ರವರೆಗೆ ಇರಲಿದೆ. ಈ ಹದಿನೈದು ದಿನಗಳ ಕಾಲ ತಮ್ಮ ಪೂರ್ವಜರಿಗೆ ಪೂಜೆ ಸಲ್ಲಿಸಲಾಗುವುದು. ಈ ಅವಧಿ ಹಿರಿಯರ ಪೂಜೆಗೆ ಯಾಕೆ ಶುಭ ಎಂಬ ಮಾಹಿತಿ ಇಲ್ಲಿದೆ.

ಬ್ರಹ್ಮಪುರಾಣದ ಪ್ರಕಾರ, ದೇವತೆಗಳನ್ನು ಪೂಜಿಸುವ ಮೊದಲು ಮನುಷ್ಯನು ತಮ್ಮ ಪೂರ್ವಜರನ್ನು ಪೂಜಿಸಬೇಕು. ಈ ಕಾರಣಕ್ಕಾಗಿ ಹಿಂದೂ ಧರ್ಮದಲ್ಲಿ ಹಿರಿಯರನ್ನು ಮರಣಾನಂತರ ಗೌರವಿಸಿ, ಪೂಜಿಸಲಾಗುತ್ತದೆ.

ಮಾಸಿಕ ಅಮಾವಾಸ್ಯೆ, ಪಿತೃ ಪಕ್ಷದ ಅವಧಿಯಲ್ಲಿ ಪೂರ್ವಜರನ್ನು ಪೂಜಿಸಲಾಗುವುದು. ಅದರಲ್ಲೂ ಸರ್ವ ಪ್ರಭು ಅಮಾವಾಸ್ಯೆ ಇದಕ್ಕೆ ಸೂಕ್ತ. ಈ ದಿನ ಪೂರ್ವಜರನ್ನು ಸ್ಮರಿಸಿ, ತರ್ಪಣವನ್ನು ಅರ್ಪಿಸುತ್ತೇವೆ. ಈ ವೇಳೆ ಬ್ರಾಹ್ಮಣರಿಗೆ ಅಥವಾ ನಿರ್ಗತಿಕರಿಗೆ ಅನ್ನ ಮತ್ತು ದಕ್ಷಿಣೆಯನ್ನು ನೀಡುತ್ತೇವೆ.

ಹಿಂದೂ ಧರ್ಮದ ಪ್ರಕಾರ, ಮೂರು ತಲೆಮಾರಿನ ಪೂರ್ವಜರ ಆತ್ಮಗಳು ಪಿತೃಲೋಕದಲ್ಲಿ ವಾಸಿಸುತ್ತವೆ. ಇದು ಸ್ವರ್ಗ ಮತ್ತು ಭೂಮಿಯ ನಡುವಿನ ಸ್ಥಳವೆಂದು ನಂಬಲಾಗಿದೆ. ಯಮನು ವ್ಯಕ್ತಿಯ ಆತ್ಮವನ್ನು ಭೂಮಿಯಿಂದ ಪಿತೃಲೋಕಕ್ಕೆ ಒಯ್ಯುತ್ತಾನೆ.

ಮುಂದಿನ ಪೀಳಿಗೆಯ ವ್ಯಕ್ತಿ ಸತ್ತಾಗ, ಮೊದಲ ತಲೆಮಾರಿನವರು ಸ್ವರ್ಗಕ್ಕೆ ಹೋಗುತ್ತಾರೆ. ಅವರು ಭಗವಂತನ ಸೇರುತ್ತಾರೆ. ಎಂಬ ನಂಬಿಕೆ ಇದೆ. ಇದೇ ಕಾರಣಕ್ಕೆ ಪಿತೃಲೋಕದಲ್ಲಿ ಮೂರು ತಲೆಮಾರುಗಳಿಗೆ ಮಾತ್ರ ಶ್ರಾದ್ಧ ಸಮಾರಂಭವನ್ನು ನೀಡಲಾಗುತ್ತದೆ. ಹಿಂದೂ ಗ್ರಂಥಗಳ ಪ್ರಕಾರ, ಪಿತೃ ಪಕ್ಷದ ಆರಂಭದಲ್ಲಿ, ಸೂರ್ಯನು ಕನ್ಯಾರಾಶಿಗೆ ಪ್ರವೇಶಿಸುತ್ತಾನೆ.

ಮಹಾನ್ ದಾನಿ ಕರ್ಣ ಮಹಾಭಾರತ ಯುದ್ಧದಲ್ಲಿ ಮರಣಹೊಂದಿದಾಗ, ಅವನ ಆತ್ಮವು ಸ್ವರ್ಗಕ್ಕೆ ಹೋಯಿತು. ಅಲ್ಲಿ ಅವನಿಗೆ ಚಿನ್ನ ಮತ್ತು ರತ್ನಗಳನ್ನು ಆಹಾರವಾಗಿ ನೀಡಲಾಗುತ್ತಿತ್ತು.

ಅನ್ನ ನೀಡದೇ ಚಿನ್ನ ನೀಡುತ್ತಿದ್ದ ಕಾರಣವನ್ನು ಕರ್ಣ ಇಂದ್ರನಿಗೆ ಕೇಳಿದ. ಆಗ ಇಂದ್ರನು ಕರ್ಣನಿಗೆ ನೀನು ಜೀವನದುದ್ದಕ್ಕೂ ಚಿನ್ನವನ್ನು ದಾನ ಮಾಡಿದೆ, ಆದರೆ ಶ್ರಾದ್ಧದಲ್ಲಿ ತನ್ನ ಪೂರ್ವಜರಿಗೆ ಆಹಾರವನ್ನು ನೀಡಲಿಲ್ಲ ಎಂದು ಹೇಳಿದನು.
ಕರ್ಣನು ತನ್ನ ಪೂರ್ವಜರ ಬಗ್ಗೆ ತಿಳಿಯದ ಹಿನ್ನಲೆ, ಅವನು ಎಂದಿಗೂ ಅವರ ನೆನಪಿನಲ್ಲಿ ಏನನ್ನೂ ದಾನ ಮಾಡಲಿಲ್ಲ ಎಂದು ಹೇಳಿದನು.

ಈ ದೋಷ ನಿವಾರಣೆ ಕರ್ಣನಿಗೆ 15 ದಿನಗಳ ಅವಧಿಗೆ ಭೂಮಿಗೆ ಮರಳಲು ಅವಕಾಶ ನೀಡಲಾಯಿತು, ಇದರಿಂದಾಗಿ ಅವನು ಶ್ರಾದ್ಧವನ್ನು ಮಾಡಿ, ಪೂರ್ವಜನರ ನೆನಪಿಗಾಗಿ ಆಹಾರ ಮತ್ತು ನೀರನ್ನು ದಾನ ಮಾಡಿದನು. ಈ ಅವಧಿಯನ್ನು ಈಗ ಪಿತೃ ಪಕ್ಷ ಎಂದು ಕರೆಯಲಾಗುತ್ತದೆ.