Makara Sankranti 2023: ಸಂಕ್ರಾಂತಿ ಹಬ್ಬದ ದಿನ ರಾಶಿ ಪ್ರಕಾರ ಈ ವಸ್ತುಗಳನ್ನು ದಾನ ಮಾಡಿದ್ರೆ ಶನಿ ಕಾಟ ಇರಲ್ಲ

ಮೇಷ ರಾಶಿಯವರು ಮಕರ ಸಂಕ್ರಾಂತಿಯ ದಿನದಂದು ಬಡವರಿಗೆ ಎಳ್ಳನ್ನು ದಾನ ಮಾಡಿ ಅವರ ಇಷ್ಟಾರ್ಥಗಳನ್ನು ಪೂರೈಸಬೇಕು. ಈ ರೀತಿ ಮಾಡುವುದರಿಂದ ನಿಮ್ಮ ಇಷ್ಟಾರ್ಥಗಳು ಈಡೇರುತ್ತದೆ ಎನ್ನಲಾಗುತ್ತದೆ.

ಮಕರ ಸಂಕ್ರಾಂತಿಯ ದಿನವು ವೃಷಭ ರಾಶಿಯವರಿಗೆ ಅತ್ಯಂತ ಮಂಗಳಕರ ದಿನ ಎನ್ನಬಹುದು. ಈ ದಿನ ನೀವು ಉಣ್ಣೆಯ ಬಟ್ಟೆಗಳನ್ನು ದಾನ ಮಾಡಬೇಕು. ಆಗ ಶನಿಯ ಕಾಟದಿಂದ ಮುಕ್ತಿ ಸಿಗುತ್ತದೆ,

ಮಕರ ಸಂಕ್ರಾಂತಿಯ ದಿನ ಮಿಥುನ ರಾಶಿಯವರು ಬಡವರಿಗೆ ಅನ್ನದಾನ ಮಾಡಬೇಕು. ಮಿಥುನ ರಾಶಿಯವರು ಈ ದಾನ ಮಾಡುವುದರಿಂದ ಜೀವನದಲ್ಲಿರುವ ಸಮಸ್ಯೆಗಳು ನಿವಾರಣೆಯಾಗುತ್ತದೆ.

ಮಕರ ಸಂಕ್ರಾಂತಿಯ ದಿನದಂದು ಕರ್ಕಾಟಕ ರಾಶಿಯವರು ಉಣ್ಣೆಯ ಬಟ್ಟೆ, ಎಳ್ಳು ಮತ್ತು ಸಾಬೂನು ಇತ್ಯಾದಿಗಳನ್ನು ದಾನ ಮಾಡಬೇಕು. ಇದರಿಂದ ಬಹಳ ದಿನಗಳಿಂದ ನಿಂತು ಹೋಗಿದ್ದ ಕೆಲಸ ಪೂರ್ಣವಾಗುತ್ತದೆ.

ಈ ದಿನ ಸಿಂಹ ರಾಶಿಯವರು ಬಡವರಿಗೆ ಎಳ್ಳು ಮತ್ತು ಹೊದಿಕೆಗಳನ್ನು ದಾನ ಮಾಡಬೇಕು. ಇದರಿಂದ ಸಿಂಹ ರಾಶಿಯವರ ಇಷ್ಟಾರ್ಥಗಳು ಈಡೇರುತ್ತವೆ ಎನ್ನುವ ನಂಬಿಕೆ ಇದೆ.

ಮಕರ ಸಂಕ್ರಾಂತಿಯ ದಿನದಂದು ದಾನ ಮಾಡುವುದು ಮಂಗಳಕರವೆಂದು ಪರಿಗಣಿಸಲಾಗಿದೆ. ಈ ದಿನ ಕನ್ಯಾ ರಾಶಿಯವರು ಉದ್ದಿನಬೇಳೆ, ಎಳ್ಳು ಅಥವಾ ನವಧಾನ್ಯಗಳನ್ನು ದಾನ ಮಾಡಬೇಕು.

