Gandmool Dosha: ಜೀವನದಲ್ಲಿ ಸಮಸ್ಯೆಗಳ ಸಾಗರವನ್ನೇ ಸೃಷ್ಟಿಸುತ್ತವೆ ಈ ದೋಷ, ಪರಿಹಾರವೂ ಇಲ್ಲಿದೆ

ಕೆಲವೊಂದು ನಕ್ಷತ್ರಗಳಲ್ಲಿ ಜನಿಸಿದವರು ಮಾತ್ರವಲ್ಲದೇ ಅವರ ತಂದೆ-ತಾಯಿ ಮತ್ತು ಒಡಹುಟ್ಟಿದವರೂ ಸಹ ಸಮಸ್ಯೆಗಳನ್ನು ಎದುರಿಸಬೇಕಾಗುತ್ತದೆ. ಆ ರೀತಿಯ ನಕ್ಷತ್ರಗಳು ಜೀವನವನ್ನು ನರಕಮಾಡಿ ಬಿಡುತ್ತವೆ. ಮುಖ್ಯವಾಗಿ ಈ ನಕ್ಷತ್ರಗಳನ್ನ ಗಂಡಮೂಲ ನಕ್ಷತ್ರ ಎನ್ನಲಾಗುತ್ತದೆ.  ನಕ್ಷತ್ರಗಳಲ್ಲಿ ಜನಿಸಿದವರು ಗಂಡಮೂಲ ದೋಷದಿಂದ ಬಳಲುತ್ತಾರೆ

ಈ ಗಂಡಮೂಲ ನಕ್ಷತ್ರಗಳೆಂದರೆ ಅಶ್ವಿನಿ, ಆಶ್ರೇಶ, ಮಖ, ಜ್ಯೇಷ್ಟ, ಮೂಲ, ರೇವತಿ. ಇದರಲ್ಲಿ ಅಶ್ವಿನಿ, ಮಖ ಮತ್ತು ಮೂಲ ನಕ್ಷತ್ರಗಳು ಕೇತು ಗ್ರಹಕ್ಕೆ ಸಂಬಂಧಿಸಿದ್ದಾಗಿದ್ದು, ಆಶ್ಲೇಷ, ಜ್ಯೇಷ್ಟ ಮತ್ತು ರೇವತಿ ನಕ್ಷತ್ರಗಳು ಬುಧಕ್ಕೆ ಸಂಬಂಧಿಸಿವೆ. ಈ ನಕ್ಷತ್ರದಲ್ಲಿ ಜನಿಸಿದವರು ಜೀವನದಲ್ಲಿ ಅನೇಕ ಸಮಸ್ಯೆಗಳನ್ನು ಅನುಭವಿಸಬೇಕಾಗುತ್ತದೆ.

ಈ ನಕ್ಷತ್ರದಲ್ಲಿ ಹುಟ್ಟಿದವರಿಗೆ ಪ್ರತಿಯೊಂದು ಹಂತದಲ್ಲಿ ಸಮಸ್ಯೆಗಳು ಬರುತ್ತದೆ. ಕೆಲವೊಂದು ಸಮಸ್ಯೆಗಳು ಅತಿರೇಕಕ್ಕೆ ಹೋಗುವ ಸಾಧ್ಯತೆ ಇರುತ್ತದೆ. ಅಲ್ಲದೇ, ಅನೈತಿಕ ಕೆಲಸಗಳನ್ನು ಮಾಡುವ ರೀತಿ ಈ ದೋಷ ಪ್ರಚೋಧಿಸುತ್ತದೆ. ಒಟ್ಟಾರೆ ಇದು ಜೀವನವನ್ನೇ ಹಾಳು ಮಾಡುತ್ತದೆ.

