Vastu Tips: ಒಂದು ಲವಂಗದಿಂದ ಮನೆಯ ಸಮಸ್ಯೆಗಳೆಲ್ಲಾ ಮಂಗಮಾಯ!

ವಾಸ್ತು ಶಾಸ್ತ್ರ ಎಂಬುದು ಜೀವನದಲ್ಲಿ ಬಹಳ ಮುಖ್ಯ ಪಾತ್ರವನ್ನು ವಹಿಸುತ್ತದೆ. ಯಾಕಂದ್ರೆ  ಮನೆಯಲ್ಲಿ ನೆಮ್ಮದಿ, ಹಣ, ಸುಖ ಬೇಕು ಎಂದಾದಲ್ಲಿ ನೀವು ಒಂದಷ್ಟು ವಾಸ್ತು ಶಾಸ್ತ್ರಗಳನ್ನು ಫಾಲೋ ಮಾಡಿದ್ರೆ ಸಾಕು.

ಲವಂಗ ಮತ್ತು ಉಪ್ಪನ್ನು ಒಟ್ಟಿಗೆ ಮನೆಯಲ್ಲಿ ಇಡುವುದರಿಂದ ಪಾಸಿಟಿವ್​ ಎನರ್ಜಿ ಜಾಸ್ತಿ ಆಗುತ್ತೆ. ಹಣದ ನಷ್ಟವಾಗುವುದಿಲ್ಲ ಎಂದು ನಂಬಲಾಗುತ್ತದೆ. ಇದರೊಂದಿಗೆ ಆರ್ಥಿಕ ಸಮೃದ್ಧಿಯೂ ಹೆಚ್ಚಾಗುತ್ತದೆ. ಶಾಸ್ತ್ರದಲ್ಲಿ ಹೇಳಿರುವ ಲವಂಗ-ಕರ್ಪೂರ ಪರಿಹಾರದ ಪ್ರಯೋಜನಗಳೇನು?ಇದನ್ನು ಬಳಸುವುದು ಹೇಗೆ ಎಂಬುದನ್ನು ಇಂದು ತಿಳಿಸಿಕೊಡುತ್ತೇವೆ.

ಆರ್ಥಿಕ ಸಮಸ್ಯೆಗಳಿಂದ ಹೊರಗೆ ಹೇಗೆ ಬರುವುದು?  ವಾಸ್ತು ಶಾಸ್ತ್ರ ಮತ್ತು ನಂಬಿಕೆಯ ಪ್ರಕಾರ, ಮನೆಯಲ್ಲಿ ಸಂತೋಷ ಮತ್ತು ಸಮೃದ್ಧಿಇಲ್ಲದಿದ್ದರೆ ಮತ್ತು ಆರ್ಥಿಕ ಬಿಕ್ಕಟ್ಟು ಇದ್ದರೆ ಕರ್ಪೂರ ಮತ್ತು ಕೆಲವು ಲವಂಗದ ತುಂಡುಗಳನ್ನು ಮನೆಯ ಅಡುಗೆ ಮನೆಯಲ್ಲಿ ಒಂದು ಬಟ್ಟಲಿನಲ್ಲಿ ಹಾಕಿ ಬೆಳಿಗ್ಗೆ ಮತ್ತು ಸಂಜೆ ಸುಡಬೇಕು. ಹೀಗೆ ಮಾಡುವುದರಿಂದ ಆರ್ಥಿಕ ಸಮಸ್ಯೆ ದೂರವಾಗುತ್ತದೆ.

