Dream Meaning: ಕನಸಿನಲ್ಲಿ ಈ ಪ್ರಾಣಿ ಬಂದ್ರೆ ಜೊತೆಗಾರರ ಬಗ್ಗೆ ಎಚ್ಚರ ವಹಿಸಿ, ಆಪ್ತರಿಂದಲೇ ಮೋಸ ಹೋಗ್ತೀರಿ

ರಾತ್ರಿ ಮಲಗುವಾಗ ಕನಸುಗಳು ಬೀಳುವುದು ಸಹಜ. ಕೆಲವು ಕನಸುಗಳು ಸಿಹಿಯಾಗಿರುತ್ತವೆ, ಇನ್ನೂ ಕೆಲ ಕನಸುಗಳು ಭಯ ಹುಟ್ಟಿಸುತ್ತದೆ ಮತ್ತು 3-4 ದಿನಗಳವರೆಗೆ ಕಾಡುತ್ತದೆ. ಹಾಗೆಯೇ ಕೆಲ ಕನಸುಗಳನ್ನು ನಾವು ಎಷ್ಟೇ ನೆನಪಿಟ್ಟುಕೊಳ್ಳಲು ಪ್ರಯತ್ನಿಸಿದರೂ ನೆನಪಾಗುವುದಿಲ್ಲ.

ಜ್ಯೋತಿಷ್ಯಶಾಸ್ತ್ರದ ಪ್ರಕಾರ ಕನಸಿಗೆ ಒಂದು ಅರ್ಥವಿದೆ. ಕನಸಿನಲ್ಲಿ ನಮಗೆ ಖಂಡಿತವಾಗಿಯೂ ಪ್ರಾಣಿಗಳು, ಪಕ್ಷಿಗಳು ಅಥವಾ ನಮ್ಮ ಸುತ್ತಲಿನ ಕೆಲವು ವಸ್ತುಗಳು ಕಾಣಿಸುತ್ತದೆ. ನೀವು ಕನಸಿನಲ್ಲಿ ಮೊಸಳೆಯನ್ನು ನೋಡಿದರೆ ಸಹ ಅದಕ್ಕೂ ಅರ್ಥವಿದೆ.

ನಿಮ್ಮ ಕನಸಿನಲ್ಲಿ ಮೊಸಳೆಯನ್ನು ನೀವು ನೋಡಿದರೆ, ಅದು ನಿಮ್ಮ ಭವಿಷ್ಯವನ್ನು ಪ್ರತಿನಿಧಿಸುತ್ತದೆ ಎನ್ನಲಾಗುತ್ತದೆ. ಮೊಸಳೆಯು ಒಂದು ಬುದ್ದಿವಂತೆ ಪ್ರಾಣಿಯಾಗಿದ್ದು, ತನ್ನ ಬೇಟೆಯನ್ನು ಬಹಳ ಎಚ್ಚರಿಕೆಯಿಂದ ಹೊಂಚು ಹಾಕಿ ಹಿಡಿಯುತ್ತದೆ. ಅದು ತನ್ನ ಬೇಟೆಯನ್ನು ಹಿಡಿಯಲು ನಿಧಾನವಾಗಿ ಚಲಿಸುತ್ತದೆ, ಅರಿವಿಗೆ ಬರದಂತೆ ಅದನ್ನು ಹಿಡಿಯುತ್ತದೆ.

ಕನಸಿನಲ್ಲಿ ಒಂದಕ್ಕಿಂತ ಹೆಚ್ಚು ಮೊಸಳೆಗಳನ್ನು ನೋಡುವುದು ಅಶುಭದ ಸಂಕೇತವಾಗಿದೆ. ನೀವು ಒಳ್ಳೆಯ ಜನರೊಂದಿಗೆ ಸಂಬಂಧ ಹೊಂದಿಲ್ಲ ಎಂಬುದು ಇದರ ಅರ್ಥ. ನಿಮ್ಮೊಂದಿಗೆ ಸ್ನೇಹಿತರಾಗಿರುವವರು ಯಾವಾಗಲೂ ನಿಮಗೆ ಹಾನಿ ಮಾಡಲು ಬಯಸುತ್ತಾರೆ. ಆದ್ದರಿಂದ ನೀವು ಎಚ್ಚರಿಕೆಯಿಂದ ಇರಬೇಕು ಎಂಬುದನ್ನ ಕನಸಿನ ಮೂಲಕ ತಿಳಿಸುತ್ತದೆ.

ಕನಸಿನಲ್ಲಿ ಮೊಸಳೆ ಕಂಡರೆ ಮುಂದಿನ ದಿನಗಳಲ್ಲಿ ನಿಮಗೆ ಸಮಸ್ಯೆಗಳನ್ನು ಉಂಟುಮಾಡುವ ಅಂತಹ ಸ್ನೇಹಿತರೊಂದಿಗೆ ಜಾಗರೂಕರಾಗಿರಿ ಎಂದು ಎಚ್ಚರಿಸುತ್ತದೆ. ಹಾಗಾಗಿ ನೀವು ಸಹ ಯಾರ ಸಹವಾಸ ಮಾಡಿದ್ದೀರಿ ಎಂಬುದನ್ನ ಮರುಪರಿಶೀಲನೆ ಮಾಡಿಕೊಳ್ಳಿ.

ಕನಸಿನಲ್ಲಿ ಮೊಸಳೆ ಪದೇ ಪದೇ ಬಂದರೆ ನೀವು ಈಗ ಮಾಡುತ್ತಿರುವ ಯಾವುದೋ ಕೆಲಸ ಭವಿಷ್ಯದಲ್ಲಿ ನಿಮಗೆ ತೊಂದರೆ ನೀಡುತ್ತದೆ ಅಥವಾ ಯಾರಾದರೂ ನಿಮಗೆ ತೊಂದರೆ ನೀಡಲು ಪ್ರಯತ್ನಿಸಬಹುದು ಎಂಬುದ ಸಂಕೇತ ಎನ್ನಬಹುದು.

ನಿಮ್ಮ ಕನಸಿನಲ್ಲಿ ಮೊಸಳೆ ಅಳುತ್ತಿರುವುದನ್ನು ನೀವು ನೋಡಿದರೆ, ಇದರರ್ಥ ನೀವು ಜೀವನದಲ್ಲಿ ಸಂತೋಷವಾಗಿಲ್ಲ ಎಂದರ್ಥ. ಹಾಗಾಗಿ ಸ್ವಲ್ಪ ಎಚ್ಚರಿಕೆಯ ಅಗತ್ಯವಿದೆ ಎಂದರ್ಥ.ನೀವು ನಿಮ್ಮ ಕುಟುಂಬ ಸದಸ್ಯರೊಂದಿಗೆ ಮಾತನಾಡಬೇಕು ಮತ್ತು ಅವರೊಂದಿಗೆ ಸಮಯ ಕಳೆಯಬೇಕು. ಹೀಗೆ ಮಾಡುವುದರಿಂದ ನಿಮ್ಮ ಸಮಸ್ಯೆಗೆ ಸೂಕ್ತ ಪರಿಹಾರ ಸಿಗುತ್ತದೆ.

(Disclaimer: ಮೇಲಿನ ಲೇಖನದ ವರದಿಯು ಧಾರ್ಮಿಕ ನಂಬಿಕೆಗಳು ನಡೆದು ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)