ತುಲಾ ರಾಶಿಯ ಜನರು ಮಕರ ಸಂಕ್ರಾಂತಿಯ ದಿನದಂದು ತಮ್ಮ ಇಚ್ಛೆ ಮತ್ತು ಸಾಮರ್ಥ್ಯಕ್ಕೆ ಅನುಗುಣವಾಗಿ ವಸ್ತುಗಳನ್ನು ದಾನ ಮಾಡಬೇಕು. ತುಲಾ ರಾಶಿಯವರು ಈ ದಿನ ಎಣ್ಣೆ ಮತ್ತು ಹತ್ತಿಯನ್ನು ದಾನ ಮಾಡಬಹುದು

ಮಕರ ಸಂಕ್ರಾಂತಿಯ ದಿನದಂದು ವೃಶ್ಚಿಕ ರಾಶಿಯವರಿಗೆ ಹೊಸ ಅಕ್ಕಿ ಮತ್ತು ಉದ್ದಿನ ಬೇಳೆಯಿಂದ ಮಾಡಿದ ಖಿಚಡಿಯನ್ನು ದಾನ ಮಾಡುವುದು ಸವರ ಜೀವನದ ಸಮಸ್ಯೆಗೆ ಮುಕ್ತಿ ನೀಡುತ್ತದೆ.

ಮಕರ ಸಂಕ್ರಾಂತಿಯ ದಿನವು ಧನು ರಾಶಿಯ ಜನರಿಗೆ ಬಹಳ ಮುಖ್ಯ. ಅವರ ಸಾಡೇಸಾತಿ ಮುಗಿಯಲಿದೆ, ಹಾಗಾಗಿ ಈ ದಿನ ಧನು ರಾಶಿಯವರು ಬೇಳೆಕಾಳು ಮತ್ತು ಖಿಚಡಿಯನ್ನು ದಾನ ಮಾಡಬೇಕು.

ಮಕರ ರಾಶಿಯ ಜನರು ಮಕರ ಸಂಕ್ರಾಂತಿಯ ದಿನದಂದು ತಮ್ಮ ಇಷ್ಟಾರ್ಥಗಳನ್ನು ಪೂರೈಸಲು ಉಣ್ಣೆಯ ಬಟ್ಟೆಗಳು, ಹೊದಿಕೆಗಳು ಮತ್ತು ಪುಸ್ತಕಗಳನ್ನು ದಾನ ಮಾಡಬೇಕು. ಇದರೊಂದಿಗೆ ನೀವು ಬಡವರಿಗೆ ಹೊಸ ಧಾನ್ಯಗಳಿಂದ ಖಿಚಡಿಯನ್ನು ಸಹ ದಾನ ಮಾಡಬಹುದು.

ಮಕರ ಸಂಕ್ರಾಂತಿಯ ದಿನದಂದು, ಕುಂಭ ರಾಶಿಯವರು ತಮ್ಮ ಅದೃಷ್ಟವನ್ನು ಹೆಚ್ಚಿಸಿಕೊಳ್ಳಲು ತಮ್ಮ ಆರ್ಥಿಕ ಸ್ಥಿತಿಗೆ ಅನುಗುಣವಾಗಿ ಇಷ್ಟದ ವಸ್ತುಗಳನ್ನು ದಾನ ಮಾಡಬೇಕು.

ಮಕರ ಸಂಕ್ರಾಂತಿಯ ದಿನದಂದು ಬೇಳೆಕಾಳು ಮತ್ತು ಧಾನ್ಯಗಳನ್ನು ದಾನ ಮಾಡಬೇಕು. ಇದು ಪಾಪಗಳಿಂದ ಮುಕ್ತಿಯನ್ನು ನೀಡುತ್ತದೆ ಮತ್ತು ಅದೇ ಸಮಯದಲ್ಲಿ ಶನಿಯ ಕಾಟದಿಂದ ಮುಕ್ತಿ ನೀಡುತ್ತದೆ.