ನಿಮ್ಮ ಹಣ  ಕಳೆದು ಹೋಗಿದ್ಯಾ? ಅದಕ್ಕೆ ಇಲ್ಲಿ ಒಂದಷ್ಟು ಕ್ರಮಗಳನ್ನು ನೀಡಲಾಗಿದೆ. ಕೆಂಪು ಗುಲಾಬಿಯಲ್ಲಿ ಕೆಲವು ಕರ್ಪೂರದ ತುಂಡುಗಳು ಮತ್ತು ಕೆಲವು ಲವಂಗಗಳನ್ನು ಹಾಕಿ ದುರ್ಗೆಗೆ ಅರ್ಪಿಸಿ. ಹೀಗೆ ಮಾಡುವುದರಿಂದ ಕಳೆದುಹೋದ ಹಣ ವಾಪಸ್ ಬರುತ್ತದೆ ಎಂಬ ನಂಬಿಕೆ ಇದೆ.

ಒಂದು ಬಟ್ಟಲಿನಲ್ಲಿ 5 ಲವಂಗ, ಕೆಲವು ಕರ್ಪೂರ ಮತ್ತು ಏಲಕ್ಕಿಯನ್ನು ಸುಟ್ಟುಹಾಕಿ. ಅದರ ನಂತರ ಅದರ ಹೊಗೆಯನ್ನು ಮನೆಯ ಎಲ್ಲಾ ಕೋಣೆಗಳಿಗೆ ಮತ್ತು ಪೂಜಾ ಸ್ಥಳಕ್ಕೆ ಕೊಂಡೊಯ್ಯಿರಿ. ಇದರಿಂದ ಹೊರಬರುವ ಹೊಗೆಯು ನಕಾರಾತ್ಮಕ ಶಕ್ತಿಯನ್ನು ನಾಶಪಡಿಸುತ್ತದೆ ಮತ್ತು ಧನಾತ್ಮಕ ಶಕ್ತಿಯನ್ನು ತರುತ್ತದೆ.

ರಾತ್ರಿ ಮಲಗುವ ಮುನ್ನ, ಹಸುವಿನ ತುಪ್ಪದಲ್ಲಿ ಕರ್ಪೂರವನ್ನು ಮುಳುಗಿಸಿ ಹಿತ್ತಾಳೆಯ ಪಾತ್ರೆಯಲ್ಲಿ ಸುಟ್ಟರೆ, ಅದು ಕುಟುಂಬದಲ್ಲಿ ಸಂತೋಷ ಮತ್ತು ಶಾಂತಿಯನ್ನು ಕಾಪಾಡುತ್ತದೆ.

ನಿಮಗೆ ಶತ್ರುಗಳಿಂದ ತೊಂದರೆಯಾಗುತ್ತಾ ಇದ್ದರೆ, ಏಳು ಬಾರಿ ಭಜರಂಗಬಾಣ ಪಠಿಸಿ ಹನುಮಂತನಿಗೆ ಲಡ್ಡುಗಳನ್ನು ಅರ್ಪಿಸಿ, ನಂತರ ಕರ್ಪೂರವನ್ನು ಐದು ಲವಂಗಗಳೊಂದಿಗೆ ಸುಟ್ಟು ಹಾಕಿ. ಇದರ ಭಸ್ಮದ ತಿಲಕವನ್ನು ಹಚ್ಚಿದ ನಂತರವೇ ಮನೆಯಿಂದ ಹೊರಡಬೇಕು. ಹೀಗೆ ಮಾಡುವುದರಿಂದ ಶತ್ರುಗಳನ್ನು ಸೋಲಿಸಬಹುದು.

ಲವಂಗ ಕೇವಲ ಅಡುಗೆಗೆ ಮಾತ್ರವಲ್ಲದೇ, ವಾಸ್ತು ದೋಷವನ್ನು ಕೂಡ ಬದಲಾಯಿಸುತ್ತದೆ. ನೀಡಲಾದ ಈ ಎಲ್ಲಾ ಟಿಪ್ಸ್​ಗಳನ್ನುಇನ್ನು ಮುಂದೆ  ಫಾಲೋ ಮಾಡಿ. Disclaimer: ಮೇಲಿನ ಲೇಖನದ ವರದಿಯು ಧಾರ್ಮಿಕ ನಂಬಿಕೆಗಳು ನಡೆದು ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)