ಈ ನಕ್ಷತ್ರಗಳಲ್ಲಿ ಮುಖ್ಯವಾಗಿ ಆಶ್ಲೇಷ ಮತ್ತು ಮೂಲ ನಕ್ಷತ್ರಗಳನ್ನು ಅತಿ ಗಂಡ ಮೂಲ ನಕ್ಷತ್ರಗಳೆಂದು ಪರಿಗಣಿಸಲಾಗುತ್ತದೆ. ಇದರಿಂದ ಹುಟ್ಟಿದವರಿಗೆ ಮದುವೆ ಸೇರಿದಂತೆ ಇತರ ಸಮಸ್ಯೆಗಳಾಗುತ್ತದೆ. ಅಲ್ಲದೇ, ಈ ನಕ್ಷತ್ರದಲ್ಲಿ ಹುಟ್ಟಿದವರ ಮನೆಯಲ್ಲಿ ಸಹ ನೆಮ್ಮದಿ ಇರುವುದಿಲ್ಲ.

ಇವರ ಪೋಷಕರಿಗೆ ಆಗಾಗ ತೊಂದರೆ ಆಗುವುದು, ಮನೆಯಲ್ಲಿ ಪದೇ ಪದೇ ಜಗಳ ಹೀಗೆ ಒಂದೆಲ್ಲಾ ಒಂದು ಸಮಸ್ಯೆ ಬರುತ್ತದೆ. ಅದರಲ್ಲೂ ಮನೆ ಹಿರಿಯರ ಆರೋಗ್ಯದಲ್ಲಿ ದೊಡ್ಡ ಸಮಸ್ಯೆ ಆಗುವ ಸಾಧ್ಯತೆ ಈ ದೋಷದಿಂದ ಇದೇ ಎನ್ನಲಾಗುತ್ತದೆ.

ಆದರೆ ಈ ನಕ್ಷತ್ರಗಳ ಮೇಲೆ ಶುಭ ಗ್ರಹಗಳ ದೃಷ್ಟಿ ಇದ್ದರೆ ಅಥವಾ ಆ ಗ್ರಹಗಳು ಈ ನಕ್ಷತ್ರದಲ್ಲಿ ಸಂಚಾರ ಮಾಡುತ್ತಿದ್ದರೆ, ಇದರಿಂದ ಒಳ್ಳೆಯದು ಕೂಡ ಆಗುತ್ತದೆ. ಇದರಿಂದ ವ್ಯಾಪಾರ ಹಾಗೂ ವ್ಯವಹಾರದಲ್ಲಿ ದೊಡ್ಡ ಲಾಭಗಳಿಸಬಹುದು. ಆದರೆ ಇದು ಬಹು ಅಪರೂಪ ಎನ್ನಲಾಗುತ್ತದೆ.

ಪರಿಹಾರ: ಪ್ರತಿದಿನ ತಪ್ಪದೇ ಗಣೇಶ ಹಾಗೂ ದುರ್ಗಾ ದೇವಿಯ ಆರಾಧನೆ ಮಾಡಬೇಕು. ಹಾಗೆಯೇ ಲಲಿತಾ ಸಹಸ್ರನಾವನ್ನು ಸಹ ಪಠಿಸುವುದರಿಂದ ದೋಷದ ಪರಿಣಾಮಗಳು ಕಡಿಮೆಯಾಗುತ್ತದೆ. ಇದರ ಜೊತೆಗೆ ನೀವು ಅನ್ನ ಹಾಗೂ ಬಟ್ಟೆಗಳನ್ನು ದಾನ ಮಾಡಿದರೆ ಶುಭಫಲ ಸಿಗುತ್ತದೆ.

(ಹಕ್ಕುತ್ಯಾಗ: ಈ ಲೇಖನದಲ್ಲಿ ನೀಡಲಾದ ಮಾಹಿತಿಯು ಜನರ ನಂಬಿಕೆಗಳು ಮತ್ತು ಅಂತರ್ಜಾಲದಿಂದ ಸಂಗ್ರಹಿಸಿದ ಮಾಹಿತಿಯನ್ನು ಆಧರಿಸಿದೆ. ನ್ಯೂಸ್ 18 ಇದನ್ನು ಖಚಿತಪಡಿಸಿಲ್ಲ ಎಂಬುದನ್ನು ದಯವಿಟ್ಟು ಗಮನಿಸಿ.)